السلام عليكم ورحمة الله وبركاته
عاوز اعرف أحسن سيارة يعتمد عليها
تكون موفره فى البنزين ، قطع غيار بأسعار جيده ، صيانه سهله وقلة أعطال ، ثبات على الطريق ،
انا محتاج سياره لشغلى سفر قليل ، 100 كيلو باليوم متوسط
و سفر كل شهر أنا و وأربع أشخاص أجسام متوسطه وكبيره عاوز عربيه تكون مش تحك فى مطبات مصر
وأهم شئ يكون صيانتها سهله وقطع غيار متوفره ومرتاحه
الميزانيه للسياره 60 الف تقل 10 أو تزيد 5 بالكثر و أنا طول عمرى بسوق مانول بس عاوز أغير لاوتوماتيك علشان الزحمه
الحجات دى عمرها ما هتجتمع فى عربية بالسعر اللى انت كاتبه ده - لازم تضحى - بالتوفيق ان شاء الله
لأ ممكناقتباس:
المشاركة الأصلية كتبت بواسطة ahmedo0o
عربيتي فورد فوكس 1 2005 اتوماتيك
استهلاك بنزين حلو
قطع غيار اغلى حاجة بسيطة اوي عن الكوري و قد اليباني و ارخص من كل الالماني (العربية بالمناسبة انتاج مصنع فورد المانيا و تجميع اسباني) و بمناسبة توافر قطع الغيار الحرفيين ما خلتش حاجة (بالمناسبة برضة معانا عربية بروتون جين 2 بنتعب اكتر في صيانتها و قطع غيارها)
ثبات علي الطريق وهمي (ثبات العربيات بيتقاس على ثبات الفوكس)
لو واخد عربية سليمة مش هتعمل حاجة غير انك تغير زيت و فلتر ( العربية معايا بقالها 8 سنين والحمد لله هو ده اللي انا بعمله بس)
العربية من الداخل وسعها حلو( قاعدة العجلات بتاعتها 2615 مم في حين ان قاعدة عجلات الصني الجديدة 2600 مم بس)
ارتفاعها مناسب و ببقى محمل 5 اشخاص و شنط و ما بتحكش
سيات توليدو 2001 الماني المنشأ ... اتوماتيك ...موتور مشترك مع جولف 4 و البورا و اوكتافيا ... قطع عيار ميكانيكية بالهبل في الحرفين ... الخارجية موجودة بس بيبيعوا اجزاء على بعض يعني لازم وش عربية مش فوانيس... 2 ايرباج ... abs ... كاسيت و تكيف تاتش ... بيعلى و بيوطا مع سرعة العربية الكاسيت طبعا ... شنطة واسعة ... تاخد 3 ورا مستريحين ... شكل طبعا سابق اوانه بمراحل ... الامان ممكن تمشي على 170 او 180 و انت مش حاسس بحاجة ... دا رأيي الشخصي لو حبيت لاي استفسارات انا جاهز
دكتور خالد
المشكلة لو أنا عليت هاتبقى قطع الغيار غالية برده
ibrahiiimooo
شكرا يا ريس على الإقتراح الجميل
العربيه طبعاً من أفخم العربيات عالمياً بس هاسأل على قطع غيارها فى المصنوره عندنا وربنا يجعلنا فى واحده فبريكا بره وجوه نصيب
يعنى إيه أغلى من الكورى قوى ، يعنى قطع غيارها زى قطع غيار اليابانى كدا ولا أغلىاقتباس:
قطع غيار اغلى حاجة بسيطة اوي عن الكوري و قد اليباني و ارخص من كل الالماني
يعنى زى لانسر 2007 كدا ولا أرخص
طبعاً أنا بحافظ على العربيه لو فيه نصيب ومش هاغلط وأركبها لحد وأسيبه يرمح بيها زى ما بعمل وهايبقى معايا واحدا فاهم وإحنا بنشتريهااقتباس:
لو واخد عربية سليمة مش هتعمل حاجة غير انك تغير زيت و فلتر ( العربية معايا بقالها 8 سنين والحمد لله هو ده اللي انا بعمله بس)
بس سؤال أخير ، فوكس 2005 أوتوماتيك ولا رينو 2006 أوتوماتيك
برده من حيث الجوده ورخص قطع الغيار
Mahmoudyoussifاقتباس:
