ما هي أفضل سيارة SUV لعام 2015 " ix35 - kia sportage - N. Qashqai - Ford Kuga "
من حيث
القوة - المتانة - الأعتمادية - الوكيل - قطع الغيار ......
ما هي أفضل سيارة SUV لعام 2015 " ix35 - kia sportage - N. Qashqai - Ford Kuga "
من حيث
القوة - المتانة - الأعتمادية - الوكيل - قطع الغيار ......
النيسان والكيا بنزينهم 95 والفورد صراحة مش عارف لكن الهيونداي 92 ودي نقطة تتحسبلها وانا شايف ان الهيونداي افضل. وابسط مثل لو نزلت الشارع هتشوفها منتشرة اد ايه مقارنة بيهم
ليه لم تضف البيجو 3008 مع انها فى نفس الفئة وسعرا واوبشنز حلوين
كمان فيه الاودى q3
وكمان السيتروين ds5
الاستطلاع ده مش هاينفع . عندك عربيتين لسه ما تجربوش فعليا . القاشقاى بالموتور الجديد التيربو و الشكل الجديد اللى لسه لم ينتشر و كذلك الفورد اللى لسه ما حدش يعرفها و بين السبورتاج و ال ix 35 المنتشرين فعليا و بدون اى تغيير .
اعتقد انه الافضل يكون الاستطلاع بين السبورتاج و ال ix35 و ممكن السوبارو معاهم و انا رأيي ال ix35 تتفوق على السبورتاج
الكوجا أفضلهم كعربيه
موتور تربو 182 حصان تسارع 0-100 فى 10.1 ثانيه ، دفع رباعى ، أكبرهم حجما ، شكل جديد لسه مش هايتغير دلوقتى خالص
مشاكلها
غالبا هاتحتاج بنزين 95
سعرها بيبدأ من 250 الف تقريبا
وأخيرا إنتشارها هايكون قليل جدا بحكم الماركه والسعر
القاشقاى أقلهم كعربيه من وجهة نظرى
يتبقى السبورتاج وال ix
انا شخصيا لو باشترى دلوقتى هاجيب سبورتاج ، لو ينفع أستنى أجيب ix الشكل الجديد اللى إحتمال ينزل مصر في النص التانى من 2015 أو أول 2016 بالكتير إن شاء الله
تحليل أكثر من رائع ..... مع تعديل بسيط الكوجا بنزين 92 ... 1500 سي سي تبدأ من 255 و تنتهي ب 322 و أفضلهم الفئة الثالثة ب 28:Ta_clap[1]:5 .... السيارة مشكلة لأنها ليس لها منافس و من حيث الامان فهي خمس نجوم في اليورو كاب ... اما بالنسبة للهيونداي و السبورتاج فليس بهم أي جديد ... سياراتان تقليديتان و أعلى فئة فيهم تتساوى مع أول فئة في الكوجا سعرا ... و القشقاي ... فلا تعليق ...شكرا لمرورك الكريم و لكل من مر بالموضوع و لازال الموضوع مفتوح لأراء الخبراء ...ملحوظة : معظم موزعي السيارات كبار او صغار لا أجد لديهم أي ترحيب سوى بالهيونداي ix35 أو السبورتاج ... :120146b
عايز انتشار وقطع غيار وصيانة وسعر إعادة بيع .. هيونداي
عايز نصف مغامرة.. قاشقاي
عايز مغامرة كاملة بس تستاهل.. فورد
والله أعلم.
أذن الواحد يخليه فى المضمون أن شاء الله نويت اجيب الهيونداى 35 ( ده بعد دراسة طويلة) بس الشكل الجديد اللى مفروض ينزل بعد كام شهر, الهيونداى ليست الاحسن و لكن يمكن الاقل مشاكل فى خدمة ما بعد الشراء
497
مكتوب في كتالوج كيا سبورتاج الانجليزي والعربي انها 92(حسب ما أتذكر وممكن تقراه عند المعرض) وأعتقد اعتقادا جازما انها ميكانيكيا نسخة من is35.
ولكن حقيقة كيا سبورتاج من حيث الشكل بره وحوه والتصميم والوسع حاجة تانية.
