بسم الله الرحمن الرحيم


صباح الفل او مساء الياسمين حسب التوقيت المحلي على كل الاعضاء المحترمين

كنت عملت موضوع من فترة بقول فيه اني محتاج اجيب رشاشات M40 للنوبيرا بتاعتي ، و لفيت كتير و اتشقلبت ف الحرفيين - ف شارع المرسيدس تحديداً - و برضه ملقتش.

امبارح نزلت عملت لفة ف شوارع تانية و لقيتهم موجودين عند اكتر من حد الحمد لله رب العالمين ، انا قولت اول حاجة اعملها و قبل ما اركبهم ادخل و اقول علشان لاحظت ناس تانية برضه دايخة عليهم زيي.

اول واحد نزلت عليه و لقيتهم عنده محل اسمه طارق و علي معظم شغله ف البي ام القديم زي الـ E30 ف شارع الطيار و تليفوناته اهي :

01142494414 - 01004481531 - 01003407109 - 01026345500

الراجل محترم جدا و طلعهوملي بالمسطرة و قاللي سعر الواحد 50 جنيه ،، بس قولت اخد لفة كمان يمكن الاقي طقم في قلب المكنة بتاعته.

جنب محل طارق و علي بالمناسبة في اكتر من محل شغال برضه ف البي ام و هتلاقوهم فيه ان شاء الرحمن منهم على سبيل المثال واحد قريب جدا منه اسمه بسام.

اخر واحد عديت عليه محل اسمه الشيخ محمد ،، ف شارع حربي السروجي بعد شبراوي الحرفيين بشارعين ،، و دول ناس محترمين جدا هتلاقي هناك محمد او عمرو او عوف ،، و لما قولتله عليهم فكهوملي من على مكنه فعلا و هما عارفينهم كويس علشان في ميكانيكي بياخدهم منه للدايو كتير

بخصوص تليفونه برضه اهو : 01222639618

جبتهم منه على 200 بطلوع الرووووح ،، كان عايز 400 ف الاول و بعدين قفش ف 300 و مش عايز ينزل.

خدتهم و طلعت على واحد بينضف هناك اسمه انور و محله اسمه cartastic بتاع تيربوهات بعد الشبراوي بحوالي اربع شوارع اسال على محل عبدالله تبارك هتلاقيه بعديه علطول و تليفونه اهو :
01226001782
قاللي الكشف ب 10 للواحد و لو محتاج تنضيف 40 للواحد بالكشف.

كشفت عليهم و الحمد لله محتاجوش تنضيف.

يارب الموضوع يطلع مفيد للناس اللي محتاجة الرشاشات دي زي حالاتي.

نسألكم دعوة صادقة عن ظهر قلب