سييد .. ليون .. 308 .. قاشقاى .. اوكتافيا .. جوليتا .. Ds5

**ابو هنا** · 10-04-2015 01:59 AM

هو حضرتك عندك كل المعلومات دي عن مختلف انواع السيارات وعايز نصيحه من حد ازاي
دى انت موسوعة
انا بصراحة ميال اكتر للسيارات الكروس اوفر المدمجة عن الهاتش باك حاسس انها حتكون حاجة كدة زي صوت القلب والعقل مع بعض
والتوفيق إن شاء الله

**densfog** · 10-04-2015 05:59 AM

المشاركة الأصلية كتبت بواسطة ابو هنا

هو حضرتك عندك كل المعلومات دي عن مختلف انواع السيارات وعايز نصيحه من حد ازاي
دى انت موسوعة
انا بصراحة ميال اكتر للسيارات الكروس اوفر المدمجة عن الهاتش باك حاسس انها حتكون حاجة كدة زي صوت القلب والعقل مع بعض
والتوفيق إن شاء الله

ربنا يخليك على الكلام الجميل ده ... وشكرا على نصيحه حضرتك ... فعلا بالنسبه لبلدنا احسن حاجه الكروس اوفر .. وبصراحه احسن عربيه تحقق كل حاجه بفكر فيها و كروس اوفر هيا الاودى q3 بس لﻷسف اعلى من امكاناتى ... تحياتى لحضرتك

**densfog** · 10-04-2015 06:07 AM

المشاركة الأصلية كتبت بواسطة mohab.nabil

الصراحة المقارنة صعبة جدا و كل عربية فعلا ليها مميزاتها و ليها عيوبها

السييد صوت العقل بس هتفقد متعة التربو بس عربية متوقع انها تحقق انتشار ، مفيش مشاكل فيها ، توكيل قوى ، موتور معقول ، اوبشنز كويسة و موفر فلوس لو افترضنا ان الهاى لاين فى حدود 190 الف ، شكلها جميل و الى حد ما اظن ان اعادة البيع هتبقى معقولة

الليون عربية حلوة بس انا هلغيها من الاول عشان الـ dsg ، بصراحة محدش بيحب وجع الدماغ و لو حظك وحش هتبقى مشكلة كبيرة فأنا هلغى الليون و اى حاجة فيها dsg

القاشقاى اختيار كويس بس فقدت ميزة الموتور القوى ، اظن ان هى و الاوكتافيا اضعف مواتير فى المقارنة ديه غير طبعا فترة الانتظار الوهمية و الاوفر برايس الوهمى فيعنى هخليها فأخر قائمة الاختيارات خصوصا ان قطع غيار الموديل القديم مش رخيصة و اظن الجديدة هتبقى اغلى كمان

308 اختيار كويس برضه و ماسك العصاية من النص عربية حلوة و المتوقع ان مفيش فيها مشاكل و معاك موتور قوى و اوبشنز كويسة و السعر الى حد ما معقول يعنى مطلعتش لفوق اوى

اوكتافيا فاكس بصراحة حاسسها مش دماغك و انك مش هتنبسط بيها و حرام تدفع مبلغ و قدره فى حاجة مش مقتنع بيها و لو قررت هى فأنا شايف السييد اولى بصراحة و اوجه ليك عن الاوكتافيا

جوليتا عربية حلوة اوى بس هتخسر فيها جامد جدا دا لو عرفت تبيعها محدش عارف نظام التوكيل و لا مستقبله فأنا شايف متاخدش المخاطرة ديه خصوصا ان الـ 308 مش بعيدة اوى كموتور و اوبشنز و هتبقى على الاقل شارى دماغك

ds5 ديه معشوقتى بس للاسف فعلا التوكيل عنده اصرار انه يموت الماركة و مش عارف اازاى مش قادر يوفر قطع غيار ليها يعنى مفروض ديه اعلى عربية عندهم و زبونها ليه معاملة خاصة بس نقول ايه بقى فى عز العرب بس كعربية من غير توكيل مفيش شك انها تكسب المقارنة ديه و ان هى افضل واحدة فيهم داخليا و خارجيا

لو مكانك هفكر فى الـ 3 دول

السييد - الـ 308 - الـ ds5

انزل اتفرج على الثلاثة و شوف قلبك هيروح لمين اكتر

السييد هتشترى دماغك بيها و هتفقد المتعة شوية

الـ 308 حل وسط

الـ ds5 عربية فيها كل المتعة بس هتتعامل مع توكيل وحش و اسعار قطع الغيار هتبقى غالية

بالتوفيق ان شاء الله

تعجز الكلمات عن الرد ... فعلا استاااااااااااااااذ ... رد قريته اكتر من مره .... و فعلا رتبتلى افكارى ... جزاك الله كل خير ... وشكلها ماشيه زى ما قولت كده بالظبط ...

