رايكم في ipad air 2

**MRBEBO** · 27-03-2015 08:04 PM

انا بفكر اجيب تاب

الاستخدام الأساسي ليه هيبقى pdf ونت ويوتيوب

كنت ناوي الاول على تاب اس وده لاني اندرويدي صميم

بس لقيت مراجعات كتير بتشكر في ايباد اير 2

والناحيه التانيه لقيت ان التاب اس بيقولوا فيه لاج ونظام الفنجر برنت العقيم والشاشه الوانها مش طبيعيه

فقولت وليه لا نشوف ابل كده

انتوا رايكم ايه في الاير تو

بس الاسعار غبيه جدا في تريد لاين وخصوصا للاكسسوارات

تخيلوا الكفر بتاعه ب 900 جنيه .... حته جلده كده طب ازاي اجدع !!!! :)

رايكم ايه وفيه ناس كتير بتفضل نسخه الوايرلس عن الفورجي علشان ارخص وشكل الانتينه

رايكم يا جماعه

**M_samii** · 28-03-2015 01:48 AM

انا معايا ايباد اير 1 و من ساعة ما جبته شغال زي الفل و سريع و مافيهوش تهنيج او حراره و بطاريته ممتازه بصراحه انا بفضل ابل عن السامسونج لان السامسونج بعد فتره بيفقد كفائته و سرعته و بيبتدي يهنج و يبقي مقرف .

**MRBEBO** · 28-03-2015 05:37 PM

طيب مشكله خنقه ال ios هعمل فيها ايه

انا متردد جدا خصوصا ان الاندرويد فيه حريه كبيرة

بس كمان اكسسوارات الابل استهبال ودي مخلياني برضوا متردد اكتر

طب يعني فعلا هيفرق كتير عن tab s

بقولكم ال smart cover ب 900 جنيه ده جنان

طب هل الايباد هيفرق كتير عن tab s

**kar!m** · 28-03-2015 05:47 PM

حضرتك ان شاء الله بعد ما تغير لأبل هتلاقي نفسك أتوماتيك غيرت تليفونك و لابتوبك و كل حاجتك لأبل.
على فكرة أنا حاليا أندرويد بس عشان محتاج موبايل خطين عشان بسافر كتير .. لكن الفترة اللي استخدمت فيها أبل كانت فترة مميزة جدا و فعلا أفضل user experience مع كل ال limitations اللي فيه.

**mendo** · 28-03-2015 05:48 PM

ده الكفر الاصلي
ممكن تجيب كفر عادي ب 70 جنيه
وممكن تجيب كفر ماركه محترمه ب 350 جنيه
وممكن تجيب كفر من على اكسبريس ب120 جنيه

**Forever.Leo** · 28-03-2015 07:05 PM

المشاركة الأصلية كتبت بواسطة kar!m

حضرتك ان شاء الله بعد ما تغير لأبل هتلاقي نفسك أتوماتيك غيرت تليفونك و لابتوبك و كل حاجتك لأبل.
على فكرة أنا حاليا أندرويد بس عشان محتاج موبايل خطين عشان بسافر كتير .. لكن الفترة اللي استخدمت فيها أبل كانت فترة مميزة جدا و فعلا أفضل user experience مع كل ال limitations اللي فيه.

ممكن كلام حضرتك يكون محدد اكتر .. لانه في العموم .. فرق السعر الزيادة .. قصاده ايه زيادة ؟

**Hobgoblin** · 28-03-2015 09:14 PM

حضرتك بتقول pdf ودي لوحدها تخليك Android عشان تقدر تجمع الكتب في folders وتستمتع بحرية ال-Android.

مش شايف أي سبب لل-ios بصراحة لإستخدامات حضرتك.

بالتوفيق

**Amr_MO** · 28-03-2015 09:38 PM

انا كمان بفكر في الايباد اير وناوي اجيبه في المقام الأول لزوجتي علشان سهولة التواصل لما اسافر وكدة بس اهم ما في الموضوع هو قابلية تشغيل برنامج الواتس عليه لأني دورت على النت في ناس بتقولك بيقبل عادي تشغيل الواتس وناس تقولك مش بيقبل فعاوز القول الفصل من مستخدمي الايباد

طبعا مش عاوز موضوع جيلبريك ولا كلام من ده

**MRBEBO** · 28-03-2015 11:19 PM

انا دلوقتي حاسس ان الايباد اير تو حجمه كبير لحد ما خصوصا لو pdf وبراوزنج

ايه رايكم ايباد ميني تو قصاد تاب اس 8.4 ؟؟؟؟؟

**kar!m** · 29-03-2015 12:19 AM

المشاركة الأصلية كتبت بواسطة Forever.Leo

ممكن كلام حضرتك يكون محدد اكتر .. لانه في العموم .. فرق السعر الزيادة .. قصاده ايه زيادة ؟

مانا كاتب user experience و اعتمادية و جودة .. حضرتك جرب اقعد في عربية بي أم دبليو و عربية هيونداي .. أكيد تحس بالفرق في الجودة .. ده نفس شعور الموبايل الأبل بالنسبة للحاجات التانية.

يعني الجهاز سريع .. مفيش تهنيج .. السرعة ثابتة مش شوية سريع و شوية بطىء .. الانتقال بين التطبيقات سلس و smooth جدا .. الكتابة على الكيبورد ممتعة لأقصى درجة .. استجابة الجهاز و احساسك انه فاهمك رائعة جدا مش عارف عاملينها ازاي بصراحه و مميزة عن أي موبايل تاني.

طبعا دي وجهة نظري الشخصية من تجربتي للأبل و أكيد في ناس كتير معاها موبيلات تانية و مرتاحه معاها أكتر.