حاول حضرتك تروح معرض فيه العربيتين علشان تبص عليهم في نفس الوقت... هيبان لك الفرق بسهولة.
أنا لو كنت هشتري دلوقت كنت هجيب الفورد مع انها اضيق من السبورتاج لـأنها أقوى بكتير من المنافسين في الحوادث وغيرها.
مغ احترامى للجميع
الكوجا للى بيحب ركوب العربيات و عاوز عربية شيك و اداء محترم
ix35 عبارة عن النترا عالية و كذلك الاسبورتج عبارة عن سيراتو بس عالية
مع احترامى و تقديرى للجميع
بس لما تفكر تبيع الفورد تخسر فى السعر
ازاى تنسو ال سوبارو xv
سيارة دفع رباعى و عفشتها افضل من جميع ما تم ذكره
دون تعصب انها الافضل
و 2015 كماليتها افضل
لا تخل على نفسك و اعمل testdrive
لا تنساق لشياكه الاوروبى و كمالبات الكورى
اتجه للاعتمادية و الخدمه الشاقة
SUV ايه يا جماعة دول كروس اوفر
هي السبورتيج بقت SUV خلاص :E_braces[1]:
موضوع هايل جدا بس فعلا الفورد شكلها هتاكل الجو و عرفت انها بنزين 92 و فعلا شايف احسن فئه التالاته اللي ب 285
أنا حبيت السوبارو فعلا من كثر ما قرأت عنها و عن شركتها الام فى اليابان شركة فوجى و كنت قررت شرائها فعلا, و قبل اتخاذ القرار النهائى بالشراء قدرت أحصل على مكان متخصص لتصليح السوبارو هو أقرب انه يكون اجنص متكامل حتى ان صاحبه يستورد قطع الغيار مباشرة من اليابان و ساعات التوكيل بيستعين به فى توفير قطع غيار لعملائه و كلمت المهندس المسؤل عن الصيانة و قلته هل فى مشاكل فى الصيانة و كان رده " حضرتك امنتنى امانة النصيحة و كلامى لوجهة الله حتى لا اخفى عنك اى مشكلة ...الفتيس ممكن يعمل مشاكل و للاسف تصليحه او استبداله ممكن يأخذ وقت طويل و دى مشكلة اساسية فى السوبارو و طبعا تراجعت عن شرائها .
لا معلش .... يعنى ايه الفتيس ''ممكن يعمل مشاكل''
ماهو كل شئ جايز
حضرتك دى مش dsg المانى سئ السمعه و ال powershift السء بردو من فورد و بردو بتاع السكودا مش كويس
ده فتيس MADE IN JAPAN ,
و للاسف مش اى حد يفهم يعنى اى MADE in JAPAN و اعتمادية اليابانى
و الCVT بتاع الهوندا خارج مصر و ال تويوتا و السوبارو محدش اشتكى منه نهائى
انا مبقولش رايى الشخصى او وجهة نظرى , الحقيقة انا كنت نويت اشترى سوبارو فعلا و هى عربية ممتازة بلا شك, و كانت اخر نقطة فى بحثى قبل الشراء هى الاتصال بمالكى سوبارو و سؤالهم عن مشاكلها و كان موضوع نقص قطع الغيار هو القاسم المشترك المزعج و واحد ادانى اسم صاحب ورشة ( هى اجنص متكامل ) و صاحبه بيسافر اليابان لتوفير قطع الغيار و اتصلت به و قال لى المعلومة دى و اكد ان بعض العربيات بتتركن لحد ما يوفر لها قطع الغيار و التوكيل هنا نايم فى الخط.......و هذه معلومة لا يمكن تجاهلها.
