مشطلة سخونة وارتفاع المؤشر عن الطبعي

**ahmednet_0001** · 02-04-2015 06:24 PM

السلام عليكم ورحمة الله
اولا انا ليس لي اي تجارب مع السيارات سابقى غير byd F3 حيث انها كانت اول سيارة لي تعلمت عليها القياددة منذ عام حوالي بلاضافة الي استخدامي البسيط لها منذ فترة ذهبت الي تغيير زيت بمحطة البنزين واقنعني العامل بان زيت التعاون ممتاز وان لا يوجد فرق بالسعر ... مع العلم بأني كنت لا اعرف انواع الزيوت المهم بعد فترة 5 شهور من وضع الزيت كنت قد سيرت بالسيارة حوالي 2500 كيلو زادت مؤشر الحرارة اعلي من الطبيعي ذهبت مباشرة الي بنزينة اخري وغيرت زيت موبيل وفلتر للسيارة وذلك بعد ماعرفت ان الزيت المناسب لها هو زيت موبيل وانتظمت السيارة ولكن في بعض الاحيان وبالخص عندما ا1هب الي بيتي يوجد مطلع حاد كنت اطلعة عل الثالث مرتاح الان يرتفع المؤشر اما لو طلعت علي الثاني لا يرتفع وفيحالة السير في وسط البلد في الاماكن المزدحمة علي الثاني في الاشارات واللجان اري المؤشر يرفع اما علي الاول فطبيعي
فارجو الافادة وشكر

**Abo_Mazen** · 02-04-2015 06:45 PM

الموضوع ولا ليه أي علاقة بالزيت ولا بنوع الزيت ..دي ثرموستات كوعه قافشه ..أو بالأصح مواربه ..مدورش كتير ..روح لميكانيكي خليه يشيلها وحاول تشوف واحده أصلي وتركبها ..من غير ما شوف العربيه ومن غير أي تفاصيل هو اللي أنا بقوله ده بإذن الله هو الصح ..دي حوارات ثرموستات كوع ..والزيت ولا ليه أي دخل ..خلي بالك دي كده في بدايتها ..وسايبانك ليها هيدخلك في حوارات جوان وش سلندر ووش سلندر ..روح لميكانيكي خليه يشيلها كده مبدئيا على ما تشوف واحده أصلي مكانها ..ما تستناش عليها

**ahmednet_0001** · 03-04-2015 12:17 AM

شكرا جدا للرد بس انا مش فاهم انا بحس بسخونة فعلية في العربية عموما انا ان شاء هوديها لمركز صيانة

**virse** · 03-04-2015 12:27 AM

المشاركة الأصلية كتبت بواسطة ahmednet_0001

السلام عليكم ورحمة الله
اولا انا ليس لي اي تجارب مع السيارات سابقى غير byd f3 حيث انها كانت اول سيارة لي تعلمت عليها القياددة منذ عام حوالي بلاضافة الي استخدامي البسيط لها منذ فترة ذهبت الي تغيير زيت بمحطة البنزين واقنعني العامل بان زيت التعاون ممتاز وان لا يوجد فرق بالسعر ... مع العلم بأني كنت لا اعرف انواع الزيوت المهم بعد فترة 5 شهور من وضع الزيت كنت قد سيرت بالسيارة حوالي 2500 كيلو زادت مؤشر الحرارة اعلي من الطبيعي ذهبت مباشرة الي بنزينة اخري وغيرت زيت موبيل وفلتر للسيارة وذلك بعد ماعرفت ان الزيت المناسب لها هو زيت موبيل وانتظمت السيارة ولكن في بعض الاحيان وبالخص عندما ا1هب الي بيتي يوجد مطلع حاد كنت اطلعة عل الثالث مرتاح الان يرتفع المؤشر اما لو طلعت علي الثاني لا يرتفع وفيحالة السير في وسط البلد في الاماكن المزدحمة علي الثاني في الاشارات واللجان اري المؤشر يرفع اما علي الاول فطبيعي
فارجو الافادة وشكر

