انا جددت رخصة العربية يوم 4/2015 تمام ومكتوب نهاية الترحيص 8/2015 مع انى مرخص 3 سنين بس مكتوب تاريخ الفحص 2018 غهل كدة الرخص هتنتهى 8/2015 ولا 2018 الى هو تاريخ الفحص القادم انا تبع مرور فيصل
انا جددت رخصة العربية يوم 4/2015 تمام ومكتوب نهاية الترحيص 8/2015 مع انى مرخص 3 سنين بس مكتوب تاريخ الفحص 2018 غهل كدة الرخص هتنتهى 8/2015 ولا 2018 الى هو تاريخ الفحص القادم انا تبع مرور فيصل
هو معقول يا جماعة يكون تاريخ التحرير 5/4/2015 وتاريخ نهاية الترخيص 3/8/2015 مع انى مرخص 3 سنين ودافع ضريبة وكل حاجة هل كدة فى حاجة مش صح ولا اية
الرخصه دي فيها غلطه ..إنت خدتها ليه أصلا من الموظف ..المفروض بعد ما تاخد الرخصه تبص في كل بيانتها ويكون معاك صورة من الرخصه القديمه عشان تراجع رقم الموتور ورقم الشاسيه عشان تتأكد إن كمان مفيهومش غلط ..بس سؤال ..هي اللي معاك دي رخصة ..ولا تصريح مؤقت ؟؟؟
لا رخصة مش تصريح يعنى كدة فى غلطه فى التاريخ طيب كدة اية الى هيحصل هيعدل البيانات ولا هعمل ورق جديد ولا اية الموضوع
طب الرخصة القديمة كانت تنتهي امتى
وهل دفعت سنتين و لا ثلاثة
عارف لو كنت قلت في وقتها ومرضيتش تستلمها ..كنت في ساعتها هتاخد ورقه من اللي بتسلم الرخص في الشباك تروح لبتاع الكمبيوتر يعدلها ليك وإنت واقف ..دلوقتي بقى هتضطر تروح تنزل الملف من الأرشيف عشان يشوفه فيه البيان المضبوط ويعدلهالك وتسلم اللي معاك ...ربنا معاك
يعنى مينفعش تتعدل بدون كل الموضوع ده
يا باشا ما هي هتتعدل إزاي ..ما هي مش هتتعدل في البيت ..حضرتك لازم تروح المرور ..وتقولهم الرخصه دي فيها غلطه ..أنا دافع تلات سنين ..إزاي التاريخ يبقى كده ..هما هيعرفوا بقى منين إن حضرتك صادق وعندك حق ..هينزلوا الملف من الأرشيف ويفتحوه ويبصوا على الورق اللي فيه هيلاقوا إن حضرتك معاك حق ..ولو كنت إعترضت في ساعتها وقت إستلام الرخصه ومارضتش تستلمها كنت لحقت الملف قبل ما يرجع الأرشيف وكنت لحقت الملف برضه وهو لسه في الكمبيوتر ..عشان كده التعديل وقتها مكانش هياخد وقت ..إنما دلوقتي الملف رجع الأرشيف ولازم ينزل تاني ..هي دي الفكره ..يعني هو كده أو كده مشوار تعمله وتخلص
شكرا جدا بس لو اى حد حب يجدد رخصة السيارة بدون فحص اية الخطوات