السلام عليكم.
أنا لسة واصل شرم الشيخ دلوقتى بعربيتى الميجان 2007 و حصلى مشكلة فى الطريق و عايز أعرف أرجع بالعربية عادى ولا أتصرف إزاى.
المشكلة هى إن بعد 400 كيلو سواقة على 140 قررت أشد شوية و مشيت على 170 و بعد عشر دقايق تقريبا ظهرلى رسالة Gearbox overheating.
إتخضيت طبعا و هديت ل 130 فالرسالة راحت بعد حوالى دقيقة كمان.
أنا كنت لسة مغير إتنين أويل سيل بتوع الكرنك ( واحد للموتور و واحد للفتيس ) عند عادل بتاع صقر قريش علشان زيت الموتور و زيت الفتيس كانوا بينقصوا. و. طبعا غيرت معاهم زيت الموتور ( توتال 9000 ) و زيت الفتيس ( توتال برضه ) .
الحمد لله الرسالة ما ظهرتش تانى و وصلت.
تنصحونى بإيه؟ أرجع بيها عادى بس ما أزودش عن 140 ولا أروح لحد هنا فى شرم الشيخ يكشف عليها؟
شكراً لإهتمامكوا.
المفضلات