أرجو المساعده و المشوره في شراء BMW 316i-320i

**AmroSharafAldeen** · 09-11-2008 07:39 PM

ترددت كثيرا بين شراء أوبل فيكترا 2008 إيزي ترونك زيرو ، و الــ بي ام دبليو 316i المانيوال ، أو 320i الاوتوماتيك المستعمل أو كما يقال كسر الزيرو بحاله نادره 2006-2007 و ما ساعدني في إتخاذ القرار هو حلمي بامتلاك بي ام دبليو البحث عن أعلى مواصفات الامان خاصه الفرامل ووجدته في البي ام دبليو تحت اسم DTC و الذي يناظر الـــ ESP في أنواع السيارات الاخرى ، ولكن وجدت فروق شاسعه في الاسعار و لا أدري أيهم الصحيح.

برجاء افادتي عن:

1- الاسعار المعقوله للـــ بي ام دبليو 316i و 320i , موديل 2006 و 2007 و التي تتميز بعداد كيلومترات قليله و حاله نادره.
2- هل نظام الفرامل DTC بالفعل موجود بهذين الموديلين.
3- أسعار موديلات 2009
4- 316i موديل 2009 أوتوماتيك أم لا.

د. عمــــرو شــــرف الديــن

**Bassel** · 09-11-2008 08:26 PM

316 2006 فتخة وجنط عاملة في حدود 10000 بتكون ب205000-210000
2007 بتعمل 215000-220000
320 2007 بتعمل في حدود 300000-310000
نظام الفرامل موجود في الاتنين
2009
320 ب385000
318 ب279000
مفيش 316 2009 حتي الان
لو عايز رأيي
ال316 لا تقارن اطلاقا بالفيكترا خصوصا لو انت مش محتاج الكماليات
اصبر شهر كمان او لحد الموديل الجديد ينزل
عشان مؤشرات السوق تبين ان اسعار الاوروبي ابتدي ينزل فعلا
وخصوصا ال318 2000سي سي وبالسعر ده
اكيد اكيد هتأثر علي ال316
وخصوصا ان واحد زي ياسين وهو بيبيع غالي اصلا كان عارض عليا ال316 هاي لاين الي فيها مالتي فانكشن و زينون وجنوط وفوج وفتحة ب255000 مع العلم ان ال316 فاضية كانت بتباع ب245000

**KHALED AYMAN** · 09-11-2008 09:12 PM

بعد اذنك يا استاذ thunder eagleانا عايز اسالك سؤال بما انك راكب بى ام فى ناس هنا بتقول ان الفئه التالته ثباتها مش كويس لان وزنها خفيف و الميجان اثبت منها .
انا عن نفسى مش مقتنع بالكلام ده بس الراجل بيقول انه ركب الاتنين و انا عايز اسالك بأه هى ثابته ولا لا (مع انى متاكد انها ثابته بس عشان اقتنع تمامااااااااااااااا).

**Bassel** · 09-11-2008 09:24 PM

انا مشفتش عربية اكثر ثباتا منها لحد دلوقتي
انا مجربتش الميجان بس
مثلا لما اخد ملف معين بعربية زي الجولف علي 100كم\س وهي تعتبر ثابتة بتحس ان ان جسمك بيروح الناحية التانية بتأثير الG force
لكن في البي ام في نفس الملف بيكون الموضوع اقل بدرجة ملحوظة
وغير طبعا انظمة الثبات الي موجودة فيها زي الDSC و الDTC حوار تاني خااص
بعدين العربية وزنها 1500 كجم واعتقد ان ده مش قليل علي حسب علمي

**sa3dawy** · 10-11-2008 12:25 PM

ازاى اصلا كلمة ثبات تتقال هنا ... دا حتى يبقى عيب .. الى رايح يشترى بى ام مبيتكلمش فى الثبات اصلا
انا رأى شوف bmw 316 احسن من دا كلة وربنا يوفقك

**AmroSharafAldeen** · 10-11-2008 12:26 PM

المشاركة الأصلية كتبت بواسطة thunder_eagle

316 2006 فتخة وجنط عاملة في حدود 10000 بتكون ب205000-210000
2007 بتعمل 215000-220000
320 2007 بتعمل في حدود 300000-310000
نظام الفرامل موجود في الاتنين
2009
320 ب385000
318 ب279000
مفيش 316 2009 حتي الان
لو عايز رأيي
ال316 لا تقارن اطلاقا بالفيكترا خصوصا لو انت مش محتاج الكماليات
اصبر شهر كمان او لحد الموديل الجديد ينزل
عشان مؤشرات السوق تبين ان اسعار الاوروبي ابتدي ينزل فعلا
وخصوصا ال318 2000سي سي وبالسعر ده
اكيد اكيد هتأثر علي ال316
وخصوصا ان واحد زي ياسين وهو بيبيع غالي اصلا كان عارض عليا ال316 هاي لاين الي فيها مالتي فانكشن و زينون وجنوط وفوج وفتحة ب255000 مع العلم ان ال316 فاضية كانت بتباع ب245000

مشكوووور يا باشا على المساعده

**AmroSharafAldeen** · 10-11-2008 01:20 PM

فى ناس هنا بتقول ان الفئه التالته ثباتها مش كويس لان وزنها خفيف و الميجان اثبت منها .
انا عن نفسى مش مقتنع بالكلام ده بس الراجل بيقول انه ركب الاتنين و انا عايز اسالك بأه هى ثابته ولا لا (مع انى متاكد انها ثابته بس عشان اقتنع تمامااااااااااااااا).[/quote]

الثبات بالتاكيد في صالح البي ام خصوصا في الملفات و المنحدرات و الارضيات الزلقه و ده بيرجع لنظام الفرامل
Dynamic Stability Control ، وده بيشمل:

1- Anti-lock Brake System ، و اللي الفايده منه منع الانزلاق بس الفايده الحقيقيه دمج الفدره على التحكم في طارة القياده مع التحكم في الفرامل فنفس الوقت بمعنى إن من غير الـــ ABS مستحيل تتحكم فالدريكسيون و تدوس فرامل قويه في نفس الوقت.
2- Traction Control System ، و ده فايدته زياده قدرة السياره لنقل الحركه المناسبه للعجلات فوق اسطح منحدره و زلقه ، و من غيرها لو إنت فمطلع صعب و الارضيه مزحلقه ووقفت ، لما تيجي تدوس بنزين تاني العجلات حتدور للامام و العربيه حترجع للخلف.
3- Dynamic Traction Control

و نظام الـــ DSC بيعتمد على 4 سينسور ، سينسور لقياس سرعة العجلات ، و سينسور لقياس معدل سرعة الانحراف الجانبي عن المحور المركزي الافقي للسياره ، و سينسور لقياس معدل زاوية الانحراف عن المحور المركزي العمودي للسياره ، و سينسور لقياس زوايا الانحراف للدريكسيون وسرعة دوران العجلات و أوامر الفرامل 140 مره فالثانيه.

الميجان عربيه جامده جدا بس للاسف مفيهاش إلا الــــ ABS K , على فكره ال BBC News Channel أزاعت إن مع بداية سنة 2010 لن يسمح بتداول أي سياره لا تحتوي على الانظمه دي ، عقبال عندنا يا رب فالالفيه التالته

**farahat** · 10-11-2008 02:23 PM

كلامك سليم و موزون جداً ، و إذا لم يكن لديك منع أحب أضيف حاجات بسيطة

نظام ال-DSC دة مكون من ٣ أنظمة :
١- DTC و دة زي ما حضرتك قلت وظفته إنه يمع العجل يلف حولين نفسه على الفاضي خصوصاً في الأماكن الزلقة
٢- ABS و برضه زي ما حضرتك قلت (بس أنا عندي تعليق على عدد مرات قفل و فتح مكبس الفرامل في الثانية ، هو في حدود عشرات المرات ٢٠-٤٠ مرة في السنية و ليس مئات المرات )
٣-CBC = cornering brake control ، و دة وظفته إنه يشغل الفرامل أوتوماتيك في الملفات لو حث إن العربية بتلف أكتر من الطبيعي و بيعتبر دة حالة خطيرة يتدخل فيها (oversteering)

و في نظم أكتر من كدة في المواتير الأعلى من 2000cc (يعني هتكون موجودة في ال-330i الجديدة ) ، و لو تحبه نقول هي إيه مفيش مشكلة ، بس أنا قلت دة مش مكانها طالما السؤال على 316i و 320i

ببساطة يا جماعة النظم دي بتتدخل في الحالات الحرجة و مش شغالة عمال على بطال ، يعني دورها في ملف خطر على سرعة علي أو فرملة مفاجئة قوية ، أو عربية مشية على أرض مبللة أو عليها طين أو جليد ، انما على أسفلت عادي و سرعة مناسبة و ملفات مش خطيرة النظم دي مش بتعمل حاجة ، الرك على مهارة السواق ( و هاي دي فلسفة BMW في القيادة انها تديك فرصة للقيادة بحرية و متعة و تلحقك لو مقدرتش تسيطر على العربية أو الموقف )

كلامي على الثبات المقصود بيه إن العربية في السعة بعد ١٥٠ - ١٦٠ بتحس انها خفيفة من أدم و كأن الدركسيون مش ثابت في ايدك ، أو عايز يلعب ، و كأن الكاوتش مش ماسك جامد في الأرض ، خصوصاً الأمامي ، الخلفي ثابت جامد (بس دة عشان وزن العربية من ورا هيكون أكتر دة تخميني لأن العربية دي نسبة توزيع الوزن فيها ٥٠:٥٠ ، و عشان الموتور أدام أخف من المواتير الكبيرة فوق ال-٢٠٠٠ فهيكون ورا اتقل من قدام شوية )
الميجان مش كدة ، الميجان لحد ١٧٠-١٨٠ مبحسش بالإحساس دة ، بعد كدة بيبقوا زي بعض في الثبات الاتنين بيبقوا فيهم قلق :)
و على فكرة كمان فرامل الميجان أقوى شوية من ال 316i ، بس ده تفسيره يمكن عشان الميجان أخف وزن بكتير ( ١٥٠ كلو فرق ).

دي ملحوظاتي مبنية على تجربة ، عشان كدة مش بقرن بعربيات تاني لو مكنتش جربتها كويس .

و على فكرة عفشة ال-BMW أنشف بكتيييييير ، و ده جزء منه راجع لنوع الكاوتش إلي راكب فيها .

**KHALED AYMAN** · 10-11-2008 07:58 PM

الف شكر يا جماعه على المعلومات القيمه دى بجد معلومات حلوه و مفيده و انا فعلا اقتنعت (مع انى مقتنع )ان البى ام 316 او 318 او 330 او حتى 300 بس من غير ارقام ثاااااااااااااااااااااابت ه لابعد الحدود لانها ببساطه المانى و بى ام دبليو.
لو الميجان اثبت منها يبأه الاوكتافيا و الفيكترا ملهومش مثيل.

**farahat** · 10-11-2008 08:50 PM

لو هنتكلم على ال-e90 ، يبقى ترتيب الثبات على السرعة العالية كالآتي من الأثبت للأقل ثبات : فيكترا B > ميجان > Bmw E90
في الملفات الحادة على سرعة E90 > ميجان > فيكترا B
أما عن الأكتافيا مش هقدر أحكم عشان ماسقتهاش على طريق سريع