سيات توليدو 2001 الماني المنشأ ... اتوماتيك ...موتور مشترك مع جولف 4 و البورا و اوكتافيا ... قطع عيار ميكانيكية بالهبل في الحرفين ... الخارجية موجودة بس بيبيعوا اجزاء على بعض يعني لازم وش عربية مش فوانيس... 2 ايرباج ... abs ... كاسيت و تكيف تاتش ... بيعلى و بيوطا مع سرعة العربية الكاسيت طبعا ... شنطة واسعة ... تاخد 3 ورا مستريحين ... شكل طبعا سابق اوانه بمراحل ... الامان ممكن تمشي على 170 او 180 و انت مش حاسس بحاجة ... دا رأيي الشخصي لو حبيت لاي استفسارات انا جاهز
شكرا أستاذ محمود على روح التفاعل الجميله
يعنى غاليه ولا رخيصه قطع غيار أصليه مش تقليداقتباس:
قطع عيار ميكانيكية بالهبل في الحرفين
وتكيفها بيبطئ العربيه
يعنى لو لا قدر الله عوزت فانوس أروح أجيب وش كامل ، ، ،اقتباس:
بس بيبيعوا اجزاء على بعض يعني لازم وش عربية مش فوانيس.
شكرا على التفاعل أحبتى " إبراهيم " & " محمود "
جزاكم الله خيراً وربنا يسترها معانا ومعاكم فى طريقنا
لا قطع غيار رخيصة بالنسبة للالماني .... مساعدين امامي الجوز مثلا ب 400 جنيه
الفتيس الاتوماتيك في سكة 2500 ... مقصات 150 .... مكنتها ب 4500 .... العربية 1600 و التكيف ما بيأثرش عليها....اللي فيها ان مثلا لو جبت الفوانيس استيراد ... هيقلك وش كامل بس موجودين جداد ... مثلا كباس التكيف 450
http://static.cargurus.com/images/si...743149841.jpeg
اقتباس:
المشاركة الأصلية كتبت بواسطة Ahmedo0o
يروتون جين2
حبيبىى يا حوده شكراً على سرعه الرد
، بس نسيت أهم جاجه " المرايات " دى أسرع حاجه بتتكسر فى الكبارى ، ، ، الأسعار تمااام قوى وحاجات رخيصه يعنى عندى التكيف العادى بتاع الشقه كباسه بــ 400 جنيه
بس برده سؤال هل فيه صنيعيه كويسين وأسعار التوكيل طبعأ الأضمن بتكون نفس الكلام كدا
هل نفس قطع الغيار ونفس الأسعار ولا إيه
وبرده السعر حاجه بحالتها تعمل كام
ممكن نبذه بسيطه عن السياره وقطع الغياراقتباس:
يروتون جين2
وشكراً
الصنيايعية بتوعها كتير و مرايتها موجودة مش غالية ... التوكيل بصراحة ما اعرفش عنه حاجة
مافيش تحت إيدك حاجه كويسه
ولو عربيه تمااام تعمل كام يا معلم
والف شكر يا أستاذ محمود
وفى إنتظار بدائل للإستقرار
مش للدرجة دي :rolleyes:اقتباس:
المشاركة الأصلية كتبت بواسطة ibrahiiimooo
انا ركتب الـ2007 المانيوال ثاني فئة خليجي الشكل اللي فيها علامه فورد بتتحرك لفتح الكبوت بالمفتاح وكان الثبات مش حلو نهائي !!!!!!
الثبات عمره ما اتقاس على الفورد لعلمك لكن هي عربية حلوه طبعاً بس مش بالشكل اللي متصور ده :)
الواحد بيسمع حاجات اول مرة عن الفوكاس
على العموم تكملة البيانات
زوج كبالن 5000 آلاف جنيه
كاوتشة باور (20 سم) ب 220 جنيه
مسمار لمجموعة الكاتينة ب 70 جنيه وبكرر مسمار
بوجيهات ب 230 جنيه
قطع غيار عن واحد فى التوفيقية وواحد فى مصر الجديدة
تكييف ضعيف
واطية فى المطبات
ثبات ممتاز و قوة موتور ممتاز و قوة خامات ممتازة
اقتباس:
المشاركة الأصلية كتبت بواسطة ahmedo0o
.... جين2 .... من جمالها اللى بيركبها مع حد بيعجب بيها وحابب يشتريها
.... عيوبها دلع .... عفشتها بلا مشاكل خالص ..... وحجاتها معمرة
وهتبقى مبسووط جدا مع سيارة ولا اروع .... وبتتباع فى لحظات
ملاءمة جدا لشوارعنا وحوارينا واقاليمنا .....
