الموضوع: بطاقة رقم قومى (بدل فاقد)

المشاركة الأصلية كتبت بواسطة muhammed samy

تمام. انا بس كل اللى شاغل بالى حكاية الوظيفة, اكتب فيها ايه؟ لان البطاقة القديمة كان مكتوب فيها "طالب" طبعاً, و دلوقتى انا بشتغل فى شغل خاص بينا, يعنى مش وظيفة حكومية. يعنى لو جيت اكتب طالب من جديد, ممكن يطلبوا ختم شئون الطلبة من الكلية او كده.
متشكر جدًا على الرد.

أي بيانات قديمة بتفضل زي ما هي لحد ما تقدم بيانات جديدة تلغي البيانات القديمة
يعني بطاقتك القديمة طالب يبقى هتفضل طالب من غير ما تحتاج أي إثبات من الكلية
عنوانك القديم على مكان معين هيفضل زي ما هو ومش هتحتاج تثبته لحد ما تقدم بيانات جديدة لعنوانك الجديد لو حبيت تغيره

المشاركة الأصلية كتبت بواسطة muhammed samy

هيعملوا ايه لو "وقعت تحت ايديهم"؟ انا مقدمتش من البداية, يعنى متخلف عن الجيش, مش هربان.
شكرً على الرد.

المتخلف عن الجيش لو وقع تحت ايديهم بيبقى برده في قضية وحبس لكن أعتقد ممكن يكون الحكم مخفف شوية عن الهربان بس الاتنين بياخدوا أحكام ، بس متقلقش تجديد البطاقة أو الرخصة وما شابه ملوش دعوة بالتجنيد لكن حاول تبعد عن أي موطن شبهة علشان لو وقعت تحت إيد الشرطة العسكرية مثلا لا قدر الله هما دول اللي ممكن يفتشوا عن موقفك من التجنيد ويأذوك لكن مصالح الأحوال المدنية أو أقسام الشرطة العادية وإدارات المرور وما شابه ملهاش علاقة بحوار التجنيد والجيش إلا بقى لو طلعوا قانون جديد !