السلام عليكم
أنا قصتي بدأت من كام شهر كنت مسافر مواصلات وفجأة الفرامل هربت راح السواق ساحب فرامل اليد بس لم تؤثر اطلاقا وعملنا حادثة جامدة

فقلت لازم أتأكد من فرامل اليد بتاعتي إنها شغالة كويس رفعت العربية بنفسي لقيت إنها شغالة على عجلة واحدة فقط فقلت للعفشجي قالي السلك بتاع العجلة التانية "قافش" وبالفعل فكه وحاول يلينه والحمد لله اشتغل تاني وبالمرة قالي غير التيل الخلفي لأنه كان في نهاياته فغريته

الوضع الآن
1- دواسة الفرامل وطت قوي ومش بتمسك غير في إخر حتة والمشكلة إني لو فوجئت بحاجة مش هتسعفني
2- صوت هواء خارج من دواسة الفرامل (حاسس إني راكب عربية نقل)
3- العجلة إللي كان سلكها قافش على الرغم من إن السلك الوقتي شغال كويس إلا إنها مازالت متكتفة شوية أكتر من العجلة التانية

لما قولت له على كل ده قبل ما أستلم العربية قال لي كل ده طبيعي لغاية ما التيل الجديد يطبع على الطنابير


هل الكلام بتاعه ده صح أمشي كده شوية هتتحسن ؟؟؟؟؟