-
حمايه السياره من الخدوش
الساده الاعضاء
كل شخص عنده سياره وبالاخص لو جديده يتمنى ان لا يتم خدشها او اصابتها بخبطه تشوه شكلها وعاده ما يحدث ذلك وهى مركونه بالشارع نتيجه شخص متهور يخبطها وهى واقفه او شخص لا يعرف يسوق جيدا يجرحها وهو بيركن وغالبا ما يحدث ذلك للاكصامات الاماميه والخلفيه وايضا الجوانب
ونرى دائما ان حل المشكله دى بالنسبه للسيارات ال 4*4 يتم حلها عن طريق تركيب اكصدامات وعتب نيكل مما يحميها من الكثير
اذا كان هناك اى احد عنده فكره او يعرف امكانيه تنفيذ ذلك بالنسبه للسيارات السيدان ياريت يذكر اماكن تنفيذ ذلك واضافه صور اذا كانت متاحه
وياريت لو كان لسياره اوكتافيا A5
-
الأخ الفاضل ESSWAR
طبعا كلامك مظبوط و جميل و أنا عارف أنت تقصد أيه بكلامك , و ذلك عن تجربة و طبعا الحمد لله فى الأول و فى الأخر , أنا شوفت كذا عربية سيدان - هوندا سيتى و تويوتا كورولا - مركبين أكصدمات أمامى و خلفى , خالو منظر العربية و حش جدا - ده رأى - هى طبعا حماية أثناء الركن و فى الصدمات الخفيفة ترييحة مثلا و لكن على حساب شكل السيارة الخارجى , و هى طبعا سلاح ذو حدين لأن فى الخبطات الجامدة هتخش فى العربية .....
أنا رأى سيب العربية ذى ماهى و ربنا موجود , نصيبك هيصيبك حتى لو معاك هامر و أنا عارف أن حضرتك عارف الكلام ده :) ممكن حضرتك تركب باكتات جانبية و على الأكصدمات , تحميك شوية من الناس اللى معندهاش دم أو لا تجيد الركن , ممكن حضرتك تلاقيها فى شارع دمشق , أو لو عايز تاخد فكرة عن موضوع الأكصدمات أنزل شارع معروف فى وسط البلد.
ربنا يباركلك فى عربيتك و يحافظلك عليها , و أسف للاطالة
-
وانا نفس الراي
الاكصدامات هاتخليها نص نقل بجد
وكمان عيب خطير انها بتتثبت علي الشاسية يعني كل الخبطات فوق البسيط بتاثر في الشاسية مباشرة
-
الاخوه الافاضل:
اشكركم على اهتمامكم وردكم على اقترحى وسوف اخذ برايكم لان وجه نظركم سليمه
شكرا مره اخرى
-
اكصدامات العربيات السيدان دايما صعب حمايتها وربنا هو الحامي.
http://www5.0zz0.com/2007/07/28/01/41918750.jpg
__________________
محمد عبدالله
-
حاول تركن في مكان امن واوعي تسبها من غير غطاء
-
ربنا هو الحارس في الاول و في الاخر
صاج العربيات الاماني جامد متخفش منه و لو خدوش بسيطه مش بتبان
و ملمعات و حركات من دي بتختفي
-
وفي معلمومة يا جماعة ,., انا شفت 5 سيارات في ميدان سانت فاطيما بعيني .. مسحوب رخصهم بسبب اللاكصدامات او ( الدفندرات ) كما يسموها البعض .
الحل .. انك تتعاقد مع سمكري ( ابونيه ) تروحله كل شهر يرشلك اللاكصدامات ( :) )
-
-
فعلا عندك حق تعمل ابونيه عند سمكري
بس في حلول بديلة
في علبة بتشتريها من كارفور او المحمل دي عبارة عن كريم بتدهن فيه العربية الحتت اللي واخدة لون نتيجة الحكة مع اي عربية تانية
وبتمسحها بفوطة ناعمة اللي لونها برتقالي الو بحتة قطنة وبصراحة اللون اللي في الاكصدامات بتاع العربيات اللي حكتك هايروح تماما وده عن تجربره ولو حبيتو تعرفوا اسم الكريم ده قولولي وانا ابعتلكوا اسمه
Content Relevant URLs by
vBSEO 3.6.0 PL2