أكشف فين على جيتا؟

**AmroHamed** · 29-03-2015 08:17 PM

السلام عليكم

ناوي أشتري جيتا إن شاء الله و عاوز خبراتكم

1. أكشف عليها فين؟ هل لازم التوكيل؟
2. أركز على إيه أو آخد بالي من إيه و أنا بشتري جيتا؟

شكراً

**mohamed.alu** · 29-03-2015 10:39 PM

المشاركة الأصلية كتبت بواسطة amrohamed

السلام عليكم

ناوي أشتري جيتا إن شاء الله و عاوز خبراتكم

1. أكشف عليها فين؟ هل لازم التوكيل؟
2. أركز على إيه أو آخد بالي من إيه و أنا بشتري جيتا؟

شكراً

توكيل من غير تفكير .........مش علشان هما شاطرين ولا حاجة علشان بس تعرف تاريخ العربية عامل ازاى بمعنى جت كام مرة التوكيل وعملت ايه ..مثلا جت عملت صيانات عادية ده ماشى لكن دخلت بمشاكل مثلا تعرف ايه المشاكل دى ولو العربية فيتيسها dsg شوف غيرت حاجة فيه ولا لأ ........ اعرف راشة ولا فابريكة
واعرف صاحبها كان مهتم ومش مهتم اصلا بمعنى العربية مداومة على الصيانات فى ميعادها ولا كان مش بيهتم .... المجمل اتاكد انى العربية ماكنتش متهانة

**AmroHamed** · 30-03-2015 09:56 AM

ألف شكر يا باشا على الرد

معنى الكلام ده إن لو الراجل بيصلح برة في مركز خدمة تاريخ العربية حيبقى عند المركز ده و مرواح التوكيل تضييع وقت ... هل ده صحيح؟

لأن فعلا كذا حد قال لي التوكيل و لا هما شاطرين ولا حاجة

العربية مش dsg

**mohamed.alu** · 30-03-2015 05:22 PM

المشاركة الأصلية كتبت بواسطة amrohamed

ألف شكر يا باشا على الرد

معنى الكلام ده إن لو الراجل بيصلح برة في مركز خدمة تاريخ العربية حيبقى عند المركز ده و مرواح التوكيل تضييع وقت ... هل ده صحيح؟

لأن فعلا كذا حد قال لي التوكيل و لا هما شاطرين ولا حاجة

العربية مش dsg

ايوة بالظبط الفكرة انك عاوز تعرف تاريخ العربية واللى اتعمل فيها ......... بص عموما شوف دفتر الصيانات بتاعها لو شغال فى التوكيل هيكون متسجل فيه لو شغال بره بقى اعرف منه انهى مركز صيانه واعرف تاريخ العربية منهم بس لو هما بيعملوا ملف لكل عربية
بس انا نصيحتى برده روح التوكيل هيكشف على العربية وهيقولك لو العربية لو فيها حاجة متركبة مش اصلى ولالأ علشان بس تبقى عارف عربيتك فيها ايه

**basharmax2015** · 31-03-2015 09:26 AM

بص انالسه كاشف امبارح عند هاني سمير في الاربعين جسر السويس بيرفعها ويكشف عليها كمبيوتر,وبياخد ٢٥٠

**m07mad** · 31-03-2015 12:25 PM

معلومه مؤكده لسه عارفه انهرده و انا في التوكيل ... مبقاش في كشف على عربيات مستعمله في التوكيل

**ِM.Tarek Ali** · 01-04-2015 01:50 PM

نعم ؟
دا حقيقي ده ؟

**m07mad** · 03-04-2015 02:15 PM

حقيقي للاسف

**overtheocean** · 03-04-2015 02:33 PM

بشمهندس هاني عصمت وش! في الاربعين ورا حديقة بدر "الشركة الهندسية" بيرفع العربية وبيقولك كل سم فيها ايه نظامه! فعلا انا كنت شغال معاه هناك وكنت بتعلم منه نظام الكشف ده! الكشف سعره 250 جنيه + 40 جنيه زيادة لكل سبراي شحم عشان التنضيف (لو العربية محتاجة بس طبعا!)
فعلا يستحق الفلوس دي!