انا امتلك تويوتا موديل حديث
و انتظرت شهر كامل لقطع غيار
و امتلك سوبارو قديم من 2002 و لم تحدث مشكله رغم ان التويوتا منتشر عن السوبارو
(انا بتكلم عن اصلاح الوكيل و ليس ميكانيكى)
بص حضرتك فيه انتشار سخيف لعربيات معينه - كيا - كورولا مثلا
و فيه عربيات نادرة زى الامريكانى و الالفا روميو
و فيه عربيات منتشرة انتشار شيك ( يعنى موجوده تشوفها مل يوم مرة او اتنين مثلا ) زى ال هوندا سيفيك و السوبارو xv و ده بيديك احساس لطيف بالتميز
و انتشار االسيارة مش علامه اكونها كويسة بل ممكن يكون العكس تماما فى بعض الاحيان
زى الصينى كده
الكوجا بنزين ٩٥ ، حسب ما هو مكتوب في الكاتالوج من موقع فورد مصر
http://fordegypt.com/wp-content/uplo...BS)_CG3585.pdf
User Manual’s | Auto Jameel
مش كل التربو 95،القاشقاي 92
وانا شايف انها افضلهم من ناحية السعر و جودة التصنيع والتقفيل لأنها مصممة و متصنعة في إنجلترا
زى ما قلت لحضرتك انا بحترم السوبارو كسيارة اعتمادية من الدرجة الاولى و معامل امان مرتفع بس اسمح لى بما انك مالك سوبارو من 2002 ايه خبرة حضرتك عن العربية و الصيانه و قطع الغيار معلش هتعبك بس ده يمكن يساعدنى فى اتخاذ قرار الشراء و بالمناسبة موضوع سعر البيع فيما بعد لا يشكل بالنسبة لى مشكلة
السوبارو بدأت تنتشر اكتر من سنين فاتت و عمرها ما عملت اى مشاكل الا لما البطاريىة خلصت او مع تغيير الكاوتش غير كدا انسى عربية يابانى و اعتمادية من الدرجه الاولى
ثبات رهيب للعربية سبب الدفع الرباعى المستمر افضل من اى المانى ركبته
عفشة خدمه شاقه لا تتأثر بالمطبات و النقر بتاعتنا
قطع الغيار مفيش مرة روحت التوكيل و ماقيتش قطع الغيار على مدار ال 10 سنين اللى فاتو و اسعار معقوله بالنسبة لباقى الماركات بس اعلى من اسعار الكورى شوية
قطع الغيار معمرة جدا
البنزين ممكن اعلى من الطبيعى عشان ال awd بس مش اعلى كتير
شكرا لأهتمام حضرتك و الرد و معلش استحملنى, كلام حضرتك بيزود رغبتى فى شراء السوبارو و التوكيل كان منزل اعلان صفحة كملة فى ملحق سيارات الاهرام يمكن ابتدأ يهتم شوية بالسيارة , لا اخفى عليك مش مقتنع ادفع 240 الف فى عربية كورى ( مع احترمنا لكل العربيات الكورى و نعتبرها مسئلة اذواق) و الاوروبى تقيل على قلبى و طول عمرى بركب يابانى 100% ( ما عدا المرسيدس و الحقيقة ناوى ابعها و هسيب النيسان صنى " يابانى 100%" كلام حضرتك طمنى على قطع الغيار بس ليه فيه كثير من الزملاء الاعضاء اشاعوا موضوع ندرة قطع الغيار و برضه انا اتصلت بواحد عنده اجنص للسوبارو فقط و قلت له بأمانة ربنا تنصحنى بشراء السوبارو قال لى خلى بالك ممكن الفتيس يقل اصله معاك ( انا بأصوف اللى اتقال لى و لا اشرحه و كلامه رجعنى للمربع صفر من تانى حقيقى لسه محتار, يا ريت حضرتك تطمنى اكثر و معلش استحملنى.
