ربنا يعينك واصبر واحتسب (فصبر جميل والله المستعان علی ما تصفون) "ما من مؤمن يشاك بشوكة فما فوقها إلا رفعه الله بها درجة وحط بها عنه خطيئة"
قرب لربك اكتر واكتر فلن يضيعك الله واقسملك بالله ان المسجد والصحبة الصالحة اللی فيه بتعين كتير جدا وبتهون الامور وصلی قيام ليل لو ما بتصليش وواظب علی الصلوات فی جماعة وداوم علی اذكار الصباح والمساء والنوم وغيرهم
صدقنی ربنا هو افضل حد تلجأله وهو ارحم بيك من أمك
والدنيا ما ضاعتش ولا حاجة لسة في امل واوعی تياس واعتبر السنة اللی ضاعت ده ولا حاجة كانك دخلت المدرسة متاخر وقبل ما تفكر فی الهجرة او غيره خد شهادتك الأول وبعدين فاضلك سنة واحدة يعنی هانت انت بقالك 15 سنة فی التعليم استحمل وعدی السنة وخلاص بای شكل وذاكر الملخصات اللی تنجحك.
اما بالنسبة لموضوع المذاكرة حاول تغير المكان يعنی مثلا اطلع السطح خلی حد من اصحابك يشجعك خلی حد من اخواتك او والديك يسمعلك وانت اكيد مش مرتاح وانت كدة فبما انك مضايق كدة كدة فذاكر وخلاص
وبعدين ليه ماتفكرش تروح لطبيب نفسی صدقنی ممكن يساعدك كتير جدا وما تكابرش وتقول اللی بيروحله المجانين والكلام الفاضی ده فاستعن بالله ولا تعجز.
المفضلات