الموضوع: دخااااااااااان ابيض

الاعضاء الكرام ... السلام عليكم

استشارة ضرورية لأصحاب الخبرة في الفيكترا ايه 94 اوتوماتيك ... امبارح وانا ماشي بالعربية وكله تمام لقيت دخان ابيض كثيف جداً وكتير قوي خرج من الشكمان لدرجة اني افتكرت ان العربية ولعت وقفت بسرعة وبطلت ملقيتش حاجة دورت تاني خرج شوية دخان ابيض تاني ورجعت لطبيعتها ... وكملت مشواري وركنت العربية ...
النهاردة الصبح لقيت قربة المياه ناقصه شوية زودتها قبل ما ادور ودارت تمام وسخنت شوية ومشيت مشوار صغير ولقيت نفس الدخانة تاني (دخان كثيف لونه ابيض عامل زي الشبورة) وريحته غريبة مش زيت محروق ...
أصحاب الخبرة أفيدوني لأني معنديش صنايعية أوبل وبخاف أوديها لحد ويفتي فيها. وآسف للإطاله