ايه اخبار القاشقاى الجديده ؟
هل فيها اى مشاكل ؟ ايه اخبار البنزين معاها ؟
هل فى اى تقارير اتعملت ليها ؟
عرض للطباعة
ايه اخبار القاشقاى الجديده ؟
هل فيها اى مشاكل ؟ ايه اخبار البنزين معاها ؟
هل فى اى تقارير اتعملت ليها ؟
العربيه لسه جديده على السوق ...
و كل تساؤلاتك حجيب عليها فقط الوقت :)
ولو فيه اى تقارير ... حتكون مبدئيا لان مفيش اى حد استلمها عمل بيها اكتر من ٣ الاف كم ...
تحياتى ...
العربية تحفة
بس عشان الصراحة
بنزين 95
اي عربية الأداء هيكون في فرق بين 92 ال 95
مش دي المشكلة
المشكلة في أن العربية دي نزلة فيها تربة
و التربو مبيشتغلش كويس و تكون العربية مرتاحة و تدي أداء فوق الممتاز
إلا مع الاحتراق الجيد والاختراق الجيد مايحصل إلا مع البنزين 95
و عشان الصراحة الأداء تحفة مع البنزين 95
مع كمان راحة العربية
تحس أن الموضوع يستاهل بنزين 95
و تقنن مشاويرك يعني بلاش جري علي الفاضي
انا قبل كده كنت كلمت نيسان uk و كان ردهم ان القشقاى كويسة لحد بنزين 92
يا باشا ما هو بعد نتيجة التحاليل اللي إتعملت في معامل مصر للبترول واللي قامت بيها شركة مرسيدس ..هتعرف إن بنزين 95 اللي عندنا أوكتان 92 .يعني شركة نيسان يو كيه لما تقول لحضرتك 92 ..يبقى علطول عندنا في مصر هنا 95 ..ولما يقولوا 95 يبقى تعرف علطول إن هما بيتكلموا عل وقود مش موجود هنا في مصر أصلا
خد يابشا ..إضرب اللينك ده وقولي إيه رأيك ..على فكره كان في موضوع معمول هنا في المنتدى عن نفس القصه ده ..بس للأسف مشاركتش فيه عشان كده مش عارف أوصله ..بس اللينك ده يوفي بالغرض
بالمستندات.. الحكومة تبيع بنزين 92 على أنه 95 - المصريون
وإضرب دي كمان يا مان ..وقولي رأيك
http://nileup.com/up/uploads/nilemotors_14294399091.jpg
علي فكره بنزين 95 في مصر بيكرر في مصر في معامل ميدور ولا يتم إستيراده, اللي بيستورد جزئيا هو النافتا (بنزين 80) ثم يتم خلط النافتا مع 95 ليتم الحصول علي أوكتين 92
انت بنفسك شايف الخبر بيقولك تداول نشطاء .منا عارف ان فى كلام زى كده على النت بس انا لتكلم على خبر مكتوب فعلا على الويب سيت بتاع شركة او مؤسسة . ادخل انت بقى و شوف رد و زارة البترول على الهرى ده لانه جمعوا 400 عينة من 400 محطة مختلفة و النتيجة ان ال95 مطابق .. عموما فى الاخر شوف انت مرتاح لايه و صدقه
البلد: بالفيديو.. البترول: لا صحة لتلوث بنزين "95".. وأجرينا اختبارات على 31 محطة
نائب رئيس هيئة البترول: مصر في حالة حرب ولا نلتفت لأكاذيب وشائعات أعداء الوطن | ONA - ONews Agency - وكالة أنباء أونا
بالمناسبة هى ليه مرسيدس بعد ماعرفت ان البنزين فى مص مش 95 ليه لسه بتنزل عربيات يلزمها 95 ؟؟http://www.youm7.com/story/2014/11/20/%D9%88%D8%B2%D9%8A%D8%B1-%D8%A7%D9%84%D8%A8%D8%AA%D8%B1%D9%88%D9%84-%D8%A7%D9%84%D9%85%D9%87%D9%86%D8%AF%D8%B3-%D8%B4%D8%B1%D9%8A%D9%81-%D8%A5%D8%B3%D9%85%D8%A7%D8%B9%D9%8A%D9%84-%D9%81%D9%89-%D9%86%D8%AF%D9%88%D8%A9-%D8%A7%D9%84%D9%8A%D9%88%D9%85-%D8%A7%D9%84%D8%B3%D8%A7%D8%A8%D8%B9--%D9%84%D8%A7-%D9%86/1958717
