الموضوع: المشوره في شراء فيكترا 97

السلام عليكم
كما تعودت دائما استشارتكم
امامي فيكترا 1997 الماني وكانت معاقين وخلص الحظر من سنتين واللي اشتراها عارضها للبيع وطالب 52000
بس هو غير لها الموتور وركب 2000 سي سي مانيوال
وغير التابلوه
ومحتاجه دلوقتي اتنين مساعدين امامي
والحاله العامه جيده

ايه رائيكم في الموتور دا واستهلاكه للبنزين ؟
وايه رائيكم عموما في العربيه وتساوي كام ؟
وشكرا مقدما لكم

97 مشاهده ولا رد واحد !!!!!!!!!!!!!!!!!!!!!!!

استاذ هيثم اشكرك على ردك
يا تري الموتور لما اتغير هايحتاج تعديل في العفشه لان صاحبها قالي محتاجه مساعدين امامي

شكرا يا استاذ هيثم
ربنا يوفقنا لعربيه حالتها كويسه

حالة جيدة تعنى اية وجة نظر مين حضرتك ولا فنى متخصص (فى الكشف على السيارة يتبع الاتى ان يكون الشاسية الاساسى سليم (بدون حوادث - دواخل السيارة (صدر السيارة - والشنطة وارضيتها حالتهم اية ) الصاج الخارجى والاكسدمات اصلى ولا لاء المريات اصلى ولا لاء لان كل حاجة بفلوس ناتى للماتور انا اتفهم ان الماتور يتغر لاسباب كثيرة انما طبلوة لية ناتى للصالون هلى فرش الفبريكة اموجود وسليم ولا لاء التكيف يعمل ولا للاء العافشة يكشف عليها جيدا لان فى الغالب لما المساعد بيبوظ اغلب العافشة بتكون استهلكت ناتى للكاوتش نوعة وهل كلهم نفس النوع والمقاس وحالتهم اية ثم الدهان الخارجى ( اكيد مش رشة دواخل ) حالتة اية ويعيش معاك تقريبا قد اية بعد الاجابة على الاسئلة دى نحدد سعر السيارة لو كل الفات ممتاز السعر من (45 الى 48 ) واسف على الاطالة والله المستعان

حبيب قلبي يا استاذ أشرف
انا حكمت على الحاله الجيده علشان شفت الحوض والشنطه والابواب جيده
لكن طبعا انا خلعت منها لسببين تغيير التابلوه والعفشه فعلا كانت تعبانه
بس دي خامس عربيه اتفرج عليها واسيبها والظاهر اني مش هاجيب فيكترا
وشكرا لكلامك ومشاركتك الصح اوي وربنا يبارك لك