حد يعرف ايه أصل الخبر ده؟

**OlaOsman** · 10-11-2008 06:03 PM

يريد الامريكان الاوغاد بناء مكان للسكر والعربدة على شكل كعبتنا الشريفة يتمهزؤن على ديننا وعلى كعبتنا لعنهم الله جميعا فلنجمع مليار صوت لنقول لهم لا يا ايها الاوغاد لا تهينو ديننا وكعبتنا لعنكم الله

جروب ع الفيس بوك ده هدفه.. لحد دلوقتي المنضمين ليه 61,399 عضو و طبعا جايلي دعوة إنضمام.. يا ترى حد من الواحد و ستين ألف دول كلف نفسه يتأكد من الخبر؟ طيب حد يقول لنا مصدر الخبر عشان ما يبقاش شكلنا وحش قدام العالم كده

حتى اللي كاتب الكلمتين اللي فوق عنده أخطار إملائية بالهبل، حتى لفظ الجلالة كاتبه بالتاة المربوطة مش الهاء، بس انا طبعا صلحته و انا بانقل الكلام.

حد هنا عنده علم بحاجة زي دي؟

**ehabthefirst** · 10-11-2008 06:13 PM

المشاركة الأصلية كتبت بواسطة OlaOsman

جروب ع الفيس بوك ده هدفه.. لحد دلوقتي المنضمين ليه 61,399 عضو و طبعا جايلي دعوة إنضمام.. يا ترى حد من الواحد و ستين ألف دول كلف نفسه يتأكد من الخبر؟ طيب حد يقول لنا مصدر الخبر عشان ما يبقاش شكلنا وحش قدام العالم كده

حتى اللي كاتب الكلمتين اللي فوق عنده أخطار إملائية بالهبل، حتى لفظ الجلالة كاتبه بالتاة المربوطة مش الهاء، بس انا طبعا صلحته و انا بانقل الكلام.

حد هنا عنده علم بحاجة زي دي؟

شكله كده مالوش اى اساس من الصحه
مجرد فتى

**MomoMedo** · 10-11-2008 06:18 PM

دة مبنى جديد لشركة ابل على شكل مكعب
وكله عبارة عن زجاج وفيه علامة ابل في النص
بس كانو مغطيينه بحاجة لونها اسود من برة لحد ميخلصو عشان تبأى مفاجئة
فبان شبه الكعبة
واحنا الحمد لله مابنصدق حاجة نمسك فيها ونعد نشتم

**MomoMedo** · 10-11-2008 06:22 PM

ودة شكل المبنى قبل اكتماله

ودة بعد ماخلصوه

فين بأى السكر والعربدة دة ؟؟؟؟؟؟؟:k41::k41:

**Bossy_Fadl** · 10-11-2008 06:35 PM

المشاركة الأصلية كتبت بواسطة MomoMedo

دة مبنى جديد لشركة ابل على شكل مكعب
وكله عبارة عن زجاج وفيه علامة ابل في النص
بس كانو مغطيينه بحاجة لونها اسود من برة لحد ميخلصو عشان تبأى مفاجئة
فبان شبه الكعبة
واحنا الحمد لله مابنصدق حاجة نمسك فيها ونعد نشتم

+1000000000000000

انا شوفت الصور علي الايميل من حوالي سنة و شوية

و فعلا المبني تابع لشركة ابل

و بعدين انتي عارفه يا علا الفرقعات اللي لازم تحصل كل شوية

زيها زي Nike اللي عملت احذية عليها كتابات من المصحف و لازم نعمل جروب نطالب بوقف المنتج و قفل الشركة

و زي الايميل اللي بيتبعتي كل 4 دقايق و نص بتاع انهم عاوزين ينشرو رسومات الرسام الدنماركي و يلا نفتح جروب نقولهم لالالالالالالالا

و اللي احلي منه بتاع انا اتحديت اجمع 878678675654 توقيع من مسلمين بيؤمنو بالله و الدين الاسلامي قبل ما واحد تاني يجمع نفس عدد التوقيعات من اشخاص مش بيؤمنو بالله فـ يلا ساعدوني نعمل ده

و تلاقي الايميل بدأ بجون و ماري و اليزابيث و تلاقيه منتهي بحسنية و مجاهد و عبد البر

علي اساس لف العالم بقي و كده

كلها مجرد اشاعات و كلام فارغ و خلاص بيشوفو مين اللي هيصدقه من غير ما يتاكد

**Michael_Lanos** · 10-11-2008 06:39 PM

يا جماعه مش اى كلمه تجسيبنا واى كلمه تودينا + ان الامريكان عنودوهم مشاغلهوم ومش بيهتموا مواضيع الدين
اتأكدوا الاول من صحه الكلام علشان ماتظلموش حد
شكرا

اخوكوم مايكل

**KoDaK_Gti** · 10-11-2008 06:56 PM

الموضوع قديم جداااا ولا يوجد اساس من الصحة

**A_H_M_A_D** · 10-11-2008 07:00 PM

انا فعلا شوفت الصورة دي قبل كده من فترة بس مكانش لسه المبنى إكتمل و كانوا مسمينه تفاحه مكه وكانت قايمه ضجه كبيره قوي وقتها
بس انا مكنتش مقتنع ان فيه بار بالحجم ده و من غير شبابيك خالص
اهو فعلا الموضوع طلع فشنك !!

**mahamedaraby** · 10-11-2008 07:06 PM

مليار صوت

ازاى مليار صوت ده صاحب الجروب بيستعبط

ده هو بس محتاج الشهر علشان يبقى الجروب بتاعه من اعلى الجروبات فى الفيس بوك

وفعلا زى ما Momo medo وضح وقال هى دى حقيقه المبنى والموضوع ده كان قديم من فتره

ليه اتفتح تانى على الفيس بوك

**omardeneo** · 10-11-2008 08:52 PM

والله للاسف الهيافه سلاح بيحاربونا بيه

الموضوع بقاله مده على المنتديات و لم الاف من الناس و كل الحكايه زى ما قال الاخ MomoMedo ان ده مبنى زجاجى لشركه ابل

http://www.howardmodels.com/dpr/appl...ple-store.html

http://www.apple.com/retail/fifthavenue/

الموضوع: حد يعرف ايه أصل الخبر ده؟

LinkBack

أدوات الموضوع

عرض

-

-

-

-

-

-

-

المواضيع المتشابهه

حد فاهم الخبر ده !

ايه الخبر ده ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة