الموضوع: كنت هطير من علي الكوبري

بعد السلام والتحية
انا معايا رينو ٩ الي الدركسيون الباور
امبارح مرة واحدة وانا بلف علي كوبري لقيت الدركسيون لما الفه يمين يحجر وكنت هطير من علي الكوبري لولا ساتر ربنا
لو لفيته سنة شمال ورجعت يمين الاقيه اشتغل بس تقيييييييل جدا
الحركه دي حصلت مع الميكانيكي من حوالي اسبوع وكان بيركن العربية علشان نسقط موتور فيها وسالني عليها قلتله محصلتش معايا خالص
بس بعدها مشيت يجي ٣٠٠ كيلو ولا فيه حاجة حصلت
بعد ما نزلت لغاية ما روحت التحجيرة دي بتحصل كل مرة الف يمين وساتر ربنا اني كنت قريب من البيت
حد فاهم ممكن يكون ايه السبب
علشان علبه الدركسيون كامله ب ٦٠٠ جنيه استيراد ومافيش منها جديد
ومش عايز حد يفتيلي فيها من العفشجيه علشان انا معرفش حد للأسف
للعلم الدركسيون ناحيه الشمال كويس جدا وانا زودت زيت باور موبيل لأني قلت ممكن الزيت ناقص

مش عارف بصراحة ..... انا كلمت عفشجي قالي ابص علي الزيت لو الزيت ناقص يبقي ممكن فيه خرطوم فيه مشكله ..... للعلم انا لما زوت زيت امبارح لقيت الدركسيون ناعم جدا فحاول ابص كده علي الزيت ....... خصوصا اني لسه كنت عند بتاع زبط الزوايا بعد تسقيط الموتور وقالي ان العلبة كويسة نسبيا

المشكله الاساسيه ان النهاردة الاحد اجازتهم وبكرة شم النسيم .... فربنا يسهلي والاقي حد فاتح