عربيتي ماشية حوالي 125 الف كم
الخلوص طبعا اتغير وكمان المسح بتاع شنبر الزيت اتغير
ديهاتسو سيريون 2010 مانيوال وبنقل عند rpm عالي طبيعة سواقتي رياضية
بحطلها زيت تخليقي شيل هيلكس الترا
الزيت بينقص كل 3000 كم حوالي نصف ليتر
ياتري احسن افضل زي ما انا وازود الزيت كل 3000 كم
ولا احط زيت نصف تخليقي او معدني هيكون اتقل واضحي بالصوت الهادي للموتور ومميزات الزيت التخليقي
انه يبوصل لاماكن صعب المعندي يوصلها ولزوجته و جزيئاته اللي في حجم واحد
رأيي إن معندكش مشكلة من الأساس
مسألة الخلوص اللي اتغير والكلام الكبير ده ما أتوقعش يكون حصل من 125 ألف كيلو... دي مش مسافة كبيرة في عمر عربية.
ده غير إن حضرتك بتستخدم زيت تخليقي... يعني زيت بيحافظ على الموتور في بداية التشغيل (اللي هو أكتر وقت بيحصل فيه تآكل).
حضرتك سواقتك رياضية... بس مش ده اللي بيسبب التآكل القوي اللي حضرتك متخيله.. إنما ده أحد الأسباب الرئيسية لزيادة استهلاك الزيت.
عايزك ترجع لكتالوج العربية وتشوف معدل استهلاك الزيت ممكن يوصل لحد قد إيه.. غالبا هتلاقي سطر بيقوللك إن استهلاك الزيت ممكن يوصل لحد 1 لتر لكل 1000 كيلومتر (أو قيمة قريبة من كده).
فماتقلقش من استهلاك الزيت ما دام في الحدود المعقولة... وأنا شايف إن نص لتر في 3000 كيلو يعتبروا نسبيا معقولين مع طريقة سواقتك.
بس أهم حاجة من وجهة نظري إنك تراجع نوع الزيت اللي حضرتك بتستخدمه (بالتفاصيل الفنية) وتتأكد إنه بيوفي متطلبات الكتالوج.. وأتوقع يكون فيه فرق في الاستهلاك.
أرجو كمان إنك تراجع الموضوع ده لتفاصيل أكتر:
http://www.nilemotors.net/Nile/418186-a.html
...
اقتباس:
المشاركة الأصلية كتبت بواسطة borio1704
الزيت ينقص لتر كل ألف كيلو...هو الرقم ده مش كتيييييييييييير ؟؟؟؟
شكرا لاهتمامك وردك بنفسكاقتباس:
المشاركة الأصلية كتبت بواسطة borio1704
عربيتي 1000 سي سي 3 سلندر معايا من الزيرو
الزيت في اول غيارين مكنش بينقص خالص
بعد اول 30 الف كم بدأ في نقصان معرفش ليه
دلوقت انا بحط 3.1 ليتر بالفلتر حسب الكتالوج
وبيتبقي حوالي 0.9 ليتر و ومشيت 6500 كم وفي نقص زوت النقص بيهم مرتين
انا بستخدم زيت شيل هيلكس الترا 5w40
كان جاي مع العربية موبيل1 وجربت بعدها فالفولين و ليكوي مولي توب تيك
وبصراحة شيل اكتر زيت حسيت انه بيريح العربية
دلوقت انا فهمت من نصيحة حضرتك اكمل زي ما انا واعوض النقص كل 3000 كم
اقتباس:
المشاركة الأصلية كتبت بواسطة m_m_sh_a
الرقم ده كتير فعلا... بس له شروط علشان يحصل.. ولو حضرتك بصيت على الموضوع هتلاقي الشروط دي مكتوبة.
والرقم الخاص بعربيتك موجود في الكتالوج بتاعك
بالنسبة لعربيتي... رقم الاستهلاك الأقصى موجود في الكتالوج.. بص على الصورة دي
http://nileup.com/up/watermark.php?s...717191.jpg&p=c
اللي يقوللك عربيته زيتها ما بينقصش يبقى مش واخد باله أكيد.. لإن مفيش عربية في الدنيا ما بتستهلكش زيت.
الفكرة كلها إن طريقة السواقة ونوع الزيت وحالة الموتور بتفرق كتير قوي في الكمية.
...
اقتباس:
المشاركة الأصلية كتبت بواسطة mohamed_rhem
ارجع لكتالوج العربية علشان تعرف الزيت المناسب لموتورك... تجارب الناس مش هي المقياس أبدا.
عموما.. اتوقع إنك لما تختار الزيت صح مش هتلاقي نقص في الزيت.
أرجو إنك ترجع للموضوع ده علشان تختار صح..
http://www.nilemotors.net/Nile/341680-a.html
...