يا باشا ما هي شركة مرسيدس كانت المدعي ..ووزارة البترول كانت المدعي عليه ..أكيد طبعا المدعي عليه هينكر التهمة ..نقوم إحنا بقى نصدق مين؟؟..نصدق اللي إحنا مستريحين له ..أو على الأقل اللي ظاهر على أرض الواقع ..أقول لحضرتك بقى اللي ظاهر على أرض الواقع ..اللي ظاهر على أرض الواقع إنك بتمون عربيتك تبص تلاقيها بتكركر ..وتروح تمونها من حته تانيه تلاقيها بقت كويسه ..الظاهر على أرض الواقع إن التفويله بتعمل معاك مسافات مفاوته من بنزينه للتانية ..الظاهر على أرض الواقع إنك بتحط بنزين من محطه تلاقي العربيه ركبها شيطان ..إشي بتهبب من الشكمان ..وإشي ما بتسحبش وإشي بتكركر ..وتروح تمون من بنزينه تانيه تلاقي الدنيا ضبطت ..الظاهر على أرض الواقع إنك لما بتروح دولة زي السعوديه مثلا وتدخل محطة البنزين عشان تحط بنزين بتلاقي البنزين هناك لونه أبيض ..أو أقرب ما يكون للأبيض ..معرفش أنا إيه البنزين اللي عندنا ده ..إشي أحمر وإشي أخضر ..أقوم أنا بقى ..أتغاضى عن كل العك اللي إحنا بنشوفه في البنزين ده كل يوم ..وأصدق وزارة البترول ..اللي هي أصلا متهم من شركة مرسيدس ..ومني أنا شخصيا ..ويمكن منك إنت كمان ..مين فينا ما إتنصبش عليه وإتحطله بنزين مضروب قبل كده حتى ولو مره ..يا بيه أنا معايا سوزوكي التو تلاتة سلندر 800 سي سي ..يعني لو شوية جاز هيمشوها كويس ..إزاي أدخل بنزينه أحط بنزين المفروض إنه 92 واللتر ب 260 قرش ..الاقي العربيه بتكركر ومتسحبش ..وكركره إيه ..ده بعيد عنك المكنه كانت بتخبط ..إتعكننت يوميها وقلت فيه إيه ؟؟..إيه اللي حصل.؟؟وقلت خلاص همشي بيها بقى كده شوية لغاية ما أبقى أروح لميكانيكي يشوف فيها إيه ..وبعديها بيومين رحت حطيت بنزين تاني من محطه إمارات ..الله أكبر ..العربيه إتصلحت ..شوف إزاي !!!!..يعني بنزين 92 اللي في مصر ..والله العظيم غير مطابق لمواصفات بنزين هيشغل عربيه تلاتة سلندر 800 سي سي ..وعايزني أصدق شركة البترول ..بترول إيه ياعم ..ألا صحيح ..هو النور بيقطع ليه ؟؟؟؟؟؟
انت بتتكلم في ايه انا صديق لي كان معاه glk و لما قفش في التوكيل حللوا البنزين اللي في التنك رغم انه حاطط 95 لقوا انه 91.7 يعني موصلش 92 و الناس دي مش بتهزر لما بعتوا لدايملر كرايسلر لو كان في مشكله في التوكيل كانوا نفخوه لكن وزارة البترول حمادة بالجنزبيل
مش عارف الناس اللي بتتكلم وتقول البنزين في مصر كويس وأصلي أوسخ بنزين في العالم هو الموجود في مصر، كان معايا بي أم نزلت إجازة في مصر وكنت بحط بنزين 95 اللي هو مفروض يكون 95 العربية تغيرت تماماً طبعاً للأسوأ من كل النواحي (صوت الماتور، العزم ، .... إلخ) ولما رجعت بها خارج مصر وكشفت عليها قالولي البنزين أقل من 92 وهو اللي عمل كدة في العربية، ولما وضعت ال 95 الموجود خارج مصر العربية رجعت تاني زي الحلاوة، ياريت المعلومة تكون وصلت للناس اللي بتفتي وتقول البنزين 95 الموجود في مصر أصلي .. ابتسم أنت في مصر أم الدنيا !!!!!!!!