ليها شخصية وكاريزما بتخطف العين ومن 2006 ومازالت الى الان .... ببرستيج عالى جدا
جين2
...... واقفة فى طابوور الكبار ....
طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات
مع احترامى الشديد للعربيات اللى الاخوة زكروها - بس انا شايف مبالغة شديدة جدااااااااااااااااا - وكل واحد راكب عربية طالع بيها السماء - ولو الدنيا حلوة كده مكنتش البلد كلها ركبت لانوس و فيرنا و اسبيرانزا و بى واى دى
2CODE
شكرا على المتابعه
أنا صرفت نظر لإن فيها حاجات قطع غيارها مبالغ فيها
شكرا على التفاعل أستاذ أحمداقتباس:
الواحد بيسمع حاجات اول مرة عن الفوكاس
على العموم تكملة البيانات
زوج كبالن 5000 آلاف جنيه
كاوتشة باور (20 سم) ب 220 جنيه
مسمار لمجموعة الكاتينة ب 70 جنيه وبكرر مسمار
بوجيهات ب 230 جنيه
قطع غيار عن واحد فى التوفيقية وواحد فى مصر الجديدة
تكييف ضعيف
واطية فى المطبات
ثبات ممتاز و قوة موتور ممتاز و قوة خامات ممتازة
حضرتك بتتكلم عن الفوكاس ولا عربيه تانيه
carrierاقتباس:
.... جين2 .... من جمالها اللى بيركبها مع حد بيعجب بيها وحابب يشتريها
.... عيوبها دلع .... عفشتها بلا مشاكل خالص ..... وحجاتها معمرة
وهتبقى مبسووط جدا مع سيارة ولا اروع .... وبتتباع فى لحظات
ملاءمة جدا لشوارعنا وحوارينا واقاليمنا .....
ليها شخصية وكاريزما بتخطف العين ومن 2006 ومازالت الى الان .... ببرستيج عالى جدا
جين2
...... واقفة فى طابوور الكبار ....
طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات
شكرا يا معلم على رجوعك للموضوع بس عاوز أعرف أسعار الصانه الدوريه بتاعها بما إنك من ملاكها
مرايات مساعدين كشافات وارا وقدام الكهربا بتاع العربيه أى حد بيشتغل فيها ولا لازم توكيل
وأنا معجب بالهوندا أكورد بتاعك ونفسى بس البلح غالى
دكتور خالداقتباس:
مع احترامى الشديد للعربيات اللى الاخوة زكروها - بس انا شايف مبالغة شديدة جدااااااااااااااااا - وكل واحد راكب عربية طالع بيها السماء - ولو الدنيا حلوة كده مكنتش البلد كلها ركبت لانوس و فيرنا و اسبيرانزا و بى واى دى
أنا معجب بكلام الإخوه والموضوع نقاش لو فيه عندك تجربه مع عربيه فى الفئة اللى أنا عاوزها قولى عليها
علشان يبقى الموضوع مرجع مفيد بلاش تحطم فى الناس اللى بتساعد مقابل دعوة فى ظهر الغيب مش مستنيه منى أشترى عربيتها ولا مستنيه منى مقابل مادى
الجين 2 مليانة عيوب تقفيل وعيوب في الفرامل والكلام عن تجربة موديل 2014
حضرتك شوف باسات 2000. اوكتافيا جولف 4
صني 2006. خليجي
و الله العظيم و الله العظيم انا كاتب المشاركة دي على عينى علشان اكتر حاجة انا بكرها ان الواحد يمجد في العربية اللي هو راكبها لمجرد انها معاه بس برده بيصعب على الواحد ان يتقال كلام عن العربية (اي عربية ) من غير معرفة لمجرد انه "بيسمع" حاجات عن العربيةاقتباس:
المشاركة الأصلية كتبت بواسطة م أحمد
باشمهندس احمد
