طريقه اضاءه زراير المالتى بالطاره فى خطوه واحده

**ALI SOLIMAN** · 13-04-2015 05:11 AM

دى طريقه تشغيل الاضاءه بزراير المالتيميديا فى دريكسيون الاوبل

اولا هانفك الكاسيت و من الضفيره بتاعته هنلاقى سلك لونه رمادى (Grey) و مفيش غيره باللون ده و هنوصله بالسلك الاحمر اللى معاه فى نفس الضفيره (سلك باور الكاسيت) و هتلاقى سلكين لونهم احمر
واحد فيهم هايشغل اضاءه زراير المالتى مع الكونتاكت و التانى مع تشغيل الكاسيت او اضاؤه التابلوه

ودى نتيجه التجربه عندى

**احمد فهمى** · 13-04-2015 11:15 AM

شغل اصلى ضيفتو لك فورشة اوبل فمواضيع الفيكترا بى

**ALI SOLIMAN** · 15-04-2015 02:24 AM

المشاركة الأصلية كتبت بواسطة andrew uwk

طب انا المالتي عندي مش شغال علي الكاسيت الاصلي اصلا اعمل ايه ؟

زراير المالتى طالع منها 3 سلوك بس:

1-(بنى) وده الارضى وهتلاقيه متوصل على ارضى الكلكس يعنى سيبك منه.

2-(رمادى) وده الكهرياء و طريقه توصيله فى الموضوع الاصلى

3- (ازرقXاحمر) وده اللى مسؤول عن تشغيل الزراير مع الكاسيت

(ازرقXاحمر) هتراجع توصيل ضفيره الكاسيت مع فيشه الكاسيت المفروض انه فى سلكتبن فى الضفيره بنفس اللون (ازرقXاحمر) السلكه بتاعه المالتى هى السلكه رقم واحد فى فيشه الكاسيت

لو انت كنت قاصص فيشه الكاست و موصلها تانى فى الضفيره هتراجع توصبل السلكه دى وهتلاقى الزراير اشتغلت ولما توصلها بالضفيره هتلاقى الضفيره طبعا فيها سلكتين بنفس اللون يبقى جرب كل واحده لوحدها
كما موضح بالصوره

**ALI SOLIMAN** · 15-04-2015 02:26 AM

المشاركة الأصلية كتبت بواسطة احمد فهمى

شغل اصلى ضيفتو لك فورشة اوبل فمواضيع الفيكترا بى

الله ينور يا أ/احمد فهمى عشان يبقى سهل فى البحث للمحتاجه.

شكرا

**فادى محمد** · 16-04-2015 04:51 PM

لو الطاره عاديه وهتركب طاره مالتي هتحتاج يكون تحت الطاره الصينيه الدواره ( كلوك سبرينج) علشان تركب فيها فيش الزراير ولا لا؟؟

**فادى محمد** · 18-04-2015 03:14 PM

اشكرك يا ا عبدالرحمن..
بس المفروض ان الطاره المالتي خارج منها فيشتين مش سلوك؟؟ الفيشتين هيركبوا في الفلاته تمام. السلوك ال3 هتتوصل فين ازاي مش عارف؟ يا ا علي سليمان؟ مع الشكر ياباشا

**Hesham.H** · 22-04-2015 02:59 AM

المشاركة الأصلية كتبت بواسطة فادى محمد

اشكرك يا ا عبدالرحمن..
بس المفروض ان الطاره المالتي خارج منها فيشتين مش سلوك؟؟ الفيشتين هيركبوا في الفلاته تمام. السلوك ال3 هتتوصل فين ازاي مش عارف؟ يا ا علي سليمان؟ مع الشكر ياباشا

فادى باشا
الطاره المالتى بيبقى داخلها فيشه متجمع فيها سلوك الكلاكس وازرار المالتى والايرباج بتوصل بالفيشه اللى فى الفلاته اللى المفروض تركب تحتها
والفلاته بتركب فى فيشه الكلاكس بتاعه الطاره العاديه
سهله وبسيطه وكلها فك وتركيب .. ولما تعوز الفلاته قولى عشان عندى واحده