الموضوع: افضل سياره صينى

للاسف الواحد فعلاً في حيرة من امرة انا مقدم علي شراء سيارة بنظام القسط ومحتار فعلاً بين اسبرانزا انفي وام 11 والبي واي دي L3 والاميجراند بس ناس كتير قالت استبعد الاميجراند نظراً لما لاقته من عيوب صناعة وبارومة ومخالفة في الاطارات والتكييف والنظام الصوتي وقله العزم ياريت تقلنا تجربتك وعملت ايه وشكراً

المشاركة الأصلية كتبت بواسطة kaza

حضرتك بتقول ناس كتير قالولك ابعد عن الامجراند علشان الاطاراتوالتكييف والنظام الصوتي وقلة العزم ؟ بص ياسيدي انا من ملاك الامجراند وداخل علي سنة والعربية بمقياس الصيني ممتازة ومش دعاية والله العربية عملت 55000كم وباستخدمها في مشاويري مرتين لتلاتة اسبوعي سفر من القاهرة لطنطا او اسكندرية ومعايا غيرها صني عربية الشغل والامجراند عربية البيت و عندي الانترا 2013 عربيتي الشخصية ...االامجراند مافيهاش مشاكل من دي خالص ومع كامل احترامي للجميع الاطارات عندي لاسا في الامجران وفاكين في النيسان وهانكوك في الالنترا وبصراحة اطري كاوتش وانعمهم ويمكن علشان الاجدد هو الامجراند....ججريت بيها وجابت 190بس بصراحة خفت اضغط كمان من الكلام اللي باسمعة لكن سحب العربية مماثل شوية للفيات عجوز في الاول والتاني لكن التالت والرابع اتفرج واستمتع ...االالنترا متفوقة من حيث تناسق نقلات الفتيس لانها بتسحب معاك من الاول كذلك النيسان اتوماتيك فانت مالكش دعوة بالنقلات...االاحساس بالامجراند ممتع وبتحرج عربيات كتير وبصراحة ما حسيتش ابدا بان العزم فيها فية مشكلة بل اجدها متفوقة علي العربيات التانية علي اﻻقل الموجودة عندي..االتكييف مش وحش ابد وجرب تكييف اي عربية اوروبي وحتعرف تكييف الامجراند عبارة عن اية مشكلة التكييف انك لازم تخلية اوتو مش مانيوال وحتلتقي اتوماتيك المروحة بقت علي اعلي سرعة والتبريد ابتدي وبعد الحرارة ما بتقل المروحة سرعتها بتهدي وتلاقي العربية بقت تلاجة وزيها زي النيسان والانترا...يمكن بتاخد وقت شوية لكن كافي تماما .....النظام الصوتي متوسط مش وحش ومش حلو...لكن زي عربيات كتير صيني وخلافة يعني ..حوش الدبل بيز والبازوكا اللي بينزلوا في العربيات في مصر......الصداء اة فية عربيات كان اصحابها بيشتكوا في التوكيل من صداء لكن مش برومة وشفت الكلام دة في ابورواش لكن مش الكل والحمدلله العربية معانا خمار حديد واستخدام قاسي يومي وماحصلش حاجة فيها وربنا يباركلما فيها
نيجي للحاجات الحلوة ..االباور ممتاز وزية زي الالنترا مع ان الالتنرا كهربا ومش تقيل زي النيسان...االثبات افضل بكتير من اﻻلنترا لكن النيسان تتفوق بصراحة .....ططبعا الباركنج سنسور ممتاز وكمالية مهمة افتقدها في الباقي وقوة الاضاءة وصوت الكلاكس العالي ....لا والصلابة ...زقيت بيها عربية صحبي وماجرؤتش اعملها بالنيسان او الهيونداي لانهم بيتكسروا من ترييحة عربية .....لا بجد عربية ممتازة لسعرها في السوق وسيبك من اي كلام تاني ...مش معقول فية اكتر من25000مصاب بقصور عقلي اشتروهامن سنتين ولسة بيشتروها طبقا لتقرير اميك وانها محققة اعلي مبيعات .....ممن الاخر استخير الله وثق في اختيارك وسيبك من كلام اي حد...تحياتي الحارة لك

بسم الله الرحمن الرحمن
أولاً شكراً علي الرد والنصيحة
ثانياً انا متكلمتش علي الكاوتش ولكن الاطارات هناك كام موقع اتكلم وقالوا انها انتمونيا وليست المونيوم وعليه انكسرت وهناك صور لسيارات مكسورة الاطارات بتاعتها وفيه علي الفيس جروب لو ببلاش متشترهاش فرجاء الافادة
ثالثاً سؤال بإعتبار حضرتك من مالكي السيارة تديها كام من عشرة في كل شيء بأمانةالله ونصيحة تسأل عنها امام الله .
وشكراً وعذراً للاطالة