اي عربية اوتوماتيك مفتاحها ما بيطلعش في وضع n تصميمها متخلف

**نسر عربي** · 05-04-2015 09:16 PM

بصراحة المفروض يمنعوا استيراد و ترخيص و تسيير اي عربية ما بتتزقش لو صاحبها مش موجود ( وده عيب في كتير من انواع الاوتوماتيك اللي واضح ان اللي صمموها بالعيب ده كانوا عباقرة او مش مصممينها لدول زي بتاعتنا)
انتم عارفين كم مليون مشكلة العربيات دي بتعملها جوة الجراجات و الشوارع؟ عن نفسي انا باعشق المانيوال و مقتنع بيه جدا.
اللي سمعته و محتاج اتأكد منه ان في مدينة دلهي الهندية ممنوع منعا باتا على اي عربية تبات في جراج مشترك لو مش محطوطة على وضع N لانها بتمنع الركن المزدوج.
انصح اي حد ماتشتريش اي عربية اوتوماتيك ماتعرفش تطلع المفتاح من وضع n فيها و انا شايفه عيب تصميمي غبي جدا و مع الوقت العيب ده حيختفي في العربيات الاحدث.

**abokoko** · 05-04-2015 11:29 PM

مش فاهم كويس
يعنى صاحب العربية الاتوماتيك - فرضا - يسيبها على الn
واى حد من عيال الشارع يزق فيها لقدام وورا ويخليها تخبط فى العربيات او الحاجات اللى حواليها
؟
ارجو التوضيح
؟؟

**omarcar** · 05-04-2015 11:38 PM

اريد ان اوضح شيئ لسيادتك ان الفتيس الاوتوماتيك صحيح ان المفتاح مبيطلعش لالا لما بتكون على p بس فيه زرار ممكن تيجيب الفتيس على Nو المفتاح مش محطوط
ارجو ان اكون وضحت لسياتك
وشكراً

**emad turky** · 06-04-2015 04:09 AM

طلع المفتاح حضرتك وبعدين دوس فرامل واضغط ع الزرار في الفتيس وهاته زي ما انت عايز وزق براحتك اما لو موضوع ان صاحبها مش موجود برده لو مانيوال ومعشقه مش هتتزق

**john55** · 06-04-2015 09:11 AM

مش فاهم حاجه مانيوال او اوتو ممكن متتعشقش بس فعلا اي حد يزقها يلبسها في اي حيطه في الجراج

**a7medsh3rawi** · 06-04-2015 01:22 PM

المشاركة الأصلية كتبت بواسطة نسر عربي

بصراحة المفروض يمنعوا استيراد و ترخيص و تسيير اي عربية ما بتتزقش لو صاحبها مش موجود ( وده عيب في كتير من انواع الاوتوماتيك اللي واضح ان اللي صمموها بالعيب ده كانوا عباقرة او مش مصممينها لدول زي بتاعتنا)
انتم عارفين كم مليون مشكلة العربيات دي بتعملها جوة الجراجات و الشوارع؟ عن نفسي انا باعشق المانيوال و مقتنع بيه جدا.
اللي سمعته و محتاج اتأكد منه ان في مدينة دلهي الهندية ممنوع منعا باتا على اي عربية تبات في جراج مشترك لو مش محطوطة على وضع N لانها بتمنع الركن المزدوج.
انصح اي حد ماتشتريش اي عربية اوتوماتيك ماتعرفش تطلع المفتاح من وضع n فيها و انا شايفه عيب تصميمي غبي جدا و مع الوقت العيب ده حيختفي في العربيات الاحدث.

العيب فى صاحب العربيه انه يراعى الناس اللى قافل عليهم
خصوصا لو فيها امان والمفتاح مابيطلعش غير ال p
المشكله ان العربيات الجديده معظمها بينزل بالنظام ده
ممكن يتفصل من الكونتاكت عند كهربائى فاهم