مشكلة فى عربيتى اللوجان بالله عليكم فيدونى

**احمد لوجان** · 29-03-2015 12:33 AM

السلام عليكم ورحمة الله وبركاتة
انا اشتريت رينو لوجان 2010 ماشية 25 الف كيلو
العربية مشيت بيها على 120 لقيت الدنيمو اتحرق والسير اتقطع لما مشيت عليها والدينمو بايظ
المهم اشتريت سير جديد الميكانيكى قالى 150 جنية
وقالى دينمو استراد شكلة معفن ب 600 جنية دفعت
وطلعت اجرب العربية كانت زى الفل جبت ال 120 راحت فاصلة تانى زى الاول بالظبط
ياريت حد يفدنى اية اللى بيحصل وهل السرعة ليها علاقة بالعربية انها تعطل فة الدينمو
وهل الاسعار دى تماما ولل انا اتبهدلت مع العلم اشترى من الحرفيين
ارجوا الافاده بالله عليكم وتوضيح سعر الكبالن كام

**احمد لوجان** · 29-03-2015 12:35 AM

الميكانيكى قالى يوم الاثنين هيروح يغير الدينمو لو سعرة غالى هقولة رجعة واشترى لنا انا اجذت اجازه من الشغل وهعرف اتعامل يا ريت تفدونى ضرورى جدا دلوقتى

**amrelzawawy** · 29-03-2015 03:59 AM

الدينامو لو 3 مسمار يعمل 500 لو 2 مسمار يوصل لالف وفيه ميكانيكى شاطر اسمه برازيلى عنجة استيراد وبيدى ضمان كمان وعندة ضمير اكتب مركز برازيلى رينو على الفيس هتلاقى صفحته

**pepo2011** · 29-03-2015 11:12 AM

انت لازم تعرف الاول ايه المشكلة من الدينامو البلية يعني بتقف مع السرعة العالية وبتقطع السير ولا المشكلة في الكامة او او الطنبورة جرب الاول ولازم ميكانيكي محترف الاول
برازيلي كويس شغال خصوصا ان الرينو ناسه شحيحة شوية

**salehkhater** · 27-04-2015 11:10 PM

زيت الباور لو بينقط هاينزل ع الدينامو و يحرقه
كلم برازيلي هايفيدك

**adel_edrees** · 28-04-2015 08:15 AM

أولا ليست للسرعة علاقة بالدينامو
ثانيا برازيلى بييجى مصر و جدول صيانته معروف أما كنها فين تتصل بيه و تحجز معاه ميعاد و تقزلله على المشكلة لحد ماهو ييجى يعاين

**askarfeps84** · 28-04-2015 10:27 AM

المشاركة الأصلية كتبت بواسطة m_m_sh_a

متهيألي فيه بلية خشنه ..أو في ترس خشن ..بيعمل مشكلة في السرعات العالية في السير ...بص هقولك على حاجه بسيطه قوي تعملها ..ركب سير على الوضع الحالي ..وحط بالعربية سرعه تكون مثلا 80 أو 100 ...وبعدين روح للميكانيكي ..بص على السير ..شوف حالته إيه ؟؟؟

انا متفق مع هذا الراي نفس الحوار حصل معايا وكل اما اجيب سير دينمو ينسل ويقطع وطلع المشكلة البلية والشداد كان فيهم انعواج وخشونة وسن طالع بيقطع السير

**Abo_Mazen** · 28-04-2015 01:40 PM

المشاركة الأصلية كتبت بواسطة askarfeps84

انا متفق مع هذا الراي نفس الحوار حصل معايا وكل اما اجيب سير دينمو ينسل ويقطع وطلع المشكلة البلية والشداد كان فيهم انعواج وخشونة وسن طالع بيقطع السير

تمام ..يبقى هو يركب سير على الوضع الحالي ..ويطلع مشوار بس ميحطش ال 120 اللي عندها السير بيقطع معاه ..يحط مثلا 100 ..أو 90 سرعه ..وبعدين يرجع وقتي كده للميكانيكي يطلع السير ويفرزه كويس ..هيعرف المشكله فين بإذن الله