**abdulkhaleq** · 10-04-2015 06:43 PM

المشاركة الأصلية كتبت بواسطة densfog

ههههه .. ربنا ييسر .. المشكله مش فى كتر المعروض .. اامشكله فى ان كل واحده من المعروض فيها مشكله .. توكيل تعبان ... عدم توافر قطع غيار حتى فى التوكيل .. واطيه فى شوارعنا الحرير .. صغيره

يبقى تبدأ تستبعد من الليست اللي انت عامله على اساس السلبيات اللي مش هتقدر تتعامل معاها
هيفضل عندك في الاخر من عربيه ل 3 بالكتير قوي
ساعتها بقى نقي براحتك :))

**densfog** · 10-04-2015 08:12 PM

المشاركة الأصلية كتبت بواسطة abdulkhaleq

يبقى تبدأ تستبعد من الليست اللي انت عامله على اساس السلبيات اللي مش هتقدر تتعامل معاها
هيفضل عندك في الاخر من عربيه ل 3 بالكتير قوي
ساعتها بقى نقي براحتك :))

تمااا .. متشكر ليك جدا على الاهتمام بالرد

**مستر هشام** · 26-04-2015 06:51 PM

Ds5اكتر من رائعة مش هاتصدق وانت راكبها عالية اوبشن لاخر ما تتمنى تابلوة مش متكرر فرش جلد طبيعى حتى للطارة قوة موتورها لا تقارن اصلا بال 508 فهى اعلى سحبها فورة عالية عن الارض شكل وبرستيج
تكنولوجيا الds معناها الاسيغلال الامثل للايرودايناميك سهولة تعامل كل دينامكية السيارة معها

عيوبها 1- بنزين 95 فقط
2- قطع غيار غالية لكن معمرة جدا
3- الندرة
ربنا يوفقك واللى انت قرأتة دا رأى الشخصى فقط

**Omar Sarray** · 27-04-2015 01:50 AM

من راى انا الشخصى كيا سيد شكل ومضمون واحلا فى الاوبشنات وقطع غيار واعاده بيع وهى دى ثوره كيا عام 2015

**mariachi** · 26-06-2015 07:09 AM

308 is ur best choice

**أحمد محمد** · 27-06-2015 12:53 AM

المشاركة الأصلية كتبت بواسطة densfog

السلام عليكم

كنت محتاج اراء حضراتكم فى الاختيار بين الموديلات دى علشان محتار جدا ... وانا عمه بدور فى فئه من 180 الى اقصى حاجه 300 الف بالعافيه ... و بميل للعربيات الهاتش باك بس فى نفس الوقت عائليه .... سواقتى عنيفه شويه وبحب الموتور القوى ... العربيه لازم تكمل معايا على الاقل 6 سنين ... بمعدل استهلاك حوالى 170 الف كم ... معظم سواقتى طرق سريعه ... طبعا لازم بنزين 92 ... بحب العربيه المليانه اوبشنز بالذات سقف بانوراما ولو امكن بيتفتح و زينون اصلى

اولا : سيات ليون هاى لاين ....

مميزاتها .. شكل خارجى مميز وخاصه الفوانيس ... سعرها كويس جدا .... سحبها كويس ... شنطتها كويسه ....اوبشتز كويسه ..... تدفع 5 الاف جنيه زياده تاخد ضمان 5 سنين ... سقف بانوراما بيتفتح وفوانيس متطوره بنظام ليد

عيوبها .... اسعار قطع غيار . سمعت ان الفانوس ب 13 الف ... تعمل مع 92 بس احد ملاكها كان بيقول انها كانت بتعمل كركره بسيطه اختفت مع ال 95 ... وطبعا موضوع الفتيس اللى حتى لو صدقوا ان عيوبه اختفت بس مازلت على الاقل بتعامله معامله خاصه و بحرص شديد ... مستوى الانتريور مش عاجبنى اوى بصراحه

ثانيا : كيا سييد هاى لاين ......