ارجو من حضرتك كتابة اللي حصل في مركز الصيانه وطلع عيب ايه واتصلح ولا لا
ولك جزيل الشكر

**Abo_Mazen** · 03-04-2015 12:08 PM

المشاركة الأصلية كتبت بواسطة ahmednet_0001

شكرا جدا للرد بس انا مش فاهم انا بحس بسخونة فعلية في العربية عموما انا ان شاء هوديها لمركز صيانة

طيب ما أنا عارف إن حضرتك بتحس بسخونه فعلية في العربيه ..لإن الثرموستات دي لما بتعلق أو بتوارب أو بتقفل وما تفتحش بتسخن العربيه ..إحساسك في محله ..والثرموستات دي لو قفلت خالص ..يعني جابت آخرها العربيه هتسخن أكتر

**ahmednet_0001** · 03-04-2015 03:26 PM

شكرا جدا m_m_sh_a سانقل لكم الصورة الكاملة بعد اصلاح العطل ان شاء الله

**abokoko** · 03-04-2015 03:38 PM

لو ترموستات الكوعه بتبان. في المشي الطوالي
يعني لو مشيت عشرين او ثلاثين كيلو بتلاقي العربيه بتسخن مع المشي

اهمال اصلاح ترموستات الكوعه بيسبب تلف جوان وش السلندر

ممكن يتلغي ويتسد المكان لحين العثور علي ترموستات جديد

لكن لا تهمل اصلاحه
ولا تهمل تركيب واحد جديد اصلي

**Abo_Mazen** · 03-04-2015 04:18 PM

المشاركة الأصلية كتبت بواسطة abokoko

لو ترموستات الكوعه بتبان. في المشي الطوالي
يعني لو مشيت عشرين او ثلاثين كيلو بتلاقي العربيه بتسخن مع المشي

اهمال اصلاح ترموستات الكوعه بيسبب تلف جوان وش السلندر

ممكن يتلغي ويتسد المكان لحين العثور علي ترموستات جديد

لكن لا تهمل اصلاحه
ولا تهمل تركيب واحد جديد اصلي

عندما ا1هب الي بيتي يوجد مطلع حاد كنت اطلعة عل الثالث مرتاح الان يرتفع المؤشر اما لو طلعت علي الثاني لا يرتفع

الجملة اللي فوق دي قايلها صاحب المشاركة ..العربيه لما بيدوس لها بنزين بترفع حراره ..وبعدين هي المشكلة بتظهر حسب قفشة الثرموستات وحسب كونها مواربه على فتح ولا مواربة على قفل ولا فاتحه أصلا ومتقفلش

**ahmednet_0001** · 04-04-2015 10:26 PM

السلام عليكم
انا روحت لبتاع الرداتير قلي دي مشكلة ترمثتات ورح لميكانيكي روحت للميكانيكي قولتلة العربية بتسخن قلي byd يبقي مشكلة ارضي روح للكهربائي ويالفعل روحت للكهربائي ركب ارضي بين البطارية والموتور و الفتيس ومشيت بالعربية عالتاني وسط البلد تمام عالتاني من غير مشاكل ولعت المطلع من اولة ع التالت تمام الحمدلله وكمان حاسس سحب العربية اتظبط معايا وجزاكم الله خير وجارت تجربة العربية

**abokoko** · 04-04-2015 10:49 PM

مبروك الاصلاح
وكويس جدا انك ذكرت حل المشكلة -- لنشر الاستفاده-

الموضوع: مشطلة سخونة وارتفاع المؤشر عن الطبعي

LinkBack

أدوات الموضوع

عرض

-

-

-

-

-

المواضيع المتشابهه

رعشة المؤشر

التكيف وارتفاع الحرارة

هل تفضل العدادات ذات المؤشر أم الديجتال ؟

فل تانك و المؤشر فى النص

العوامة ولا المؤشر

الكلمات الدلالية لهذا الموضوع

المفضلات

المفضلات

ضوابط المشاركة