اولا انا معرفش منين حضرتك جبت ان سعر جوز الكبالن للفوكس 1 5000 جنية لان سعر الكبالن الاصلي للفوكس 2012 اقل من الرقم ده بكتيير و ده رابط لاسعار قطع غيار الفوكس 2012 من التوكيل
http://www.nilemotors.net/Nile/309717-2012.html
و برضه ده لو رقم صحيح فيل ربت حضرتك تقولي اسعار الكبالن الاصلي من التوكيل للبروتون و السيراتو و السيات التوليدو و الانسر و غيرها من التوكيل, يكفي اقول لحضرتك اني مركب كوبلن خارجي شمال صيني معفن ب 140 جنيه بقاله 3 سنين مكحش
العربية ليها قطع غيار جديدة الماني و ايطالي و تركي و صيني برخص التراب و بالمناسبة الكوبلن الاصلي عليه ضمان مدي الحياة طول ما تعمل صيانة منتظمة و بينبص على الكاوتشة بتاعة الكوبلن
البوجيهات الاصلي ب 110 جنيه اللي ب 240 دي البلاتينيوم اللي بتعد 40 الف كم
ما عرفش ايه هو مسمار الكاتينة لان اللي بيغير كاتينة بيغير سير و بلية الشداد بتاع الكاتينة و بيتتباع طقم على بعضة عمرنا ما غيرنا "مسمار كاتينة"
قطع الغيار مالية الدنيا في كل حتة و اسال اي حد راكب عربية فورد بيتعب في انه يجيب قطع الغيار و لا لأ (يا ما لفينا الحرفيين على قطع غيار البروتون الجين 2)
التكييف ضعيف ازاي؟؟؟ الا لو العربية اللي حضرتك ركبتها كان فيها تسريب فريون
قطع الغيار اللى قلتها هى للفورد فوكس سيارة زميلى فى العمل موديل 2006اقتباس:
المشاركة الأصلية كتبت بواسطة ibrahiiimooo
أنا كاتب المشاركة اساسا علشان موضوع تمجيد كل واحد لعربيته و هو مش عارف ان دى شهادة ممكن بسببها غيره يضيع تحويشة عمر بسبب كلمتين
أنا بسمع كلام عن العربية ...لأ.....أنا كنت بروح معاه اشترى قطع الغيار
لما قال لى زوج الكبالن ب 5000 آلاف الاصلى ما صدقتش الرقم اساسا و قلت اجيبهم لك باقل من كدة عن طريق النت و آخد الفارق مهما كان وافق (هو اكبر منى ب بحاجة و عشرين سنة) دخلت فعلا لقيت العملية تقربا بعد الشحن و العمولات محصلة بعضها
البوجيهات الاصلية للموديل دا مكتوب على العلبة فورد من محل عند بتاع المبردات فى شارع الجلاء ظهر جمعية الشبان المسلمين
حضرتك بقول عمرك ما سمعت عن مسمار كاتينة بس دا كلام زميلى المسمار بيقفل على رجلاش للبلية و العامل معانا فى المكتب بيشهد على ثمنه و العربية ما فيهاش ضبط تقسيمة ساعة تغيير السير و لو فكيت المسمار دا بيتلف و دا السر فى سعره المبالغ فيه زى بقية قطع الغيار المولعة
للاسف كلامك فكرنى ببقية قطع الغيار اللى اضطر يغيرها
زيت فتيس ب 1200 جنيه (للبيجو ال 406 2000 سى سى 500 جنيه و للرينو 120 جنيه نفس موديل هذه السنين ) الفتيس له فلتر بيتغير و متركب مغناطيس تحت علشان الرايش
طلمبة بنزين اصلية ب 2500 جنيه و استيراد 1800
بادج الفورد ب 250 جنيه اللى على الشنطة
جوز مرايات أجناب ب 2500 جنيه او 3000 مش فاكر - صينى بغماز جانبى الجوز ب 1200
مقبض الباب مالقهوش جديد
عقربة فتيس (حتة كارتة كمبيوتر) عند اكرم جروب لما كان ماسك التوكيل ب 4000 آلاف جنيه