مميزاتها ...... سعر كويس .... شكل خارجى كويس ... وسع داخلى كويس جدا ... توكيل محترم ... اوبشنز كويسه ... انتريور معقول ( اللى نازل بره تحفه بالذات الشاشهالكبيره و شاشه العدادات ) ... مشتركه مع السيراتو فى قطع غيار كتير .. سقف بانوراما بيتفتح ...

عيوبها .... سحب بناءا على الارقام عادى حوالى 11 ثانيه .. متشال منها حاجات كتير نازله بره ...مش عارف عن استهلاكها وعلوها حاجه .. مفيهاش زينون

ثالثا : بيجو 308 ...

مميزاتها ... اوبشنز كويسه جدا ..... شكل داخلى و خارجى جيد جدا ... توكيل معقول .... سعر كوييس بالنسبه مستواها .... لو اعتماديتها زى 508 تبقى كويسه جدا ... استبن بنفس حجم وشكل العادى.... موتور قوى و بنزين 92 بدون مشاكل ... كشافات ليد متطوره

عيوبها ... شنطه صغيره .... كل الوبشنز تقريبا على شاشه تاتش فلو باظت هتبهدل .... احتمال تكون واطيه شويه بس لسه متجربتش ... فرش قماش وصعوبه تركيب فرش جلد علشان ايرباجات الكراسي ... سقف بانوراما ثابت

رابعا : قاشقاى .....

مميزاتها ... شكل كويس ... عاليه ... اوبشنز كويسه جدا .... بنزين تقريبا 92 .. زينون

عيوبها ... شنطه ديقه ... سحب عادى جدا ان مكانش تقيل ..... حجز 6 شهور واساسا الحجز موقوف دلوقتى ... سقف بانوراما ثابت

خامسا : اوكتافيا هاى لاين

مميزاتها ... انتشار و اعاده بيع و توافر بدايل لقطع الغيار ..اعاده بيع ..... فيها كل الاوبشنز تقريبا .... شنطه بحر ... عاليه عن الارض .. زينون .. وسقف بيتفتح

عيوب .. حجم كبير نوعا بالنسبه لشوارعنا فى اسكندريه ... موتور ضعيف ... شكل داخلى و خارجى عادى جدا ... مش حاسس ان فيها متعه السواقه اللى فى الباقيين

سادسا : الفا روميو جوليتا هاى لاين
مميزات ... انتريور و شكل خارجى جميل .... موتور تحفه ... بنزين 92 على كلام المبيعات ... شنطه معقوله .... اوبشنز كويسه ... على غير المتوقع بعض قطع الغيار اسعارها كويسه .... اختلفت الاراء فى علوها عن الارض ... بانوراما بيتفتح

عيوب .... سعر عالى نوعا ما .... توكيل جديد مع عربيه نادره مخاطره كبيره بصراحه ... مفيهاش زينون ... مفيش توكيل فى اسكندريه

سابعا : سيتروين ds5

مميزات ..... شكل داخلى و خارجى خرافى .... اوبشنز كويسه .... علو عن الارض كويس ... وسع صالون وشنطه كويس جدا ... سحب معقول ... بزين 92 ..فوانيس زينون متطوره و تتحرك مع اتجاه السياره

عيوب ... توكيل تعبان جدا و مش موفر قطع غيارها خاصه الخارجيه من تجربيه احد ملاكها واسكندريه التوكيل فيها تعبان جدا .... قطع غيار اسعارها غاليه نسبيا للباقيين .... استهلاك بنزين عالى جدا فى الزحمه .... سعر عالى ... عفشه ناشفه نسبيا ..

ملحوظه ... تم استبعاد الاتى ...

