و السكودا نفس الموضوع
بس فى حاجه فى الكوجا تانك البنزين ملوش لوك و الغطاء الداخلى نفس الموضوع و دى حاجه سخيفه
عرض للطباعة
و السكودا نفس الموضوع
بس فى حاجه فى الكوجا تانك البنزين ملوش لوك و الغطاء الداخلى نفس الموضوع و دى حاجه سخيفه
فعلا شئ غتت وافتكاسة مالهاش اى لازمة موضوع غطاء التانك اللى مش بيقفل مع السنتر لوك وكمان مالهوش قفل للتانك هو بلف يسمح بدخول البنزين فى اتجاه واحد فقط واكيدامان ان شاء الله انا نسيته اساسا بس العربية مستفزة بشكل سخيف مفيش حد بيشوفها غير لما رقبته تتلوح وده ميطمنش وربنا يستر مع انها نفس حجم الهيونداى والسبورتاج بس فيها حاجه مستفزة
الف مبروك ربنا يباركلك فيها و يكفيك شرها
سؤال عن معلومة ان تانك البنزين ملوش لوك و مفتوح علطول ممكن حد ياكدها
معايا فوكاس 2011 و تانك البنزين ملوش لوك وده حال الفورد كوله ده تالت فورد عندى
من فضلكم يا جماعه معلومات عن الثبات واعزل لو سمحتم . او لو حد يقدر يعمل تقرير شامل
ايه الفرق بين الفئات والسعر
الثبات بالنسبة للفئة ده من العربات يعتبر كويس, بس العفشة المريحة جدا بتاعتها علشان ناعمة فيها مشكله انها في الملفات على سرعة عالية بتميل جامد, لكن ده جسم العربية بس لكن الكاوتش ثابت على الأرض, و لما حاولت عن عمد أعوم العربية في ملف واسع شوية, الESP اشتغل و زبطها :)
بالنسبة للعزل ممتاز الى 120كم\س بعد كده صوت الهوا بيعلا كأن الكاوتش مش محكم, لسه هأولوهم في الصيانة يراجعوا عليه.
أنا عملت صيانة ال1000 , التوكيل والصيانة ممتازين, قمة الأدب و الإحترام والنظام.
التسارع ممتاز. الفرامل هايله, تكيف جيد, عفشة ممتازه, مساحه جيدة, الدركسيون ناعم جدا و دقيق جدا ومع السرعة بيتقل و يثبت جدا, الInfotainment system رائع, كراسي مش مريحة أوي لانها صغيرة شوية.
أسف للإختصار لضيق الوقت.
الف مبروك لكل ملاك الكوجا الجداد ربنا يديلكم خيرها ويكفيكم شرها
عايزين تقرير حلو بالصور علشان الي بيفكر في عربية جديدة يفكر قبل ميدفع ربع مليون في عربية كوري مفيهاش اي امان.
عملت الصيانه فين؟
الف مبروك للناس اللى استلمت
ممكن الناس اللى استلمت تعمل تقرير مبسط عن الاداء و الثبات
الف الف مبروك لكل اللي استلم العربية و ربنا يبارك لكم فيها و يكفيكم شرها ياريت متبخلوش عننا باي معلومات عن السيارة لأنة أكيد رئيكم هيسعدنا كتير في معرفة السيارة بحكم انها جديدة و شكرًا
والله يا جماعة كنت راكب فانتزيا وقلت اما اغير روحت شفت الايه 7 الجديدة
حسيت ان الوكيل بتاعها بيستخسر فينا فلوسنا خلى العفشة منيلة والعربية
خفت اوى الصراحة الفانتزيا اشد منها بكتييييير قعد الف وادور وادور وبالصدفة
شفت الفود كوجا الجديدة اعجبت جدا بيها وقعدت اسال وادور الناس هنا فى مصر
مستسهلين الكورى مع انها ضعيفة جدا بعد ما جربت الاسبورتاج
المهم استخرت ربنا ما بين الفيوجن والكوجا واستلمتها باوفر برايس 10000 جنية
وقلت اهى مغامرة ولكن طلعت احلى احلى مغامرة العربية بسم الله ماشاء الله تحفة
فنية ووحش والله وحش فى كل حاجة قوية جدا ناعمة جدا عالية على المطبات الكاريثية
فى بلدنا والله ما لقيت فيها عيب غير عدم وجود الاستبن
الاسكودا الجديدة بجوار الجوكا معزة حامل هههههههه
العربية استلمتها فوق الممتازة فرحان جدا بيها الثبات والقوة مع النعومة ولما تدوس كيك تحس انها بتجرى
وانت تجرى وراها من الاخر وحش قوته 180 حصان لازم قلبك حديد عشان تقدر تتحكم فيها
ايمن ماهر
ربنا يباركلك يا استاذ كريم عشان موضوع الاستبن
انا بحط فيها بنزين 92 فلة بسم الله ما شاء الله
ايمن ماهر
الحمد لله عملت جروب مخصوص للعربية على الفيس بوك بنتناقش فيه للملاك الجدد للعربية ومواضيعه ظريفة وفيه فيديوهات توضيحية وقريبا فى خلال اسبوع هيكون فيه تقرير مصور فيديو لبرنامج للسيارات بالعربى عليها بيعمله ويعده صديق لى على اليوتيوب بس برنامج مميز وعامل شغل جامد مع عربيات كتير وان شاء الله يعجبكم التقرير وده لينك الجروب https://www.facebook.com/groups/1594291250788594/?fref=nf
السلام عليكم
انا استلمت الكوجا بقالى اسبوعين
وبسم الله ماشاء الله تحفة فى كل شيء
عيبها فقط عدم وجود استبن المصنع جعلها
عربية لا ينقصها شىء من قوة رهيبة اتزان
رائع تكييف ممتاز عزل هايل عفشة قوية جدا وناعمة جدا
انا بصراحة مش عارف الناس تايهة عنها ازاى وبتجرى وراء
الكورى الزبالة فى كل شىء اخويا اول ما ركب معايا طلب منى
يسوقها واتديهاله بالعافية بعد ما نزل عمل اعلان علطول عشان
يبيع الاى اكس 35 اللى معاه واول ما يبيعها هيجيب الكوجا لانها
عجبتة جدا وحس بفرق رهيب جدا لصالح الكوجا طبعا فى كل شىء
بانصح كل الناس بيها والله العظيم ولن تندموا ..ايمن
مبروك عليك ياباشا انت جبتها اى فئة وياريت المواصفات والسعر اذا امكن .
