دلوقتى فى سنة 2015 انهى افضل السبورتاج ولا الهيونداى i35 بعد انتشارهم

**Abdoelfeky** · 02-04-2015 05:10 PM

المشاركة الأصلية كتبت بواسطة borio1704

الشكل الجديد من توسون/ix35 نزل في كوريا

تقدر تتعرف عليه من هنا..
http://www.hyundai.com/kr/showroom.do?carcd1=rv002

بس على ما ينزل مصر.. أعتقد لسه قدامنا كام شهر.. لإنه لسه ما نزلش على موقع هيونداي العالمي.

...

شكلها جامد جدا فعلا مبهره
بس تعتقد انها هتنزل مصر فى خلال كام شهر بس انت عارف سياسة التجارة مش هتنزل الا لما يخلصوا كل القديم

**Abdoelfeky** · 02-04-2015 05:12 PM

المشاركة الأصلية كتبت بواسطة YahiaAshraf

بصراحه منصحكش بأى واحده فيهم ولكن لو مصمم عليهم خليك فى الهيونداى

تمام

**borio1704** · 03-04-2015 11:50 AM

المشاركة الأصلية كتبت بواسطة abdoelfeky

شكلها جامد جدا فعلا مبهره
بس تعتقد انها هتنزل مصر فى خلال كام شهر بس انت عارف سياسة التجارة مش هتنزل الا لما يخلصوا كل القديم

متهيألي بنتكلم في حوالي ٤-٦ شهور من دلوقتي.. بحيث تنزل وتبقى موديل 2016.. ويفترض إن الوكيل يكون عامل حسابه ويبدأ يقلل مخزونه علشان الجديد لما ييجي..

وفي الغالب... بواقي الموديل القديم بيتعمل عليها تخفيض كويس يخلي الناس تشتريه.

أنا فاكر في 2012 لما الإيلانترا الشكل الجديد نزلت.. كان فيه عروض كويسة قوي على الشكل القديم.

بس خلي بالك من حاجة مهمة جدا..

هيونداي وكيا هينزلوا كل عربياتهم الجديدة مجرد تحسينات على العربيات الحالية..

بمعنى إنك مش هتشوف تغييرات كبيرة زي ما شفنا في الإيلانترا مثلا.. إنما مجرد تغييرات في الشكل الخارجي والداخلي.. مع تحسينات على مستوى الفخامة.

دي سياستهم الواضحة في كل العربيات اللي نزلت خلال السنة دي.. وهدفها الأساسي تخفيض الأسعار ... أو يمكن زيادة الأرباح.

...