لو سمحت انا عربيتي لسه جايبها سيات ابيزا 94 وﻻحظت ان العربية بتطلع دخان اسود من الشكمان فحد ممكن يفيدني ده عيب ايه واحل المشكلة دي الزاي .؟
وانا كشفت علي الشكمان مافيهوش عيب
عرض للطباعة
لو سمحت انا عربيتي لسه جايبها سيات ابيزا 94 وﻻحظت ان العربية بتطلع دخان اسود من الشكمان فحد ممكن يفيدني ده عيب ايه واحل المشكلة دي الزاي .؟
وانا كشفت علي الشكمان مافيهوش عيب
محتاجة طقم شنبر و كاوتش صباب
لما تعملهم هتحافظ على الزيت اللى بتحطه للموتور لاقصى درجة و ما تضطرش تزود زيت كل شوية او تمشى بزيت يزود حالة الموتور سوءا
و لو سامع صوت ترزيع خبط جوة الموتور و انت واقف على السلانسيه يبقى عايزة عمرة كامة
العمرة مش بتفرق فى سحب العربية كتير (على حسب حالته قبل العمرة) - اللى بيفرق فى السحب الديسك و الاسطوانة و الكهربا
واحدة واحدة عشان العربيه قديمة ومتعرفش تاريخ صيانتها ,شوف البسيط ,فلتر هوا ,ماف ,بوجيهات وسلك ,تقسيمة ,نضافة اسبيراتير لو فيها,بوبينه.العمره لو بتاكل زيت
هو صاحب المشاركه قال دخان إسود ..ومقالش دخان أبيض أو دخان أبيض مائل للزرقه ..
طقم شنبر أو كاوتش صباب يدي معاك دخان أبيض أو أبيض مزرق ..زي كده اللي بيطلع من عربية رش الناموس ..دخان إسود ده كده عدم ضبط أو مشكلة في التغذيه ..وحسب نوع التغذيه بالوقود بتاع العربيه ..لو العربيه كارب أو إنجكشن ..وببساطه قوييييي..الدخان الإسود معناه هواء أكتر من البنزين أو بنزين أكتر من الهواء..يعني في مشكله في نسب الخلط ...بس هي العربيه كاربراتير ولا إنجكشن ..؟؟عشان بناء على نوعية التغذيه هنقدر نمشي معاك واحده واحده لغاية ما بإذن الله تحل المشكلة
بداية الدخان الاسود برضه ممكن يطلع نتيجة زيت محروق مش شرط نسبة خليط الوقود بس
الفرق بين اللون الاسود و الازرق درجة تمام حرق الزيت نتيجة كثافته فى الخليط
الحل اللى بقوله حل عملى ، مش يدخله فى مصاريف عمرة كاملة او حتى ربعها و فى نفس الوقت فتحة واحدة للموتور و انتهت ، و مش اقل من 60 الف كيلو كمان لو فكر فى عمرة كاملة ، و اللى هيعمل له الشغل هيظبط الدنيا (كاربيراتير او رشاشات) ضمن مصاريف الشغل
و طبعا العربية متباعة قريب
شوف الكاربراتير
ده يبقى مشكلى فى دورة الوقود
إن خلط الهواء مع البنزين مش مظبط ممكن نتيجة لأنه مش نضيف أو البوجيهات او أى حاجه من حاجات السيرفيز البسيطة
شكرا علي تفاعلكم
انا ةريت العربية لواحد صاحبي لقلة معرفتي بمكانيكا السيارات وقالي الكاربتير هو اللي عامل المشكلة دي في حرق البنزين وهو اللي عامل الدخانة بس قالي ان العربيية عايزة تتوصل علي جهاز يظبطها ويشوف العيب في ايه
ممكن حد بقي يفهمني ايه ده
وشكرا
دخان اسود = حرق غلط
دخان ابيض = ربر صبابات
دخان ازرق = عمرة
دخان أبيض = جوان وش سلندر (مياه)
دخان أسود = وقود زائد أو طقم شنبر أو كاوتش صباب أو جوان وش سلندر (زيت)
دخان أزرق = شنابر لموتور مفوت تماما
مع احترامي لاول معلومة (50% غلط) و الغلط هنا ان حضرتك تجزم ان معنى دخان ابيض قطعا يعني (جوان وش سلندر) مع ان انا غلطت زيك :cheekkiss5:و قلت و اجزمت انه valve seal و رحت ساكت ، بس من كتر ما شوفت اعطال الدخان الابيض الاغلبية بيكون ربر صباب .. او جلد صباب يعني نقدر نقول 50% كوتش صباب الى 40 % جوان الى 10% عطب توصيل كما الاتي - ملحوظه - (للسيارات الحديثة )
- المنافولد نفسة غير محكم في وصلاته (اويسيلات)
- ممكن المشكلة في صمام التبخير اللي وظيفته انه يمنع بخر الزيت اللي راجع المكنة انه يدخل بعد البوابة تاني و السبب وجود شرخ في الصمام او في احدى وصلاته مثلا
- و ممكن اصلا التبريد الخاص بالبوابة هو الي بيعدي المية لغرفة الاحتراق عن طريق المنافولد (حاله نادرة)
و للتوضيح كوتش الصباب لو ناشفين و محتاجين تغيير .. و اللي بيخلي اقل نسبة رطوبة جوه الوش تعدي على غرفة الاحتراق ، و ده بيحصل عادة في الجو البارد
و ممكن طبعا جوان وش السلندر زي ما حضرتك تفضلت و قولت
و كان المفروضان انا و حضردك نوضح الكلام ده بإستفاضه دون اختصار زي ما عملنا كدا علشان يبقا مرجع لاي حد عايز يعرف :36_1_37[1]::36_1_37[1]:
خالص تحياتي بشمهندس احمد