النهارده اتفرجت على الفيوجن والكوجا وردود موظف المبيعات كانت::
بالنسبه للاستبن ...الكاوتش run on flat وبالتالي لا حاجه للاستبن...
بالنسبه لغطاء البنزين المفروض انه لا يسمح الا بمسدس البنزين في المحطه
فورد ملهاش حظ فمصر واحتمال لو سعر ازل فئه ده وافي كماليات مرضيه يبقى هتبيع كويس
السلام عليكم ورحمة الله و بركاته
انا مقيم في الإمارات وجبت العربيه دي زيرو 2012 اللي هو الشكل القديم المرفق صورته (هنا)، وهيا هنا و في امريكا اسمها اسكيب .. بس لما شفتها في اوروبا كان ليها اسم تاني واعتقد انه كوجا .. الموديل الجديد مختلف في حاجات كتير فممكن يكون تقييمي مش في محله اوي، عموما ليا صديق جابها جديد وممكن اساله عن اي حاجه انتوا عايزينها، وبصراحه فرحت اوي لما نزلت مصر وكنت مستغرب انها مش موجوده في مصر من قبل كده. انا ما سقتش العربيه الشكل الجديد لسه بالرغم من ان صديقي عرض عليها اجربها بس قلتله استنى لما تخلص التليين لان سواقتي عنيفه و سريعه .
الشكل الجديد اسباني مش امريكي و موتوره سي سي اقل بس تربو وعزم اعلى بكتير
تجربتي مع العربيه على مدى تلات سنين ونص استخدام فوق الممتازة، عربية مفيهاش غلطه، الفور ويل وال esp هايل يعني تمشي في الرمل وتطلع الأرصفه بسلاسة، محصلش فيها اعطال ابداً ما عدا مرة فانوس اتحرق واتغير في الضمان، ثبات هايل مع السرعة، ده غير معدل الأمان العالي فيها وكانت واخدة تقييم دولي لمعدل الأمان عن سنة 2010 على ما اذكر، وكانت من اكتر السيارات استخداماً كتاكسي في نيويورك.
كمان شركة فورد عاملة كنترول على الوكلا بتوعها من حيث الأسعار والخدمة فمش بايديهم يتلاعبوا كتير
للعلم انا ركبت نيسان و مرسيدس و كامري و لكزس و بيجو قبل كده، كل واحدة فيها عيوب شكل .. إلا دي مش لاقي فيها عيوب .. و على فكرة مفيش اي وجه مقارنه بينها و بين اي suv في فئتها
سعرها في مصر هو مرة و نص سعرها في الإمارات و بالتالي دي قيمة هايلة بالنسبة لسيارة في مصر، يعني تحط فلوسك في حاجه تستاهل بجد.
صيانتها مش معقدة، و اسعار قطع غيارها زي التويوتا تقريباً
عملت حادثه في مره، ميكروباس خبطها من ورا، الميكروباس اتطبق الكبوت بتاعه واتكسر الرادياتير و الفوانيس، وعندي محصلش حاجه ابدا .. بمعنى الكلمة .. مجرد مسمار من اللي رافعين غطا الإكصدام ريح شويه.
لما كنت بفكر اجيبها سألت مهندس ميكانيكا مخضرم، وكانت اختياراتي ساعتها هي فورد اسكيب و كيا سورينتو و هيونداي سوناتا .. و كان رده بشكل قاطع الفورد بالرغم من اتجاهي كان للسوناتا علشان كمالياتها (باعتبار ان كان معايا لكزس) بس هو صمم على رأيه وقاللي مفيش وجه مقارنة و الحمد لله انني خدت باستشارته
اي سؤال انا جاهز
http://blog.motorists.org/wp-content...ape-review.jpg
استلمت من شهرين.. عامل بيها 1800 تقريبا.. عربيه فوق الممتازه.. عيبها بس استهلاك البنزين.. لازم رجلك ع الدواسه تبقي خفيفه...
كل ده يهون فى مقابل انك لما تحب تجري.. الموتور هيديك استجابه فوق اللى انت بتتمناه..
لو بتتكلم على وكيل الفورد هنا فى الامارات فشكل حضرتك مش بتتعامل معاهم بقالك فترة طويلة انا معايا فورد ايدج وعامل مع الطاير للسيارات عقد صيانه لحد 160 الف كم وكل سيرفس اوديلهم السيارة لازم يطلع لى حاجة ويقولك دى مش شاملها عقد الصيانة ده غير ان قطع غيار عندهم نار . عموما هو اغلب وكالات السيارات هنا حرامية بس الطاير مزودها شوية
مفيش اي اخبار عن كوجا الشكل الجديد موديل 2018
سوال مهم
هل العربية ديه لو اشتريتها هعرف ابيعها بسهولة ومن غير خسارة كبيرة
طب شوفت الإصدار الحديث منها 2020: https://www.weshslendar.com/2019/12/...discounts.html