الموضوع: التغطية الرسمية لمقابلة عيد ميلاد نايل موتورز الثامن

التغطية الرسمية لعيد ميلاد نايل موتورز الثامن
بفندق ريد كاربت العين السخنة

مرت 8 سنوات من العمل المستمر ومحاولات التطوير والوصول
الى الافضل دائما
وتوفير المعلومات الفنية المتنوعة لمختلف انواع السيارات
بالاضافة الى تقديم تقارير مختلفة عن كل الجديد في مجال السيارات
وكل هذا بمساعدة الاعضاء ومشاركاتهم وتفاعلهم المستمر
والجانب الاهم والمميز دائما لنايل موتورز هو الروح
روح العائلة والاسرة والاخوة والصداقة
الجانب الاجتماعى الذى انتقل بعلاقات الاعضاء المختلفة من حوارات خلف الشاشات الى لقاءات و صداقات وترابط مستمر

8 سنوات مرت من عمر نايل موتورز ومن عمر كل منا
جعلتنا في ترابط اقوى للبعض من علاقاتهم بعائلاتهم واقاربهم

8 سنوات متجمعين في الحزن والفرح
في الجد واللعب
فالسفر ... فالمرض... فالزهق والملل
كل منا يقدم اقصى ما عنده ليساعد الاخر بدون ان يجمعه به اكثر من الحب في الله واللى ممكن يكون ميعرفوش ولا عمره قابله ولا حتى دخل معاه في نقاش عالمنتدى

8 سنوات ساهم فيها نايل موتورز بخلق عائلة جديدة لكل واحد منا
فينا اللى بيتقابلوا كل يوم واللى بيتقابلوا كل اسبوع واللى بيسافر عشان يقابل الباقى
اللى بنكلمهم صبح وظهر وليل
اللى يعرفوا عننا اكثر من اهلنا ودائما جنبنا ومستحميلنا في كل حالاتنا
صداقات حقيقية
ظهرت بوضوح في الاحتفال بعيد ميلادنا الثامن
والذى سجل اكبر عدد فالحضور في تاريخ مقابلات نايل موتورز المختلفة
رغم اعتذار الكثير ممن تعودنا وجودهم معنا لظروف قهرية حالت دون حضورهم وافتقدنا وجودهم معانا
الا ان العدد تخطى 130 عضو وعضوة وزوجات واسر واصدقاء غير الاطفال طبعا :)
حضور من محافظات كثير القاهرة والاسكندرية.. الشرقية والسويس
حضور فعلا مميز وناس اتشرفنا بصحبتهم لاول مرة ولكن كنا جميعا عائلة واحدة وكاننا بنتقابل كل يوم مفيش بينا اى غربة

التجمع كان الساعة 8 بعد 2 كم من بوابات القاهرة - العين السخنة
وعلم نايل موتورز مرفرف

وصلت متاخر شوية عنهم تقريبا 8:20 صباحا وجدت معظم الحضور وصل
وبيتصوروا صور جماعية لتخليد اللحظة الجميلة

ولحقت كام صورة بفضل دكتورتنا الجميلة ضحى
لولاها مكنتش اتصورت وكانوا اتصوروا ونسيونى

كان مقرر نتحرك 8:30 اتاخرنا شوية ل 9:00 انتظارا لبعض المتاخرين عن الوصول
وكمان عشان ندى فرصة للناس اللى مكنتش حولت تدفع
وبدانا التحرك في تمام الساعة 9:00 صباحا
بقيادة كريم منير

وبصحبتنا على الطريق اكبر تجمع للبايكرز
وكانت فعلا صحبة جميلة عالطريق كانوا منظمين وكتير جدا ما شاء الله
هتشوفوها في الصور ان شاء الله

الطريق كان طويل شوية وطبعا الكاميرا شغالة طول الطريق

وصلنا الفندق الساعة قبل 11 صباحا
وعلى 11:30 كان معظم الناس بدات يومها
توجه البعض للشاطئ والاخرين للاكوا بارك بزعامة الحج احمد ابراهيم

كل ده واحنا في الريسيسبشن لسة بنتابع تسكين الغرف للاعضاء اللى حاجزين غرف مبيت
وبعدها توجهنا للمطعم للاطمئنان على ان كل حاجة تمام
زى ما طلبناها وان مفيش تقصير
والحمدلله كل حاجة كانت كويسة
وموعد الغداء كان 1:30 بدرى شوية عن الموعد اللى كنا متفقين عليه
نظرا لحجوزات اخرى في الاوتيل فضلنا نكون احنا الاول
عشان نضمن ان كل حجاة تقا تمام وميكونش فيه اى تاخير
وبالفعل توجه الاعضاء للمطعم الساعة 1:30
و توالى الحضور حتى انتهاء الغداء الساعة 3 تقريبا