سيتروين c5 لقله الاوبشنز و كبر حجم العربيه

ستروين ds4 لصغر حجمها و عدم وجود شاشه وزجاج الابواب الخلفى مبيتفتحش

جولف بسبب الغاء الهاى لاين و الانتريور خاصه الفرش تعبان غير موضوع الفتيس

بيجو 508 بسبب حجمها الكبير مع انها عربيه رائعه

اوبل انسيجنيا .. حجم كبيير .. استهلاك بنزين عالى .. غلو قطع الغيار ... مشاكل فى التيل و الطنابير

اودى a3 هاتش باك .... بسبب انها واطيه جدا 11 سم

هيونداى ix35 و سبورتاج ... عربيات عاديه جدا ... مش بتاع جرى ... مش حاسس فيهم بمتعه السواقه

تويوتا اوريس شنطه صغيره .. انتريور عادى جدا .. اوبشنز اقل من الكورولا .. مفيش زينون .. سقف بانوراما ثابت

اوبل استرا هاتش باك ... سحب عادى .. شكل قديم ممكن يتغير قريب .. استهلاك بنزين عالى نسبيا .. اوبشنز عاديه جدا .. مفيش زينون ولا بانوراما ولا حساسات

هوندا سيفيك ... شكل عادى جدا .. اوبشنز عاديه .. انتريور خاماته سيئه .. واطيه على الارض

سوبارو XV ... عربيه جميله و قويه ... يعيبها قله الاوبشنز .. عدم توافر قطع الغيار ... شنطه صغيره

اسف على الاطاله ... بس لعل ارائكم و اختياركم يساعدنى على الاختيار ... متشكر جدا مقدما

اسلام ابراهيم

كيا سييد = لا أعرف عنها شيئًا

من 180 إلى 300 ألف جنية = كلهم تقريبًا

هاتش باك = تقريبًا كلهم نفس الفكرة مع اختلافات في الشكل، وإن كانت السكودا “Liftback” يعني وسط بين الهاتش باك والسيدان

قيادة عنيفة = نيسان قاشقاي (وراجع توقيعي)

محرك قوي = ألفا روميو ثم بيجو ثم سيتروين

سيارة تعمر 6 سنوات = الله أعلم

وقود 92 = كلهم بمحرك تيربو مما يعني كفاءة أقل وربما بعض المشاكل (غير متأكد من سكودا)

أكثرهم كماليات = سيتروين ويليها بفارق كبير نيسان فبيجو

سقف بانوراما منفتح = سيات وألفا روميو

زينون أو ليد واطي = كلهم

زينون أو ليد عالي = سيتروين وسيات وبيجو

توكل على الله واختر الاسم الذي تردد أكثر بالأعلى.

وعن نفسي أرشح لك النيسان، وربنا يسلمها معك.

**جيتزاوي55** · 15-07-2015 11:36 AM

أولا ربنا يوفقك للي فية الخير والأصلح ليك لأن فعلا المقارنة كبيرة ومتشعبة قوي قوي .
أنا عن نفسي هتكلم في اللي اعرفة واللي سمعت عنة , لأجماع الأراء الds5 ممتازة جدا مع سوء التوكيل , بس رأيي طالما أنت بتقول سواقتك عنيفة شوية يبقي بلاش علشان لو لاقدر الله حصل فيها حاجة مش هتلاقي قطع غيار بسهولة .
الأوكتافيا عربية أعتمادية وكل حاجة بس مش حاسسها هيا اللي ممكن ترضي طموحك , هيا عربية عادية قوي محترمة طبعا جدا بس مش العربية اللي تخطفك وبعدين حجمها كبير اوي وانت عاوز هاتشباك .
انا اقتراحي ليك بغض النظر عن بقية الأنواع , عاوزك تبص بصة كدة علي عربيتين وأعتقد الأتنين أحلي من بعض
1, فورد فوكاس الهاتشباك الهاي لاين , دي تقريبا هتلاقيها عاملة 220 الف ولا حاجة , وعربية فيها كل حاجة في الدنيا :d :d خامات ممتازة قوي واداء رائع , عالية نسبيا وشنطتها معقولة قوي قوي وأدائها رياضي ومليانة اوبشنز , هيا فعلا متعة خصوصا بعد توكيلها الجديد و العربية مكونات الماني يعني العمر الطويل كلة .
2. فولفو v40 عارف أن توكيلها وقطع غيارها مكن يبقوا متعبين شويتين بس مش هنقدر ننكر أنك هتبقي راكب عربية من أأمن العربيات في العالم ومن أكترهم راحة ورفاهية , هيا بس هتبقي غالية حبة بس في أطار اللي انت بتتكلم فية .
وبالتوفيق ان شاء الله