الموضوع: دخااااااااااان ابيض

الاعضاء الكرام ... السلام عليكم

استشارة ضرورية لأصحاب الخبرة في الفيكترا ايه 94 اوتوماتيك ... امبارح وانا ماشي بالعربية وكله تمام لقيت دخان ابيض كثيف جداً وكتير قوي خرج من الشكمان لدرجة اني افتكرت ان العربية ولعت وقفت بسرعة وبطلت ملقيتش حاجة دورت تاني خرج شوية دخان ابيض تاني ورجعت لطبيعتها ... وكملت مشواري وركنت العربية ...
النهاردة الصبح لقيت قربة المياه ناقصه شوية زودتها قبل ما ادور ودارت تمام وسخنت شوية ومشيت مشوار صغير ولقيت نفس الدخانة تاني (دخان كثيف لونه ابيض عامل زي الشبورة) وريحته غريبة مش زيت محروق ...
أصحاب الخبرة أفيدوني لأني معنديش صنايعية أوبل وبخاف أوديها لحد ويفتي فيها. وآسف للإطاله

الدخان الأبيض:

يدل على حريق ماء أو سائل تبريد. إنه من الطبيعي أن تلاحظ دخان أبيض عند بدأ تشغيل السيارة في الأيام الباردة. الماء المتكثف داخل المحرك سوف يحترق مكون الدخان الأبيض. هذا يجب أن يختفي بعد وصل المحرك لدرجة حرارة التشغيل. الدخان الأبيض الذي لا ينقشع يدل على هناك ماء يدخل غرفة الاحتراق. قم بملاحظة مستمرة لمستوى سائل التبريد في المشع (الردياتير). في حالة انخفاض مستوى سائل التبريد, قد يكون السبب هو تلف حابك رأس الاسطوانات (الوجه/الجوان), شرخ في رأس الاسطوانات أو كتلة المحرك.

المشاركة الأصلية كتبت بواسطة yasser_0339

الدخان الأبيض:

يدل على حريق ماء أو سائل تبريد. إنه من الطبيعي أن تلاحظ دخان أبيض عند بدأ تشغيل السيارة في الأيام الباردة. الماء المتكثف داخل المحرك سوف يحترق مكون الدخان الأبيض. هذا يجب أن يختفي بعد وصل المحرك لدرجة حرارة التشغيل. الدخان الأبيض الذي لا ينقشع يدل على هناك ماء يدخل غرفة الاحتراق. قم بملاحظة مستمرة لمستوى سائل التبريد في المشع (الردياتير). في حالة انخفاض مستوى سائل التبريد, قد يكون السبب هو تلف حابك رأس الاسطوانات (الوجه/الجوان), شرخ في رأس الاسطوانات أو كتلة المحرك.

أشكرك على سرعة الرد ... هتابع المياه وربنا يستر

دخان ابيض والمية بتنقص جوان وش سلندر او شرخ فى الوش والله المستعان

طيب هو الشرخ ده يعني أغير الموتور ولا ليه حل زي لحام أو غيره يعني؟؟؟!!
وهل لو جوان وش سلندر يبقى مستوى الزيت طبيعي ومش داخل عليه مياه (طحين)؟

معدل نقص المياة كتير ودخنة زى مبتقول شبورة حل الوش ويتكشف علية عند خراط وش سلندر وفى اغلب الامور بيتصلح وبيتزود ويتخرط وبيكون زى الفل وركب وطبعا هيتحط جوان حسب مقاس الوش يعنى لو مش مقشوط هيكون جوان عادى فى قشط جوان دبل وخراط الوش هيقولك وياريت رودية عند بتاع الوش بردو وانشاء اللة المشكلة محلولة اكبر تكلفة بالمصنعية لان تتجاوز 1000 جنية فى الرنج دة والله المستعان

شوف الموضوع ده

http://www.nilemotors.net/Nile/46386...post3875925030

المشاركة الأصلية كتبت بواسطة احمد فهمى

ده زيت راجع الاول على زيت الباكم شوفو بينقص والا لا لأن الماستر لو حصل فى عيب بيدخل زيت على السيرفو وبيخرج من الشكمان ودي بسيطه لو مش بينقص يبقى للأسف ده زيت متور

فعلا زيت الباكم بينقص كتير ومن يومين لقيت تحت دواسة البنزين والفرامل تنشيع زيت.... ربنا يطمنك طب ودي حلها ايه؟