بعدها عاود الاعضاء نشاطهم للسباحة والاكوا بارك
على وعد باعادة التجمع في حدود الرابعة مساءا في القاعة المخصصة للاحتفال بعدي ميلاد نايل موتورز
ويارب يكونوا قضوا وقت حلو

ومن الساعة 4:00 ل 4:45
توالى حضور الاعضاء وتسجيل اسماءهم بنفسهم في التمبولة المخصصة لليوم

وبدانا فعاليات الاحتفال بحضور بعض من مقدمين الهدايا بنفسهم
* الحج احمد مشعل صاحب شركة جينز كار
* احمد نور والمحاسب مصطفى من تونينج مانيا
* احمد نجيب مدير مبيعات اوسرام

بدانا باكبر هدية مقدمة من الحج احمد مشعل صاحب شركة جينز كار لفرش السيارات

http://www.nilemotors.net/Nile/133983-a.html (جينـز كـار الأفضـل لفـرش جميـع انـواع السيــارات -موضـوع اعـلانـى-)

4 هدايا عبارة عن خصم 50%
بالاضافة الى خصم 20% لكل الحضور

ثم الهدايا المقدمة من زيوت وولفر

https://www.facebook.com/WolverMotorOil?fref=ts

وكانت 9 عبوات زيت تخليقى
و24 استبليزر
بالاضافة الى كوبونات خصم بقيمة 50% لكل الحضور

توزعت تباعا وفقا للتمبولة

مجمعة هدايا مقدمة من موتورز وان عبارة عن

1- غسيل داخلى وخارجى مع تلميع بولش واكس مجانا
2- كار كير كامل ب١٢٥ بدل ٢٥٠
3- غسيل داخلى وخارجى مع غسيل الموتور كيماوى مع تلميع بولش واكس سونكس بي ١٢٠ بدل ١٧٠

4-غسيل داخلى وخارجى مع تلميع فبر الصالون وتلميع الجنط والكاوتش ب ٢٠ لعدد ٣ أفراد

* وبعدها هدايا اوسرام المقدمة من تونينج مانيا
https://www.facebook.com/pages/Egypt...744002?fref=nf

10 كشافات من اوسرام

3 دواسات سباركو ومومو

بالاضافة لعرض خاص للحضور

خصم خاص على منتجات اوسرام الاتية
Hb4 170
بدلامن 240
...
H1 130
بدلا من 200
H11 210
بدلا من 250
زينون أوسرام الألمانيه 1500 بدلا من 1800 شامل التركيب h1..h7..hb4
زينون h4 أوسرام ب 1600 بدلا من 1900

* شاركت شركة اسكو للديفيدى والجى بى اس
https://www.facebook.com/pages/iscoeg/135565703185502

بكاميرا Video recorder Camera , with motion detect تمنها 850 جنيه تقريبا

بالاضافة الى خصم 20% لكل الحضور

ايضا ساهم الحج احمد مشعل بمجموعة اخرى من الهدايا
تصل ل 50 هدية تقريبا عبارة عن ميدالية عليها نايل موتورز وجينز كار محفورة بالليزر
ومسند راس للسيارة

هدايا لكل الحضور من بريدجيستون
* كوبونات خصم عند شراء الاطارات
https://www.facebook.com/FitandFix?fref=ts

* قدمت شــركة فورنكـــــس للمطابخ

خصم 15% للحضور

# سعر المتر شـــامل (( الوحدات + مفصلات ايطالى + مقابض + زجاج + شحن وتركيب وضمان 10 سنوات )) .

سعر المتر غير شامل (( الأكسسوارات والجرانيت )) .

العرض سارى فى فرع مدينة نصر فقــــــط .
موبايل : 01117261199

تقريبا كل الحضور كان له نصيب من الهدايا
دون استثناء
وكل واحد ونصيبه :)

وبعدها اشعلت الشموع والصورايخ في تورتة نايل موتورز
واحتفلنا بمرور 8 اعوام من عمرنا وعمر نايل موتورز

وقطعنا التورتة وبالهنا والشفا ويارب تكون عجبتكم

وكل سنة وانتم طيبين
ودائما معانا متجمعين
وعننا راضيين ومننا مش زعلانين
كل سنة ونايل موتورز من نجاح لنجاح
-
-

[youtube]http://www.youtube.com/watch?v=Mo79b_9PAH4[/youtube]
-
-