تبيع بدون تشطيب ولا تشطب الاول؟

**4fun14** · 29-03-2015 06:32 PM

السؤال للناس الخبره في العقارات
لو افترضنا انك عندك شقه نص تشطيب تمنها نص مليون.. لو شطبت مثلا ب 100 الف.. هل هتتباع برضه بنص مليون؟
ولا بتضيف تمن التشطيب فقط يعني تبقي ب 600 الف؟
ولا بتكسب زياده عشان متشطبه وحاهزه للسكن فتبقي مثلا ب 650؟
يعني من الاخر هتبيعها وهي نص تشطيب كدة افيدلك كبائع ولا تشطب؟
وشكرا مقدما

**حسام الغرباوي** · 29-03-2015 07:12 PM

بتزيد اكيد فوق تمن التشطيب مبلغ تاني

يعني لو الشقة 100 فاضية وانتا شطبتها 100 تتباع 220 (( مجرد مثال مش اكتر ))

**Forever.Leo** · 29-03-2015 07:23 PM

نص تشطيب او ع الطوب الاحمر افضل .. المشتري ممكن ما يعجبوش مستوى التشطيب .. او ممكن يكون عايز يقسم الشقة بطريقته من جوه .. فعدم التشطيب بيديه مرونة في التعديل .. و بيوفر عليك مجهود و مصاريف لصالح سعر الشقة النهائي .

**unl0veable** · 29-03-2015 07:28 PM

المشاركة الأصلية كتبت بواسطة forever.leo

نص تشطيب او ع الطوب الاحمر افضل .. المشتري ممكن ما يعجبوش مستوى التشطيب .. او ممكن يكون عايز يقسم الشقة بطريقته من جوه .. فعدم التشطيب بيديه مرونة في التعديل .. و بيوفر عليك مجهود و مصاريف لصالح سعر الشقة النهائي .

100 100

**4fun14** · 29-03-2015 07:30 PM

المشاركة الأصلية كتبت بواسطة forever.leo

نص تشطيب او ع الطوب الاحمر افضل .. المشتري ممكن ما يعجبوش مستوى التشطيب .. او ممكن يكون عايز يقسم الشقة بطريقته من جوه .. فعدم التشطيب بيديه مرونة في التعديل .. و بيوفر عليك مجهود و مصاريف لصالح سعر الشقة النهائي .

ميهمنيش يعجب المشتري انا بتكلم علي مصلحه البائع.. لو هيبيع ع الطوب الاحمر بسعر رخيص عشان خاطر المشتري يتبسط ويعمل اللي علي كيفه يباه هو خسران والمشتري الكسبان

**4fun14** · 29-03-2015 07:32 PM

المشاركة الأصلية كتبت بواسطة حسام الغرباوي

بتزيد اكيد فوق تمن التشطيب مبلغ تاني

يعني لو الشقة 100 فاضية وانتا شطبتها 100 تتباع 220 (( مجرد مثال مش اكتر ))

شكرا يا باشا عالمداخله الغاليه دي وانا فعلل ميال للراي ده..
بس سؤال معلهش.. رأيك ده عن تجربه ولا خبره ولا كلام ولا توقع؟

**M!SHO** · 29-03-2015 07:46 PM

ما هو لو معجبش المشتري حضرتك ، مش هتلاقي اللي يشتري

وبعدين تغور ال ٢٠ الف ولا ال ٥٠ الف الزيادة قدام قرف التشطيب والتعامل مع الصنايعيه

نص تشطيب و ريح دماغك الا لو تعرف مقاول تشطيبات ويتولى هو الموضوع بس في الحالة دي التكلفه هتزيد والمكسب هيقل

انا كمشتري لما افكر اشتري يا هشتري نص تشطيب يا على الطوب الاحمر ، فرضاً لو التشطيب مش عاجبني هعمل ايه

**Forever.Leo** · 29-03-2015 08:33 PM

المشاركة الأصلية كتبت بواسطة 4fun14

ميهمنيش يعجب المشتري انا بتكلم علي مصلحه البائع.. لو هيبيع ع الطوب الاحمر بسعر رخيص عشان خاطر المشتري يتبسط ويعمل اللي علي كيفه يباه هو خسران والمشتري الكسبان

يافندم البائع مش هيبيع بسعر رخيص .. هو هيبيع بنفس السعر مخصوم منه سعر التشطيب .. في المقابل المشتري هيشتري شقة يعدلها براحته من غير ما يتحمل ثمن التشطيب + تمن مجهود التكسير و التعديل .. باختصار المصلحة مشتركة .. و ده مجرد رأيي للمشاركة .. و اكيد القرار قرارك في النهاية .. ربنا يوفقك .

**4fun14** · 29-03-2015 10:09 PM

المشاركة الأصلية كتبت بواسطة forever.leo

يافندم البائع مش هيبيع بسعر رخيص .. هو هيبيع بنفس السعر مخصوم منه سعر التشطيب .. في المقابل المشتري هيشتري شقة يعدلها براحته من غير ما يتحمل ثمن التشطيب + تمن مجهود التكسير و التعديل .. باختصار المصلحة مشتركة .. و ده مجرد رأيي للمشاركة .. و اكيد القرار قرارك في النهاية .. ربنا يوفقك .

تمام يعني من الاخر البائع بيبيع بسعر الشقه العاديه ع الطوب الاحمر +سعر التشطيب.. فبناقص وجع الراس

**4fun14** · 29-03-2015 10:11 PM

المشاركة الأصلية كتبت بواسطة m!sho

ما هو لو معجبش المشتري حضرتك ، مش هتلاقي اللي يشتري

وبعدين تغور ال ٢٠ الف ولا ال ٥٠ الف الزيادة قدام قرف التشطيب والتعامل مع الصنايعيه

نص تشطيب و ريح دماغك الا لو تعرف مقاول تشطيبات ويتولى هو الموضوع بس في الحالة دي التكلفه هتزيد والمكسب هيقل

انا كمشتري لما افكر اشتري يا هشتري نص تشطيب يا على الطوب الاحمر ، فرضاً لو التشطيب مش عاجبني هعمل ايه

ياباشا كل فوله ولها كيال.. انت تحب تشتري ع الطوب الاحمر وتعمل اللي ع كيفك غيرك بيحس انه وجع قلب ويتبسط انه يشتري شقه يرمي فيها عفشه ويريخ دماغه وميفهمش اوي ف جو التشطيب عموما