خلاص .... حاول انك متاخدش بكلام حد الصراحة شان فيه معلومات غلط و فتى كتير فى كل حته و مبقاش حد يقول معرفش ... انا شايف انك تروح الصيانه بتاعت ابو غالى فى جسر السويس و تسأل اصحاب الموديلات الحديثة عن رأيهم فى العربية و قطع الغيار اسأل عليها بنفسك فى التوكيل شوفهم موجودين ولا ايه بالظبط .... و مفيش مانع تشوف جروب السوبارو بتلع مصر غلى الموقع و الفيسبوك و تعمل تست درايف و ممكن تروح الحرفيين تشوف الدنيا هناك لو كش ناوى تصلح فى التوكيل و حتصلح بره ... و صلاه استخارة و تروح تجيب العربية علاطول ان شاء الله ... بالمناسبه ال xv غالبا مش هتلاقيها ﻷن اخويا جتلو بعد 4 اشهر و ده مهم تسأل عليها موجوده ولا ﻷ و هل فيه اوفر برايس ... و ياريت تشوف المواضيع المتعلقه باستهلاك البنزين و ال linear cvt و الboxer engine و ال symmetrical AWD على النت لمعرفه معلومات اكتر...و انا تحت امرك ف اى سؤال
أولا و قبل كل شئ شكرا لتعاونك الكريم و تعبك معى, انا اتصلت بتوكيل غالى بس فى زهراء المعادى (قريب منى) و أخذت معاد مع مندوب و مهندس بالمركز و بلغنى ان الحجز من شهر لشهرين و طلب منى الحضور لمركز الصيانة لأطلع بنفسى على توافر قطع الغيار و قال شوية معلومات منها مثلا ان الضمان على سير الكاتينة مدى الحياة و اول تغير للبوجيهات بعد 100 الف كم و تخيل ان المحرك مفيهوش غير سير واحد فقط يغير بعد 80 الف كم و بالنسبة لموضوع الفتيس قال لى ان زيت الفيتس مصمم لعدم التغير مدى الحياة و علشان كده عند السير لمسافات طويلة بسرعة اكثر من 150 كم/س ممكن الزيت بتاع الفتيس يسخن و تتغير خواصه و عند ارتفاع الحرارة يظهر انذار للتوقف و تريح العربية المهم انا رايح المركز يوم الخميس ( لو موجة الحر انتهت) و هبلغ حضرتك بالتفاصيل
السلام عليكم
انا شايف ان الفورد الكوجا افضل من ناحية الامكانيات و الموتور
و الوكيل الجديد ابتدى يعمل شغل
لكن العربيه لسه لم تنتشر و اعتقد انها هتحقق انتشار كويس
بالنسبه للهيونداى عربيه حلوه و ثباتها معقول لكن تقيله شويه فى السحب انا سوقتها مع صديق
لكن لو الهيونداى نزلت شكل جديد زي ما قالو و هيكور فى فيتين منهم واحد بموتور تربو ١٧٥ حصان اعقد هيكون سعرها زى الكوجا
كما ان الهيونداى تتفوق على مثيلاتها فى نقطة اعادة البيع و توافر قطع الغيار حتى و ان لم تكن افضلهم فى الآداء و دى نقطه تتحسب للوكيل
انا شخصيا عجبانى الكوجا و اتمنى انها تنتشر لانى وقعت فى فخ قبل كده و جبت الشفورليه السونيك و منزلوش منها غير عدد محدود و منزلوهاش تانى لذلك نحكم على العربيه بعد متنزل و الناس تجربها مع العلم الكوجا ناس استلمتها و بتشكر فيها بس هى لسه ابتدو يسلموها من فتره قريبه و لسه منقدرش نحكم على انتشارها و شكرا
Note:We do not recommend the use of
additional additives or other engine
treatments for normal vehicle use.
Use minimum 95 octane unleaded
gasoline that meets the specification
defined by EN 228 or the equivalent
national specification.
Your vehicle is suitable for use with ethanol
blends up to 10% (E5 and E10
ده منقول من مانيوال فورد كوجا 2014).
اعتقد ان الموتور اللي بره 2000 cc مش 1500 الموتور اللي نازل مصر
فورد كوجا أفضلهم، ولكنها فئة سعرية أعلى.
انا هختار نييسان قشقاى الجديدة
أظن أنه في عرف الناس أن كلا النوعين شيء واحد، لذلك يستعملون أحد المصطلحين مكان الآخر في أحيان كثيرة، وذلك لأنهما في الحقيقة متشابهين في الشكل الخارجي، حيث أن الفرق أساسًا هو أن جسم السيارة الـ SUV مركب على هيكل، بينما في الـ Crossover الجسم والهيكل قطعة واحدة، مما يجعله أخف وزنًا. وهذا الفرق يكاد لا يكون له تأثير على الشكل العام للسيارة، والله أعلم.