عرض للطباعة
السلام عليكم
لو سمحتم انا جايلي شغل في جامعه في تايوان او جمهورية الصين براتب الف دولار شهريا
هل الراتب دا يكفيني انا وزوجتي وطفل عمرة سنة؟ يعني هل في غلاء هناك ولا رخيصه؟
هل الحياة هناك سهلة ومريحة ولا في اضطهاد او رهاب اجانب؟
هل هقدر احوش منه ولو لا - هل في فرصه الاقي شغل بارت تايم انمي بيه دخلي؟
اكتر حاجة كويسه بالنسبه لي في الشغل دا اني رايح اشتعل في مكان عالي جدا و في مجالي
ياريت اسمع ردودكم سريعا ان شاء الله
شكرا جزيلا
اخوكم ياسر
مش عارف العيشه هناك غاليه ولا لاء بس اللى متأكد منه انك لو روحت اى دوله عربيه كاستاذ فى جامعه هتاخد اكتر من الف دولار بكتير
شكرا لردك
انا مش استاذ
انا معايا ماجستير فقط
الف دولار اى كلام . للاسف مرتب بخس و بيستهبلوا . زى الف جنيه هنا . تايوان مش رخيصه . طبعا ده مشروع بحثى لمده معينه و بيبعتوا للباحثين من دول كتير خصوصا دول العالم التالت علشان سعرهم رخيص .
شكرا جزيلااقتباس:
المشاركة الأصلية كتبت بواسطة yasser100
يعني من وجهة نطرك انهم مش هيكفوني كمعيشة ولا مش هقدر احوش؟
لان انا مش باصص للفلوس دلوقتي خالص
مش هاتحوش حاجه . هاتعيش بالعافيه لو معاك اسرتك . هاتعيش معقول لوحدك . بس فى الحالتين مش هاتحوش حاجه و ده اللى همه قاصدينه . يعملوا شغلهم باقل تكلفه و عدم خروج فلوس خارج البلد و يقولوا كفايه عليه الخبره فى ال cv بتاعه . عندى اصدقاء كتير نفس القصه . هاتضيع سنتين او 3 فقط علشان خبرة انك اشتغلت فى المشروع الفلانى و هاتعطل نفسك لو انت بتحضر ماجيستير او دكتوراه .اقتباس:
المشاركة الأصلية كتبت بواسطة Yasser Farid
رأيي مش تايوان اللى تجازف فيها . ممكن الكلام ده لو امريكا او كندا او المانيا .
انك تلاقى شغل بارت تايم . ما اعتقدش انهم هايسيبوك يكون عندك وقت لكده .
؟؟؟؟
دور ف الخليج برضه !!
ولو ملقيتش روح ودور وانت هناك على فرصة أفضل هتلاقي فرص حلوة كتير !
وبرضه كونك سافرت تايوان ده هيبقى إضافة حلوة للسي في بتاعك بعد كدة لو حبيت تسافر اي دولة خليجية أو ف شرق آسيا وحتى ف مصر !
مصر الحلم فيها للأسف أصبح مستحيل ما بالك بالواقع !!
الف دولار برة مصر في اي دولة متحضرة ما تجيبش مرتب عامل توصيل بيتزا
هية ال 1000 دولار ليها لازمة فى مصر اصلا
بص حضرتك، ال 1000 دولار يعنى حوالى 6000 ريمنبى او يوان صينى....الصين اغلى بحوالى ١٥-٢٠٪ من مصر
يعنى ال ٦٠٠٠ صينى و كأنهم ٤٨٠٠ مصرى......السؤال هنا هل حضرتك هتقدر تعيش انت و الأسرة و تأجر سكن ب ٤٨٠٠ جنيه فى الشهر؟؟!!!
لاحظ ان المواصلات فى الصين غالية و الاكل بره غالى و الحياه عامة غالية و العلاج الصحى غالى و غير جيد، الصين اللى بيعيش فيها كويس هما فاحشى الثراء و اصحاب الأعمال و باقى الشعب طبقة عاملة كادحة بتعيش بالعافية
كما قال الأخوة، لا أنصح أبداً بهذه الخطوة
تحياتى
تايوان غير الصين تماما يا ريس . حتى اللغه و العمله مش واحده و نظام الحكم مختلف . تايوان راسماليه مش شيوعيه و بالتالى الحياه هاتكون اغلى من الصين .اقتباس:
المشاركة الأصلية كتبت بواسطة hany saad
شكرا جزيلا للرد
ال انا عرفته لحد دلوتي
ان الجياه ف تايوان في نفس جوده سنغافوره و كوريا الجنوبية
الوظيفة تشمل الراتب + التامين الصحي + تكاليف السفر + مساهمة بالسكن
المرتب حسب ما قيل لي انه هيكفيني - لكن مش هيعيشني كويس مع اسرتي خلال الاربع سنوات دول ان شاء الله
القرار اني هسافر ويبقي عملت اللي عليا لاني ورغم اني دكتور جامعي في مصر الا اني حاسس اني بضيع عمري هنا
وبرده مش بعرف احوش دا غير المشاكل اليومية والشغل لفترات طويلة دون مقابل مجزي
جزاكم الله خيرا
سافر وعيش تجربة جديده
الراجل رايح تايوان مش الصين و 1000 دولار امريكي يعني 31 الف دولار تايوانياقتباس:
المشاركة الأصلية كتبت بواسطة hany saad
بتقول فى تامين و سفر .. كويس ...
السؤال نسبه من السكن قد ايه؟ لان مشكلتك فى السكن ... بالنسبه للمصاريف مش هتشترى حاجه تاكلها من بره و هتعتمد على اكل البيت (ده لو عرفت تجيب اصلا حاجه) و دى هى اسوأ حاجه هتقابلها هناك ...
لو السكن كله عليهم مع التامين و السفر يبقى روح هتلاقى الدنيا كويسه ... بس اتاكد نسبة السكن دى كام و بحد اقصى كام
اقتباس:
المشاركة الأصلية كتبت بواسطة Yasser Farid
ما خدتش بالى من جمهورية الصين دى . انا فاكره برضه جامع الاتنين . عند دى يا كبير ههههه.
حتي لو المرتب غير جيد بما يكفي
يكفيك انك خرجت من هنا
و اضفت خبرات عمليه و علميه لنفسك
تحياتي
جمهوريه الصين هي تايوان
الصين بقي اسمها جمهورية الصين الشعبية
وجهة نظرى لو المرتب زى هنا او اعلى حاجه بسيطة توكل على الله وسافر
فى السفر سبع فوائد اعتقد على الاقل هتشوف حياة نظيفه بره تتمناها تبقى موجوده فى مصر
علاوة على اكتساب الخبره لو حبيت ترجع حتلاقى فرصتك موجوده او احسن منها ان شاء الله
توكل على الله
من غير تفاصيل ....
سافر و عيش التجربه ......................
+
و خللي نيتك لله ربنا هايكرمك ان شاء الله
بس لو هتسافر تجرب سافر لوحدك الاول وشوف الدنيا هتمشى ازاى بلاش بهدله للعائلة من الاول
اللي بيطلع رخيص بيفضل رخيص ......... لا انصح اطلاقا