استشارة في شراء أوكتافيا a4

**Reda Samir** · 28-03-2015 11:13 PM

قدامي أوكتافيا a4 موديل 2006 كاملة أوتوماتيك ما عدا فتحة السقف ماشية 68 ألف كيلو وشويّة لونها فضّي صياناتها في التوكيل والعربيّة فابريكة بالكامل جوا وبرا حتى الإكصدامين ومطلوب فيها 94 ألف جنيه, أيه رأيكم, السعر كدا مناسب ولا لأ ؟ وهل فيه مكان في المنصورة ممكن أكشف فيه على العربيّة قبل ما اشتريها ؟!

**طارق _عبد السلام** · 29-03-2015 12:12 AM

لو بالمواصفات دى ........... ماشاء الله جميله جدا.............. من كم شهر كنت مخلص لصديق واحده نفس المواصفات 2003 ب93

وفيه مركز سكودا معتمد على طريق المنصوره المحله........ اسئل عليه .......

**omaranes77** · 31-03-2015 12:11 PM

المشاركة الأصلية كتبت بواسطة reda samir

ضاعت منّي أوكتاڤيا لقطة من يومين، كانت بتاعت دكتور في الجامعة موديل ٢٠٠٣ وماشية ٧٣ ألف كيلو وأتباعت بـ ٧٠ ألف وكانت أوتوماتيك وفابريكة، كنت هعيّط والله وهو بيقولي اتباعت :d

الي لونها ابيض علي دوبيزل