معناة معنااااااااااااااااه مع معدتى

**sayed.taha** · 16-04-2015 11:42 AM

السلام عليكم

شباب انا تعبان جدا من معدتى من حوالى سنة بيجيلى زى حالة كدا كل اسبوعين والحالة دى تفضل باليومين

والحالة دى عبارة الم رهيب اعلى المعدة فى نهاية القفص الصدرى على طول مع ترجيع وغثيان مستمر واحيانا اسهال

الغريب انى مش قادر احدد الالم دا عبارة عن اية لانة مش مغص هو عامل كدا اكن حاجة قافشة جوا

كنت كشفت بالمنظار وقلى التهابات فى المعدة وارتجاع مريئ وقاولون
وحاجة كدا مش فكرها تقريبا بكتريا الحزونا باين ههههه

وخدت ادوية ومفيش فايدة ودا تكرر من 2 داكاترة ونفس الكلام

الى خت بالى منة انى بتسريح لما احافط على الاكل
لكن لو عكيت فى الاكل زى الفسيخ الى كلتة من يومين الحالى بتجيلى زى النهردة خربان خالص

عايز حد لو ينصحنى بافصل وجبات صحية على المعدة كمان لانى مش عارفها كلها

**hany63** · 16-04-2015 12:23 PM

لازم مسلوق 6 شهور متواصل بدون لخبطة لقمه واحده مش وجبه عشان تبني معدتك من الاول
و بعد كده تبقى حريص في اكلك مدى الحياه مش تقولي فسيخ
لعلمك ان قعدت زمان في الموال بتاعك سنتين لغاية ما جالي اكتئاب بسبب اليأس من الشفا و الحرمان من الاكل لغاية ما فضلت ماشي على نظام المسلوق و الجبنه الملح خفيف و البطاطس المهروسه
بالمناسبه لسه الدور رجع لي بعد 10 سنين بسبب ادوية الغضروف ربنا يسامح الدكتور

**sayed.taha** · 16-04-2015 12:43 PM

المشاركة الأصلية كتبت بواسطة hany63

لازم مسلوق 6 شهور متواصل بدون لخبطة لقمه واحده مش وجبه عشان تبني معدتك من الاول
و بعد كده تبقى حريص في اكلك مدى الحياه مش تقولي فسيخ
لعلمك ان قعدت زمان في الموال بتاعك سنتين لغاية ما جالي اكتئاب بسبب اليأس من الشفا و الحرمان من الاكل لغاية ما فضلت ماشي على نظام المسلوق و الجبنه الملح خفيف و البطاطس المهروسه
بالمناسبه لسه الدور رجع لي بعد 10 سنين بسبب ادوية الغضروف ربنا يسامح الدكتور

اشكرك جدااا ومحتاج نصحتك جدا فى كذا حاجة

هل ينفع انى افطر بطاطس مهروسة وجبنة قريس

واتغدا نفس الاكل بردو بحيث احافط جدا واعيد بناء المعدة زى مبتقول

ثانيا البطاطس والجبنة دول اكلهم باية يعنى افضل نوع عيش اية

**hany63** · 16-04-2015 01:31 PM

المشاركة الأصلية كتبت بواسطة sayed.taha

اشكرك جدااا ومحتاج نصحتك جدا فى كذا حاجة

هل ينفع انى افطر بطاطس مهروسة وجبنة قريس

واتغدا نفس الاكل بردو بحيث احافط جدا واعيد بناء المعدة زى مبتقول

ثانيا البطاطس والجبنة دول اكلهم باية يعنى افضل نوع عيش اية

العيش بلدي و مش اكتر من نص رغيف في الوجبه و لما تجوع ممكن تفاحه متقشره
انا فعلا كنت بفطر و اتعشى جبنه بيضا ملح خفيف و عليهم بطاطس مهروسه بالزيت و الكمون بدون لمون و ممكن بعد مده طويله تدخل بيضه مسلوقه او فول مقشور مضروب في الخلاط عليه زيت زتون و كمون ملح خفيف بدون لمون او شريحة رومي مدخن
الغدا زي ما قلت لك شوربة خضار بصدور الفراخ بلاش لحمه اول شهرين و مكرونه مسلوقه بالميه من غير صلصه

**sayed.taha** · 16-04-2015 01:36 PM

تمام معلش يعنى العيش البلدى افضل من العيش الشامى

**Mohamed_Hamid** · 16-04-2015 02:07 PM

شفاك الله وعافاك

**kh_fawzy** · 16-04-2015 03:10 PM

انت كدة تقريبا عندك الجرثومه الحلزونيه اتعالج منها وكل اللي انت عايزة بعد كدة :)
دة لينك بيتكلم عنها
ما أعراض الجرثومة الحلزونية وما طرق علاجها؟ |اليوم السابع

**marsguy** · 16-04-2015 03:24 PM

السلام عليكم ورحمة الله وبركاته،،،

شفاك الله وعافاك

ممكن تسأل الدكتور عن حساسية القمح أو مرض السلياك

ناس كتير عندهم ومش عارفين

ممكت تقرأ أكتر هنا: داء بطني - ويكيبيديا، الموسوعة الحرة

**mesaharaty** · 16-04-2015 03:29 PM

لا بأس على حضرتك
ولن أزيد على نصائح الزملاء الأعزاء لأن كلها صحيحة
وعن تجربتى :
أكل مسلوق زى شوربة الخضار مثلا بدون ليمون
إشرب لبن رايب كتير وخصوصا على الريق
وهدية ليك كمان متجربة :
تجيب قشر رمان مطحون من عند عطار كويس والصبح تحط معلقة قشر رمان على معلقة أو اتنين عسل أبيض وتاخدهم على الريق وكرر ده لمدة 3 أسابيع مع ضبط الأكل وبإذن الله فيه الشفاء وأنا مجرب الموضوع ده .
الممنوعات :
الأكل المحمر والمسبك والحريف والكثير الملح (فسيخ مثلا) والسلطة الحادقة المشطشطة والجبنة الحادقة والقديمة والبطاطس المحمرة والفلفلوالطعمية .
جرب تكون نباتى شوية وكل خس كتير .
حاول تخلى أكلك بعيد جدا عن التوابل
وده كله بجوار الأدوية اللى بتتناولها يوميا
وألف سلامة على حضرتك