الموضوع: اخيرا غيرت الاسطوانة والدسك بنفسى

حبايب قلبى رجالة الاوبل اخيييييرا غيرت الاسطوانة والدسك والبلية بنفسى والحمد لله على ذلك..و بعد طول سؤال لاخى فادى واخى طنانى وبعض الاخوة فى المنتدى ..علشان اغير الاسطوانة والدسك افك الفيس ولا افك المتور الكل اجمع على فك الفتيس بس.. وعلشان انا كنت ناوى غير واشتغل بنفسى وجت ان فك المتور اسهل بالنسبة لى لانى خفت على العربية من بهدلة الورش وعلشان العربية غالية عليا وبحالة الزيرو 131461 كيلو 1600 منول وسبب التغيير ان اولسية زور الفتيس نشف الان الجراش فية نسبة رطوبة وكمان انا ممكن اركن العربية بالشهور وزيت الفتيس كان بينزل بغزارة وبهدل العربية فى الطلعة كانت بترعش جااامد ..مش اهطول عليكم اعتمت على الله واشتريت طقم لقم نجمة 120جنية علشان افك طرمبة البور وكمبروسر التكييف وبدات افك الساعة 7 مساءا من اول الشبكة الاكصدام كمر الاكصدام مروحة التكييف سربنتينة التكييف المروحة الداخلية الدرياتير طرمبة البور فكيتها من على المتور وعلقتها بسلك على جنب.. والكمبروسر فكيتوة وركنتة على سلاح الشاسية علشان يفضل بشحن البلد ودى كانت فكرت احد الاعضاء وسلك الاكسراتير وخراطييم البنزين وفيش الحساسات بعد كدة جبت سيبة من مكانيكى ديزل جنب المنزل وعلقت المتور وفكييت داير الفتيس وقاعدة المتور من ناحية الكاتينة وشداد المتور والمرش والشكمان والمصفحة وهوب اسحب طلع المتور من فضل الله بس كان لازق فى الفتيس لزقة سودة خت العربية لورا ونزلت المتور فى الارض وفكيت الدسك والاسطوانة طلعو ماركة لوك وبعد كدة فكيت البلية والاولسة كانت الساعة قاربت على 3 فجرا تانى يوم اشتريت اسطوان ودسك ساكس علشان ملكتش لوك واشتريت بلية واولسية كلة من مركز معتمد وبدات اركب الحاجات الجديدة واجمع كل الى اتفك.. رغم كل الى فكيتوة الا انى كنت مستريح ان بعمل الحاجات دى بايدى وكل مسمار فكيتة اشيلة داخل كيس واكتب علية دة بيركب فين علشان كل حاجة اتفكت تركب مكانها بالظبط وكانت النتيجة عربية زيييييييرو طلعة سحب تجمييع عالى عالى ال100 على الخامس 3 ار ربى ام طولت عليكم بس حبيت احكى لكم تجربة شخصية اه نسيت جركن مياة موبل علشان الاملاح واحنا داخلين على الصيف و2كيلو زيت فتيس موبل 90..بس كفاية لحد كدة ايدى وجعتنى من الكتابة ..

1000 شكر لكل الى رد عليا وزى الاستاذ فادى ما قال متعة العمل اليدوى .. اما بالنسبة للصور انا والله معرفش ارفع الصور مع انى سالت الاستاذ فادى من فترة على موضوع الصور وقلى على الطريقة بس معرفتش وان شاء الله احاول تانى