عاندى مشكلة فى الكابرس موديل 86

**loveman333** · 07-04-2015 01:55 PM

هاى عاندى مشكلة رهيبة فى الكابرس موديل 86 ركبت كمبرسور تكيف استراد وشحنتة فريون والتلاجة الى بارة كانت جايبة تلج لاكن مفيش هواء بارد جوة وبعد كدة الكمبرسور افش ومشتغلش بس انا قبل كل دة رحت لكهربائى السيارات وعمالى توصيلة من الكمبرسور على المروحة لما افتح المروحة يشتغل انا عاوز اعرف الكهرباء ليها علاقة با الكمبرسور يقفش ولة اية وكمان بتستهلك بنزين كتير وعاوز اعرف العداد المسافات بالميل ولة الكيلو وكمان الفتحتين الموجدين فى وش المتور الى رايحين من المتور على الكربراتير بيجبوا زيت والزيت بينقص بالسبب دة عاوز اعرف المشكلة فى غطاء التكهات ولة فى اية ياريت حد يرد عالية

**borio1704** · 07-04-2015 03:58 PM

أولا أنا معنديش خبرة في الكابريس.. بس فيه حاجات عندك معتقدش إنها محتاجة خبرة.

أولا.. التلاجة اللي برة لازم تبقى سخنة .. مش سقعة خالص..

الكمبريسور ده راكب غلط.. وأغلب الظن.. المواسير معكوسة.. أو اتجاه الدوران معكوس.

موضوع استهلاك البنزين العالي ده شيء طبيعي من موتور 8 سلندر 5700 cc بيطلع قوة حوالي 150 حصان على وزن عربية حوالي 2 طن.

بس أتوقع إن فيه حاجة غلط كبيرة.. وخصوصا موضوع الزيت اللي بيطلع ده.

احتمال كبير يكون الموتور محتاج نص عمرة تغير فيها الشنابر.. وده السبب اللي يخلي الموتور ينفخ زيت في العمة.

...