قطع الغيار عند بدروسيان فى التوفيقية و محل فى مصر الجديدة و اكرم دا كان شماط
تيل امامى اصلى مش فاكر ب 600 او 850 جنيه
ليه يعنى كل دا لعربية موديل 2006
لما نزل اعلان للعربية 3 اتصلو بيه
انا لما قيمت العربية ذكرت نقاط القوة فيها بجانب نقاط الضعف و دا اللى حبيته يكون فى رد حضرتك
و اخيرا زميلى بعد ما جاب جوك 2014 بيتحسر على الفورد دى لمتانتها و بيتمنى لو كان لحق عروض الفطيم الوكيل الجديد على العربية
بص يا سيدياقتباس:
المشاركة الأصلية كتبت بواسطة م أحمد
بالنسبة لزيت الفتيس كلام حضرتك مظبوط تماما لان سعره كان غالي جدا ايام فكري ما كان ماسك التوكيل دلوقتي رخص كتيير بالمقابل زيت الفتيس للفورد ارخص من الزيت الاصلي لباقي العربيات الالماني باستثناء الاوبل يعني ارخص كتير من الزيت الاصلي لفتليس مجموعة الفولكس كلها و بالمقابل فتيس من غير اي مشاكل طوال فترة تشغيلة طول ما بيتحطله الزيت الاصلي مش زي فتايس الرينو و البيجو 406 اللي هتوفره على الزيت حتصلح بيه الفتيس
النقطة التانية ان كل اللي حضرتك ذكرته دي اسعار قطع الغيار الاصلية بسعر الوكيل "الشماط" بس ياريت حضرتك تقولي اسعار قطع غيار البيجو 406 في التوكيل كام و نقارنها بالفورد
الخلاصة ان اسعار قطع الغيار الاصلية من التوكيل اكيد غالية و ده مش في الفورد و بس ده في كل العربيات لكن الفوكس النهارده زي ما قلت ليه قطع غيار الماني و ايطالي و تركي و صيني برخص التراب و كمان اسعار الاستيراد قليلة اللي حايقول على قطع غيار الفورد غالية ياريت يقولنا على اسعار قطع غيار عربيته من التوكيل عامله ازاي و نقارنها ببعض
أنا سعيد جدا إن فيه تفاعل ربنا يجزيكم الف خير وينجينا من كل شر
انا بشكرك يا باش مهندس على الكلام دا ويا ريت كل اللى بينصح زيك كدااقتباس:
أنا كاتب المشاركة اساسا علشان موضوع تمجيد كل واحد لعربيته و هو مش عارف ان دى شهادة ممكن بسببها غيره يضيع تحويشة عمر بسبب كلمتين
ربنا يصلح حالك
الفورد عربيه جميله مافيش كلام ، شوفت تقرير الفوكس 2015 ايه الكماليات والفخامه دى كانك راكب اباتشى موديل 2020
بجد من اعلى الفئات اللى شوفتها بعد الكرولا 2015 أعلى فئة ، ويليهم الهوندا سيفيك وسيتى من حيث الفخامه
الوقتى يا باش مهندس أحمد & أستاذ إبراهيم
تنصحونى بفوكس ، مع إنى عاوز حاجه عاليه علشان لما أركب حد تقيل معايا واالمطبات ماتحكش فى العربيه والكبالن يحصلها حاجه العجل يروش معايا
أنا عامة ركبت لانسر 2008 هيا عامة واطيه بس لما كنت أركب الحمل التقيل ورا و بوز العربيه ينرفع شويه كدا بحس بثبات المرسيدس
فى إنتظار إقتراحات
أنا شوفت أسعار 2012 غاليه قوى
هى 2006 هاتبقى غاليه كدا ولا إيه النظام برده
الكورولا - اللانسر - الاوبترا - الكيا - الهيونداى
اللانوس - الفيرنا
الالمانى و الاوربى عموما اداء كويس و صيانة مش سهلة
هو ده الوضع فى مصر
شوف نيسان صنى اوتوماتيك
شكرا مهندس احمد ، ايه رايكم فى الرينو 2012 او 2011 بـ 55 الف بحالتها مانويل