ارجوا المساعدة في شراء سيارة فورد تورس 97

**e.aymanaly** · 18-04-2015 04:27 AM

انا معروض عليا عربية فورد تورس موديل 97 بصراحة العربية تحفة في كل حاجة الصالون الفرش الكمليات
المشكلة الوحيدة انها محتاجة جير بوكس لان صاحبتها ركنتها اربع سنيين من غير استعمال دا غير ان رخصتها منتهية من 4 سنين و مش عارف تكلفة الترخيص بتعها كام و كمان اكتشفت ان موتورها 3000 سي سي v6 و طبعا التكييف عايز يتشحن افيدوني يا اهل الفورد هل ممكن الاقي قطع غيار ليها في اسكندرية ولا صعب و كمان ممكن تتحول لغاز طبيعي ولا لا و لو حد مجرب العربية دي ياريت يفدني بخبرته

**Abo_Mazen** · 18-04-2015 09:30 AM

فورد وفي إسكندرية ؟؟؟!!!وكمان تورس
ياراجل ده اللي راكب فورد في إسكندرية عارف زوانيقها اللي بيجيب منها حاجتها وبتكون حاجه مشهوره شوية ..يعني زي الفييستا مثلا ..حضرتك عايز تجيب فورد تورس وتلاقي حاجتها وفي إسكندرية ..وكمان تلات تلاف سي سي ..يعني العربيه هتتعب عشان تلاقي حاجتها وكمان هتدفع قد كده في المرور ..وبعدين معلش ..إيه علاقة ركنة العربيه بالفتيس اللي باظ ...يعني إيه اللي جاب القلعه جنب البحر ..؟؟؟

**e.aymanaly** · 18-04-2015 02:09 PM

المشاركة الأصلية كتبت بواسطة m_m_sh_a

فورد وفي إسكندرية ؟؟؟!!!وكمان تورس
ياراجل ده اللي راكب فورد في إسكندرية عارف زوانيقها اللي بيجيب منها حاجتها وبتكون حاجه مشهوره شوية ..يعني زي الفييستا مثلا ..حضرتك عايز تجيب فورد تورس وتلاقي حاجتها وفي إسكندرية ..وكمان تلات تلاف سي سي ..يعني العربيه هتتعب عشان تلاقي حاجتها وكمان هتدفع قد كده في المرور ..وبعدين معلش ..إيه علاقة ركنة العربيه بالفتيس اللي باظ ...يعني إيه اللي جاب القلعه جنب البحر ..؟؟؟

اولا شكرا اوي لرد حضرتك انا عارف ان العربيات الفورد قليلة في قطع الغيار بس انا معنديش مشكلة اني اجبلها حلجنها من القاهرة و كمان هي عجباني عشان امركاني و انا ليا صحاب عيشيين في امريكا ياعني لو في حاجة مش موجودة اوي ممكن يبعتوها من هناك انا بسأل بس عن تكلفة الضريبة السنوية و معلومات اكتر عن اماكن قطع الغيار سواء بقي في اسكندرية او القاهرة او حتي بورسعيد

**e.aymanaly** · 18-04-2015 02:11 PM

فين رجالة الفورد عايز حد يشجعني اصل العربية تحفة و كمان مميزة جداً

**EgyArmy** · 30-05-2015 03:07 PM

و دى بكام دى يا رجاله دى لان اسعارها مش مستقرة

**egytamer** · 31-05-2015 11:06 AM

ابعد عن العربية دي لانها كلها مشاكل مقصدشي التورس اقصد العربية نغسها علشان موضوع الترخيص المنتهي من 4 سنين والجير البايظ واعتقد هتلاقيها كلها تعبانة وهتصرف عليها فلوس كتير جدا علي الفاضي