العربية مش بتدور (بتكتك)

**zeeka** · 31-03-2015 03:13 PM

السلام عليكم و رحمة الله و بركاته
من شهر كدة بدون مقدمات روحت الجامعة الصبح و العربية دارت طبيعي كالعادة و انا مروح من الجامعة العربية مدارتش بتكتك و فجأة تسكت بعد محاولة كتير و فجأة دارت تاني

دلوقتي العربية مش بتدور و بتكتك و انا بحاول ادورها لكن بعد محاولات كتير بحس ان في نفس شوية وهتدور(اكنها بتسخن) بس المرة دي مدارتش و كمان كانت العدادات شغالة و بعد المحاولات الفاشلة العدادات بتاخد وقت عقبال ماتظهر (مش كلها) يعني عداد البنزين بقى ياخد وقت عقبال مايظهر و كمان التسجيل فصل بس لما اوقف المحاولات شوية بيرجع يشتغل تاني و كمان الازاز بقى يطلع و ينزل ببطئ شديدو السنتر فصل مفيش اي استجابة للريموت و كمان لما بقفل من عند باب السواق مش بيقفل باقي الابواب (مش طبيعي)

بس البطارية منورة اخضر و كانت العربية بتعمل كدة و بعد محاولات بتدور تاني

انا هودي العربية التوكيل بس التوكيل كسلان ممكن يغير كل حاجة و انا اللي البس

دلوقتي ايه المشكلة ؟
هل هي بطارية؟ بقالها حوالي اقل من سنتين بس منورة اخضر
و لا هل هي بوجيهات ؟ خصوصا انا مغيرتش البوجيهات بقالي بتاع 50000 كيلو و لا حاجة
و ممكن اعمل ايه عشان اعرف العيب منين او حتى اشغلها مؤقتاً

العربية نوعها اكسنت ار بي 2012
عاملة 75000 كيلو

**rotanamasoud** · 31-03-2015 03:19 PM

هو لما عربيه بتكتك بيكون اوتوماتك المارش بايظ او فيه مشكله

**zeeka** · 31-03-2015 03:25 PM

هي فعلا اوتوماتبك
طيب مفيش طريقة ادورها بيها مؤقتا ً

**Abo_Mazen** · 31-03-2015 03:45 PM

هو أتوماتيك المارش إيه علاقته بضعف الكهرباء الرهيب اللي حاصل عندك ..وخصوصا القزاز اللي مش بيرفع والعدادات اللي بتغيب على ما تقرا ..فيه وبعدين ما تجيب بطاريه تانيه وتجربها وتقطع الشك باليقين ..إبتدى بالأسهل ..خلي كهربائي يوصلك من عنده بطاريه وجرب

**zeeka** · 31-03-2015 03:48 PM

ضعف الكهربا ده محصلش غير بعد محاولات كتير جداً ان انا ادورها

**tasaka** · 31-03-2015 04:01 PM

هذا يحدث ايضا اذا كان الرباط غير محكم لكابل البطاريه على القطاش ( تأكد ان كابل البطاريه لا يمكن لفه يمين او شمال لمعرفه مدى احكام الربط )

اذا استمر العطل .. اقطع الشك باليقين بتجربه بطاريه اخرى

**Mecha** · 31-03-2015 05:09 PM

المشاركة الأصلية كتبت بواسطة zeeka

هي فعلا اوتوماتبك
طيب مفيش طريقة ادورها بيها مؤقتا ً

زقها

**zeeka** · 31-03-2015 05:54 PM

حليت المشكلة
الميكانيكي فتح علبة الكهربا و قالي في سلكين كانوا ملمسين بسبب انك نسيت حاجة شغالة
هي اشتغلت بس انا مش مقتنع
هستني الكام يوم الجايين و نشوف