الموضوع: بطاقة رقم قومى (بدل فاقد)

.....

المشاركة الأصلية كتبت بواسطة أبو آسر

المتخلف عن الجيش لو وقع تحت ايديهم بيبقى برده في قضية وحبس لكن أعتقد ممكن يكون الحكم مخفف شوية عن الهربان بس الاتنين بياخدوا أحكام ، بس متقلقش تجديد البطاقة أو الرخصة وما شابه ملوش دعوة بالتجنيد لكن حاول تبعد عن أي موطن شبهة علشان لو وقعت تحت إيد الشرطة العسكرية مثلا لا قدر الله هما دول اللي ممكن يفتشوا عن موقفك من التجنيد ويأذوك لكن مصالح الأحوال المدنية أو أقسام الشرطة العادية وإدارات المرور وما شابه ملهاش علاقة بحوار التجنيد والجيش إلا بقى لو طلعوا قانون جديد !

متشكر جدًا على الافادة و الاهتمام. انا دلوقتى بحاول اعرف اذا كان ينفع آجل التجنيد تانى عن طريق انى أدرس من جديد او اعمل دراسات عليا بحيث انى اقدر اطلع 6 جند تانى لو ينفع.
سؤال آخير لو سمحت, حضرتك اما روحت بعد سن ال30 علشان تدفع الغرامة, حد ضايقك او قالك ان كان المفروض يتحكم عليك بسجن؟ و الغرامة كانت كام؟. شكرًا

المشاركة الأصلية كتبت بواسطة karim alaa

ممكن تعملها اونلين لو الوظيفه مش طالب فى البطاقه القديمه و صدقنى روح اعملها فى السجل و لا هتفرق معاهم حاجه خالص و سيب خانه الجيش دى فاضيه خالص و لا حد هيكلمك

اخويا هرب من الجيش دخل و بعدين هرب و عمل 3 بدل فاقد من ساعتها و عمر محد كلمه و لا ساله فى ايه اصلا

شكرًا على الرد, ربنا يطمنك

المشاركة الأصلية كتبت بواسطة أبو آسر

عليا
أنا لسة مروحتش أسوي موقفي للأسف متردد شوية لأني ملتحي لكن كل الناس بتروح وبتبقى غرامة عادي أعتقد متوسطها أقل من ٤٠٠٠ جنيه والقانون أيوة في حبس أو غرامة أو الاتنين بس مسمعتش لحد دلوقتي عن حد اتحبس بسبب الموضوع ده

طيب دى مشكلة, انا لقيت ان فى تعديل للقانون ده بيقول, "جاء فى تعديل قانون خدمة الصف والجنود «يوفر القانون تدبير احتياجات الشرطة من الأفراد المجندين بقرار من وزير الدفاع بناء على طلب من وزير الداخلية»، وغلظ القانون الغرامة الخاصة بالتخلف عن مرحلة الفحص أو التجنيد وأطلق عقوبة الحبس فيها، وحدد القانون تحديد بدء مدة الخدمة العسكرية الإلزامية من تاريخ انضمام المجند إلى السلاح الموزع عليه"
انا كمان بنتمى لحزب دينى...اعتقد انه مش مفضل بالنسبة للقوات المسلحة! انا شخصياً مش ملتحى بس اخوانى و والدى ملتحيين, و بالتالى خايف اتعامل معاملة مختلفة بسبب الانتماء ده. و نقطة "و أطلق عقوبة الحبس فيها" دى مش مطمنانى بصراحة.

انا حاولت اعملها اونلين و المهنه طالب رفض و قالى سنك 26 سنه مينفعش اكنبلك طالب من غير ختم الكليه بعد 22 سنه لو خلصت هات الشهاده و تعالى اعمله فى العباسيه و هتجيلك برضه لحد البيت بس نشوف الشهاده لو مخلصتش اختمها من الكليه ده كلامهم لما حاولت من كام سنه اعملها اونلين عشان الكليه مكنتش عايزه تختم عشان المصاريف ساعتها