محتار أجيب سيتي 2006 ولا لأ

**2amh** · 30-03-2015 01:32 PM

السلام عليكم ورحمة الله وبركاته
أنا قدامي هوندا سيتي 2006، أتوماتيك و7 غيار مانيوال في الطارة، كاملة، بتاعت واحد صاحبي هو عارضها للبيع وأنا بفكر أشتريها، هو عارضها على 60000 وممكن ينزل فيها شوية، بس خايف من كذا حاجة..

1- أسعار قطع الغيار سواء الميكانيكية «موتور وفيتيس»، أو الإكسسوارات «فوانيس، ومرايات.. إلخ».
2- كذا حد خوفني من موضوع المتور الستيبترونيك، قالي إنه محتاج معاملة خاصة وسعره غالي ولو حصل فيه حاجة بيتغير ما بيتصلحش.
3- إعادة البيع، وهل ليها سوقها ولا لأ.
4- صاحبي عمل بيها حادثة قبل كدة واتقلبت بيه، بس بيقولي عمل كل حاجة فيها وما رشيتش دواخل، فل دي حاجة تقلق ولا لأ.
5- بيقولي محتاجة مساعد يمين قدام وكمان لمبة التشيك ساعات بتنور فبيفك أوطاش البطارية ويركبه تاني واللمبة بتطفي، فهل العيوب دي مشكلة كبيرة ولا حاجة.
6- هي بقالها 3 سنين ما رخصيتش، فهل دي مشكلة أو هتعمل أزمة لما أجي أرخها وهل هتتكلف كتير؟.

وياريت لو حد يحطيلنا تسعيرة لقطع غيارها

ياريت خبراء وعمالقة السيتي يفيدوني أفادكم الله ولكم جزيل الشكر

**sharkass** · 30-03-2015 02:33 PM

بسم الله الرحمن الرحيم
انا راى سيبك من العربية ديه
و بالسعر إلى انت بتتكلم عليه تجيب حالة ممتازة من ميتسوبيشى احسن و قطع غيار اسعارها ممتازة و سيبك من السيتى قطع غيار غالية جدا + العربية عاملة حادثة و ده كفاية .

**2amh** · 30-03-2015 03:16 PM

المشاركة الأصلية كتبت بواسطة sharkass

بسم الله الرحمن الرحيم
انا راى سيبك من العربية ديه
و بالسعر إلى انت بتتكلم عليه تجيب حالة ممتازة من ميتسوبيشى احسن و قطع غيار اسعارها ممتازة و سيبك من السيتى قطع غيار غالية جدا + العربية عاملة حادثة و ده كفاية .

شكرا للرد

بس ممكن أجيب ميتسوبيشي ايه بالسعر دة!!؟

**2amh** · 31-03-2015 09:11 AM

ايه يا جماعو ماحدش رد ليييييييييه
فين خبراء الهوندا!!؟

**2amh** · 31-03-2015 11:18 AM

ينفع كدة يا جماعة 150 مشاهدة ومافيش غير رد واحد

**ahmedabeed** · 31-03-2015 03:18 PM

محدش يقدر يرد من غير معلومات كامة يعنى عامل كام كيلو والصيانات والحدث ماثر فى ايه بالظبط ولو فيه صور وكمان لازم تكشف كمبيوتر عشان لمبه التشك بس هو سعرها كويس هى فى السوق تقريبا 70 لو عداد قليل وصيانات وحال كويسه وعلى فكره 60 متجبش لانسر الا موديل 2005 بالعافية ومش هتكون حال كويسه ده راى الشخصى وانا معاى سيتى 2007 وهى حلوه جدا وقطع الغيار معقولة بالنسبة لليابانى وعمرها طويل والصيانة فى ميكانيكية ليها يعنى مش مشكلة قوى

**2amh** · 01-04-2015 09:18 AM

المشاركة الأصلية كتبت بواسطة ahmedabeed

محدش يقدر يرد من غير معلومات كامة يعنى عامل كام كيلو والصيانات والحدث ماثر فى ايه بالظبط ولو فيه صور وكمان لازم تكشف كمبيوتر عشان لمبه التشك بس هو سعرها كويس هى فى السوق تقريبا 70 لو عداد قليل وصيانات وحال كويسه وعلى فكره 60 متجبش لانسر الا موديل 2005 بالعافية ومش هتكون حال كويسه ده راى الشخصى وانا معاى سيتى 2007 وهى حلوه جدا وقطع الغيار معقولة بالنسبة لليابانى وعمرها طويل والصيانة فى ميكانيكية ليها يعنى مش مشكلة قوى

ألف شكر لحضرتك على اهتمامك، أنا الصراحة مش عارف التفاصيل دي، بس ايه رأيك في العموم، الهوندا سيتي 2006 ولا نيسان صني 2011، لأن أنا قدامي نيسان برضو

**SAMEH_FOUAD** · 01-04-2015 03:38 PM

السيتى افضل طبعا بس مشكلة السينى غلاء قطع غيارها , ومش اى حد بيشتغل فيها

لكن هية سيارة ممتازة وانا افضل يكون الموديل اللى تدور علية موديل 2007 عشان شكلة افضل من 2005-2006 , وافضل ليك بردة يكون المحرك 1500 سى سى اتوماتيك عادى بلاش ال cvt

**ahmedabeed** · 02-04-2015 10:44 PM

المشاركة الأصلية كتبت بواسطة dr__ahmed

مع احترامى للمهندس / سامح ... تعديل بسيط
ا--لهوندا السيتى 2004 -2005 شكل واحد 1300cc مواتير idsi و 8 بوجيهات و 90 حصان
--الهوندا 2006 - 2007 شكل واحد مختلف عن السابق داخلى وخارجى موتور 1500cc vtec و 4 بوجيهات و 110 حصان وبها شيفت فتيس من الطاره للأداء الرياضى
---2008 شكل ال 2006 من بره ومتوتور ودواخل ال2005 من جوه 1300cc
وجميع ما سبق فئه واحده من كل موديل
والفتيس استادرد اساسى cvt فى جميع الموديلات السابقه او المانوال العادى
---
-- الجيل الجديد من االسيتى 2009 - 2013 شكل واحد مرور بتعديل بسيط ... 1500 i-vtec و 116 حصان ولكن فتيس اوتوماتيك عادى 4 سرعات
-- عودة االفتيس ال cvt فى موديل 2015 مره اخرى
-------------------------------------------------------------------------
اتفق مع سامح باشا .. إن الفتيس ال cvt بيحتاج تغيير زيت كل سنه او 20 الف كم
وعلشان كده لازم تشترى من واحد كان مهتم بالصيانات دى لأنه لما بيعطل مابيتصلحش ... بيتم تغيره فقط

كلام تمام 100 100 بس تعليق بسيط بالنسب للفتيس ال cvt تغيير الزيت كل 40 الف ك او 30 فى حالة الحرق الجامد على غيارات معينة وبصراحة مشاكله قليله جدا كان فى سيتى 2005 معاى ودلوقتى فى 2007 ومفيش منه اى مشاكل غير ان الزيت بتاعه غالى قوى تقريبا 440 تمن 4 لتر للفتيس