لو سمحتم عاوز حل لشنطة العربية

**peter fawzy** · 27-03-2015 12:05 PM

انا عندي لادا 2105 ... الشنطة كل شوية تتفتح في المطبات و سمعت انها ممكن تتفتح بسهولة ... حد عندة حل جذري و عملي و شيك في نفس الوقت؟؟ شكرا لوقتكم

**Abo_Mazen** · 27-03-2015 01:17 PM

سمكري جدع إديه تتلف في حرير ..يرجشلك الهوك أو الحته بتاعة باب الشنطه مع القفل اللي في الظهر ..ولو القفل ده بايظ يتغير كله وريح نفسك ..هي تلاقيها حتة رجلاش بس مش أكتر

**peter fawzy** · 27-03-2015 04:06 PM

المشاركة الأصلية كتبت بواسطة m_m_sh_a

سمكري جدع إديه تتلف في حرير ..يرجشلك الهوك أو الحته بتاعة باب الشنطه مع القفل اللي في الظهر ..ولو القفل ده بايظ يتغير كله وريح نفسك ..هي تلاقيها حتة رجلاش بس مش أكتر

اولا شكرا علي الرد
ثانيا نظرا لاني سمعت كتير عن سرقة شنطة الادا ... هل يوجد حل ... ولا الكالون بتاع الشنطة كويس و امان كفاية؟ .. (انا كنت جايب طقم كالون روسي من حمدي لادا 2باب + الشنطة = 85 جنية)

**Abo_Mazen** · 27-03-2015 04:38 PM

والله موضوع السرقه مفيش حاجه بتقف قدام الحرامي ..لما اللادا والسبعه وعشرين والتمانيه وعشرين فتح الكبوت بتاعهم سهل قوي ..وفتح شنطة التمانيه وعشرين واللادا سهل قوي ..وسرقة السيراتو 2010 سهل قوي ..وخداع الإيموبليزر اللي في العربيات بقى سهل قوي ..بص ..سيبها لربنا ..حضرتك تعمل اللي عليك ..تسوجر الطاره قبل ما تنزل ..تعمل تقفيزه للبطارية ..تضبط الطبله بتاعة الشنطه اللي وراه ..متسيبش أكياس أو شنط في العربيه وإنت نازل حتى لو رايح تجيب حاجه وراجع تاني ..متسيبش المفتاح في العربيه حتى لو نازل تبص على العجل اللي ورا وراجع تركب تاني ..تحاول تكون رافع إزازك تلات تربع بحيث ما يعديش إيد حد لما تكون ماشي على السلانسيه في حته مقطوعه ..يعني شوية حاجات كده وربك بيسترها وييسرها معانا ..

**pepo2011** · 27-03-2015 04:42 PM

سمكري فنان يظبطلك الكالون وقي ناس بتعمل زنبتين صلب عند الكالون عشان مايفتحش من غير المفتاح
وخليها علي الله

**Zing0** · 27-03-2015 05:05 PM

سمكري فنان يظبطلك الكالون وقي ناس بتعمل زنبتين صلب عند الكالون عشان مايفتحش من غير المفتاح
وخليها علي الله

سمعت عن الفكرة دى بعد ما الشنطة أتفتحت و أتسرقت مرتين و لحد الآن مش فاهمها و الصنايعية اللى عندنا عاملين أنهم من أوروبا و مشافوش الكلام ده قبل كده.

لو ينفع حضرتك تصورهالنا أو ترسمها أو تشرحها بشكل مفصل أكتر نكون شاكرين.

**peter fawzy** · 28-03-2015 01:26 AM

المشاركة الأصلية كتبت بواسطة m_m_sh_a

والله موضوع السرقه مفيش حاجه بتقف قدام الحرامي ..لما اللادا والسبعه وعشرين والتمانيه وعشرين فتح الكبوت بتاعهم سهل قوي ..وفتح شنطة التمانيه وعشرين واللادا سهل قوي ..وسرقة السيراتو 2010 سهل قوي ..وخداع الإيموبليزر اللي في العربيات بقى سهل قوي ..بص ..سيبها لربنا ..حضرتك تعمل اللي عليك ..تسوجر الطاره قبل ما تنزل ..تعمل تقفيزه للبطارية ..تضبط الطبله بتاعة الشنطه اللي وراه ..متسيبش أكياس أو شنط في العربيه وإنت نازل حتى لو رايح تجيب حاجه وراجع تاني ..متسيبش المفتاح في العربيه حتى لو نازل تبص على العجل اللي ورا وراجع تركب تاني ..تحاول تكون رافع إزازك تلات تربع بحيث ما يعديش إيد حد لما تكون ماشي على السلانسيه في حته مقطوعه ..يعني شوية حاجات كده وربك بيسترها وييسرها معانا ..

فعلا ... الحرامي لو اتوفرله الوقت هيسرق يعني هيسرق ... ربنا يسترها علينا كلنا