انت عايز عربية 7 راكب
اللى انت بتقولة دة لا ينفع سبورتاج ولا قشقاى ولا هيونداي
ارشحلك الكارينز يادوووووووووبك تكفيكم :) وحتركب شبكة عالسقف عشان تحط الشنط
وحتمشي تخبط في طوب الارض :)
او هات التريوس وامشي على 90 متزودش عن ال 90
انت عايز عربية 7 راكب
اللى انت بتقولة دة لا ينفع سبورتاج ولا قشقاى ولا هيونداي
ارشحلك الكارينز يادوووووووووبك تكفيكم :) وحتركب شبكة عالسقف عشان تحط الشنط
وحتمشي تخبط في طوب الارض :)
او هات التريوس وامشي على 90 متزودش عن ال 90
او اشترى هيونداى H1
بنفس السعر وتكيييف جباار وموتور جباار
Hyundai H1 - ABS (2013) Price in Egypt | Stop 1 Car | EGPrices.com
ربنا يكرمك اخى ads و يبارك فى كل خطواتك يا رب ...الف شكر لأمانتك و نزاهتك و لتعاونك و انا قرأت الموضوع و فعلا غير كتير من فكرتى المسبقة للكارينز لأنى فى الحقيقة اكتشفت ان النسخة الموجودة فى مصر و بكراسيها الخلفية تختلف فى شكلها كليا عن السيارة التى رأيتها هنا فى الخليج - حيث كانت الكراسي الخلفية هنا 2 كرسي صغير لأطفال عمر 12 عام بالكثير ....لكن الصور و السيارة عندما بحثت عن اشكالها فى مصر وجدت انها مختلفة فى تصميم الكراسي و فعلا بالتصميم اللى فى مصر اشبه بالبيجو 504 القديمة تاكسى المحافظات .....و فعلا اول ما هنزل مصر هروح اشوفها على الطبيعة ....لكن الحقيقة مش عارف اماكنها فين و التوكيل فين و انسب اماكن اروح اشوفها فيها ....اذا محدش من السادة قال عن الاماكن و المعارض سوف اسأل بنفسي و احاول اوصل ليهم بإذن الله ........تحياتى مرة اخرى و الف شكر
لاشكر على واجب اخى الكريم
الكارينز الجديده مختلفه تماماً عن القديمه العربيه تحفه والكراسى الخلفية مش صغيره والكراسى اللى فى النص على مجرى ممكن تبعدها لو الراكب اللى وره كبير او طويل العربيه مع ابن عمى وركبتها كتير فعلاً عربيه جميله وسعه جداً من جوه جوده التقفيل الداخلى محترمه واداء الماتور والفتيس والتكيف ممتازه هى من افضل العربيات العائلية الموجوده حالياً
اما بالنسبه للمعارض سمير ريان طبعاً افضل اسعار واسرع تسليم وعنده كل الفئات والالوان
قدام المركز الطبى للمقاولين العرب مدينة نصر ان شاء الله ربنا يهديك للصح
شوف التقيم ده كمان
http://www.nilemotors.net/Nile/445113-a.html
ربنا يعطيك على قدر اخلاصك و نيتك الصافية و يبارك لك فى كل خطواتك يا رب .....طيب استاذى الغالى ..بما ان ابن عم حضرتك معاه السيارة و حضرتك على مقربة من السيارة و استخدمتها ....اسأل حضرتك سؤال بيؤرقنى جدا و يعتبر هو الحائل الوحيد اللى شاغلنى جدا من الكارينز الجديدة ...السيارة انا بشوفها ليست عالية عن الأرض و ده طبعا مقصود عشان الثبات للسيارة يكون اكبر فى السرعات العالية ...و لكن فى مصرنا الحبيبة ...هل السيارة لا تتعرض للاحتكاك فى المطبات الصناعية التى قابلتكم ...او هل لم يشتكى لك ابن عمك عن هذا العيب ؟.....لأنى فى الحقيقة بشوفها فى الخليج و زى الفل فى شوارعها ..لكن هل فى مصر وضعها ايه ؟....علماً بأنى فى مصر ساكن فى التجمع الخامس و الحمد لله الشوارع لسه جديدة لكن الأمر ما يسلمش من الاماكن الاخرى . لذلك كنت اتمنى استاذى الفاضل ان تسأل لى ابن عمك عن هذا الموضوع و اكون شاكر جدا افضالك ..و ربنا يحفظكم من كل شر
اخى العزيز ashouhdy ...بتتكلم جد بالنسبة للهيونداى h1 ....مش للدرجة دى ..مش هشتغل عليها بعد الظهر ....انا عايز عربية شيك و اعتمادية و تسعنا كلنا ....اصل انا الحقيقة عايش فى الخليج و راكب كرايزلر جراند فويجر و طبعا حضرتك عارف انها 2 كنبة و عربية قوية و حاجة مفيش فيها كلام ...و كمان سافرت بيها للحج و العمرة و كان برضه معايا الاسرة كلها و مقولكش على المتعة فى السفر ...كأنك جالس فى صالون البيت مثلا مش فى طريق سفر ......و لا تشعر لا بالطريق و لا بأى شئ خارج السيارة .....و طبعا هذه السيارة هورس باور عالى و موتو عالى و طبعا لو فى بلدنا الحلوة محتاج ميزانية تانية عشان البنزين و كمان استورد قطع غيارها كل شوية - و الحقيقة متنفعش خالص فى بلدنا ....عشان كده انا واقع فى الحيرة دى يا استاذ ashouhdy ....و لكن انا مش بدور على ميكروباص عشان عندى والدى و والدتى عايز اخليهم معايا و على مقربة دائماً .....تحياتى ليك و شكرا لأهتمامك
السلام عليكم ورحمة الله وبركاته
بالنسبه لارتفاع العربيه فى التقريرين اللى موجودين بيقول ان مفيش مشكله مع المطبات طلما حضرتك بتبقى حريص شويه وانت داخل على المطب لان اى عربيه مهما كان ارتفعها لو دخلت على مطب عالى بسرعة اكيد حتحك معاك بالنسبه لابن عمى مشتكاش قدامى من الموضوع ده رغم انه اسرته كبيره وبيحمل فيها على طول
بس اكيد ارتفاع العربيه مش زى السبورتاج او الهيونداى ix لو حضرتك مش مهم بالنسبالك الكرسى اللى ورا يبقى خليك فى السبورتاج او الهيونداى وانا سا مع ان السبورتاج 2016 هتبقى مختلفه عن اللى موجوده دلوقت فلو حضرتك مش مهتم بانها تكون عائليه يبقى خليك فى حاجه عاليه عن الارض
الف شكر لأهتمامك اخى الكريم ads و فى الحقيقة كلامك مضبوط تماما ...بس انا ممكن اضحى بالارتفاع فى السيارة من اجل اصطحاب امى و ابى معى ...طبعا طالما الكارينز لا مشكلة من ارتفاعها تكون هى الانسب بالنسبة لأسرتى ...لكن طبعا لو على حجم اسرتى الصغيرة هتكون طبعا السبورتاج افضل ...لكن ...الشئ لزوم الشئ و الكمال لله وحده ....فمضطر اتنازل عن الارتفاع فى احتياجى الى سيارة عائلية و اعتمادية مثل الكارينز ....الف شكر لحضرتك مرة اخرى
خليك وبترتيب وهو
كارينز اعلا فئه 2015 سبعه راكب
قشقاى
سبورتاج
شكرا لك اخى الكريم Omar Sarray - فعلا كلام حضرتك مضبوط تماما ...شكرا لنصيحنك و ربنا يحفظك و يبارك فيك