هو احنا انكتب علينا ان محدش يعرف يقول راي مخالف اللى لما الحوار ينتهى بسخاقة و طولة لسان.يا يشر دا اسمه منتدي . مش مقنتع يراحتك بس مش معناه انك متحترمش صاحب الراى المخالف...يا ريت نكبر و نرتقى بنفسنا الاول
باشا ..أنا بعلن إعتذاري عن أي كلمة كتبتها في المشاركه دي فيها إساءه لحد أو حد يكون إعتقد إن فيها إساءه ليه ...والإعتذار ده عن نفسي أنا بشخصي ...
السؤال بقى هو إنت كنت تقصد مين بقى بموضوع نكبر ونرتقي بنفسنا الأول ؟؟؟..وليه التعميم في الكلام مع إن المشاركه اللي سببت ليك مشكلة بتاعة شخص معين ؟؟؟؟!!!!!!!!!!!!!!!!!!..ما هو لو المشاركه بتاعة فلان أو علان هي اللي فيها مشكلة ممكن تبلغ الإدارة ..أو ممكن تقول للشخص ده كلامك سخيف وياريت ترتقي بنفسك الأول بدل ما تقول ..نرتقي ..ويبقى الموضوع فيه إجمال مخل بالمضمون ..مش كده ولا إيه ؟؟؟؟..
القشقاى سياره جميله والى يقولك عيب المحرك لا مش عيوب محرك شركه نيسان عارفه ايش بتسوى وايش بتعمل ومالها وماعليها يكفى انها عملت سياره 500 سى سى بقوه 400 حصان كسياره عمليه وسهله التعامل
شكل حلو
الجوده جميله تقفيل انجليزى
الاستخدام الاستخدام اليومى العادى
تقدر تستخدم بنزين 92 او 95 والى يقولك لا ويضر ويعمل اسمع من المجرب ولا من طبيب
تحياتى
انا عندى حاليا عربيتين سيراتو هاى لاين والقشقاى هاى لاين وشلت دماغى خالص من المازدا والقشقاى اداءها على ال92 عادى جدا بس مش بتاعه سرعات عاليه يعنى لمه ادوس بحس ان ال ار بى ام مش بيقوم بسرعه كلعاده وبقالها معايا شهرين حاليا والسيراتو لا لسه جديده عليا اسبوع ونص
لو استخدمت 95 هتحس انك راكب صاروخ و تجميع ملوش حل
سمعت صوت التربو و انت سايق ؟
انا جربتها 92 و95 موبيل وشل وامارات نفس الحكايه مفهاش فرق يمكن هيا موتورها كده معرفش ولله
يا جماعة لو سمحتوا
هل حد منكم واجه مشاكل من اللي بيتكلموا عليها ف البوست ده ؟
http://www.nilemotors.net/Nile/454679-2014.html (مشكله في قشقاي 2014)
انا كان عندى قششقاى 2015 وبعتها مسمعتش من الكلام الى بيقول عليه بصراحه بس الانسب والاحلا سبورتج
موديل 2015 1200 سى سى مع تيربو لون ابيض هاى لاين وبعتها لانها بسرعه العاليه بطيئه شويه فى سرعات ومفهاش تكيف خلفى والبانوراما سقف ميتفتحش منظر بس فبعتها ويارب متشفش اعاده البيع نيسان وخاصتا قشقاى نلت من سعرها 20 الف جنيهه عشان تتباع بس وحاليا عندى اتنين مازدا 3 هاى لاين وسيراتو هاى لاين
والشاشه 5 انش مفهاش الملعومات الكافيه بس مجرد لون وكتابه الموسيقى وبس وراديو غير كده مفهوش حاجه زى الكيا او هيونداى حتى
يا ملاك القاشكاي الجديدة الأعزاء ،
لما تفتح الكبوت بتلاقي الموتور متغطي و متقفل كده ؟
لأن ده شكل الموتور برة مصر
[IMG]http://img.caricos.com/2014_nissan_qashqai_367.jpg[/IMG]
ولا مكشوف علشان الحر و الحبشتكنات دي ؟؟!!
http://www.nilemotors.net/Nile/C:\Do...7_1024x768.jpg
لا أنا معيش قشقاي بس شفتها في المعرض من غير غطاء