جميع المصريين بالداخل والخارج سيحصلون على أسهم مجانية

**ecybrarian** · 11-11-2008 10:28 AM

يبدو إن الحداية هاترمي كتاكيت..إللي فاهم حاجة من الكلام ده يفهمني
==========
جمال مبارك: جميع المصريين بالداخل والخارج سيحصلون على أسهم مجانية فى شركات القطاع العام

كتب محمود محمد وريم ثروت ١١/ ١١/ ٢٠٠٨أكد جمال مبارك، الأمين المساعد للحزب الوطنى، أمين السياسات، أن جميع المواطنين المصريين ممن تعدى عمرهم ٢١ عامًا سواء المقيمون بالداخل أو الخارج، سيستفيدون من صك الأسهم المجانى ضمن مشروع المشاركة الشعبية فى إدارة أصول الدولة.
موضحًا أن المشروع يهدف إلى الكفاءة الاقتصادية للشركات والحفاظ على حقوق العمال، وتوزيع حزمة من الأسهم المجانية للمواطنين وخلق كيانات جديدة مثل صندوق الأجيال القادمة وجهاز إدارة الأصول المملوكة للدولة.
وأشار جمال خلال المؤتمر الصحفى الذى عقده، بمشاركة د. محمود محيى الدين، عقب اجتماع المجلس الأعلى للسياسات أمس، إلى أن هناك أفكارًا بحظر بيع الصك لمدة عام، لكن تم رفضها لأن هناك تجارب عديدة تؤكد أنه سيتم التحايل على هذا الأمر، نافيًا وجود أى سيطرة للمستثمرين بعد ذلك، حيث يتم وضع ضوابط للشراء من المواطنين، وأضاف أن هناك مشروع قانون سيتم إعداده لهذا الأمر سيتم الحوار حوله.
من ناحيته أكد د. محمود محيى الدين، وزير الاستثمار، أن الصك سيتاح لمدة سنة للمواطنين لصرفه، وإذا تقاعس أحد عن الصرف ستتم إحالة قيمته إلى صندوق الأجيال المقبلة، الذى ستستخدم عوائده فى الإنفاق على التعليم والصحة ورعاية الموهوبين، موضحًا أن الصك سيتاح للمواطنين عبر مكاتب البريد، وشركات التأمين والبنوك وفروعها، بالإضافة إلى المكاتب التابعة للدولة، لكنه لن يكون له بدل فاقد.
ونفى محيى الدين، أن تكون قيمة الصك ٢٠٠٠ جنيه للمواطن، قائلاً: لا يمكن تحديد قيمته إلا بعد عملية الطرح، ثم قال: «الصك يستاهل..وسيكون مبلغ محترم للأسرة».
وشدد وزير الاستثمار على أن هذا المشروع يتم الإعداد له منذ ثلاث سنوات بمشاركة ٣٢ خبيرًا حكوميًا، و١٢ من غير الحكوميين، وسيتم تنفيذه خلال عام، وشدد على أن أى جهة تريد شراء الصكوك من المواطنين عليها مراجعة الهيئات الرقابية أولاً إذا زادت نسبتها على ٥٪ ، وأوضح أنه سيتم تحديد رسم للتداول، عبارة عن نسبة من الفرق بين سعرى الشراء والبيع، سيدخل الموازنة العامة.
وأوضح محيى الدين أن المشروع عرض على بعض ممثلى العمال ولاقى قبولهم، وأن هناك ضوابط للحفاظ على حقوق العاملين.

==============
المصدر
جريدة المصري اليوم (11/11/2008)
http://www.almasry-alyoum.com/articl...ticleID=186055

**محمد عز** · 11-11-2008 12:27 PM

إللي فاهم حاجة من الكلام ده يفهمني

ويفهمنى انا كمان

**elassar2010** · 11-11-2008 12:36 PM

ويفهمنى انا كمان
هو تقريبا هيديك سهم ويفلس ويخليك تدفع لحد متسدد ديون الشركة:k5::k5:

**fady.bekatcho** · 11-11-2008 12:50 PM

لا سعادتك انا حضرت حلقة البيت بيتك امبارح مخصوص علشان الحكاية دى

هو هيقوم بتوزيع اسهم شركات مصرية على المواطنين بالمجان من غير ما تدفع ولا مليم احمر

الشركات عددها متقسم 153

وهما مقسمينها 4مجموعات باين

اول مجموعة مش هيتوزع منها حاجة لانها شركات استثمارارية ورابحة جدا زى ما فهمت

زى قناة السويس ومياة الشرب والسكة الحديد

المجموعة التانية

الحكومة هتحتفظ بنسة 67% من اولها وهتوزع الباقى على المواطنين

لانها شركات رابحة فلازم الحكومة هيا الى تكون مسئولة عن الشركات وهيا الى تتحكم فى مستقبلها وقرارتها

المجموعة التالية

الحكومة هتحتفظ بنسبة 51%
وتوزع الباقى على المواطنين

علشان برضوا تتحكم فى قرارات الشركات

وفى مجموعة تانية

هتبقى الحكومة محتفظة بنسبة 30 % وتوزع الباقى

وهيبدا تنفيذ الحكاية دى

بعد عرضة على مجلس الشعب والشورى والموافقة علية وتحديد معاد تنفيذة

والمواطن هو الى يروح يقدم طلب بحقة فى الاسهم علشان ياخدها

ومدينة مهلة 12 شهر من بدا تنفيذ القرار

يعنى بعد تحديد معاد تنفيذة من مجلس الشعب مش من دلوقتى

والى يعدى علية سنة وما يقدمش الطلب يروح حقة

وتتحول الاسهم بتاعتة لصندوق الشباب

دا صندوق جديد عملينة علشان تطوير الخدمات للشباب من رعاية صحية وتعليم والخ الخ

النسب بقى الى هيا 30% فى اخر مجموعة دى ارباحها هتروح برضوا لصندوق الشباب

صندوق الشباب دا معمول فى دول كتير

ومنها الامارات

وهما قالوا رقم مهول عن الفلوس الى فية فى الامارت

صندوق الشباب فى الامارات يحتوى على تريلون

عقبالنا يا رب

ولو فى حاجة مش فهمنيها قولوا وانا اشرحها على قد ما اقدر

**fady.bekatcho** · 11-11-2008 12:52 PM

نسيت اقول حاجة

اللاسهم الى هتاخدها ارباحها مش هتبقى كتير

يعنى اخرها 500 او 700 جنية زى ما الوزير قال امبارح

علشان على راية ما حدش يقول دا انا هجوز بنتى بيها او هفتح مشروع وكدة

**fady.bekatcho** · 11-11-2008 12:58 PM

وهيتم توزيع المبالغ كالتالى

حوالى 8 مليون بيشتغلوا تبع الحكومة

هتصرف الارباح مع المرتب حسب ما فهمت

وحوالى 12 مليون معاشات

هتسرف ارباحهم مش المعاشات برضوا

وال 20 مليون الى باقين

هيبقى فية اماكن صرف مختلفة تبع البريد المصرى وهيئة التضامن وافرع كتير على مستوى الجمهورية يقدروا يصرفوا منها

والصرف هيبقى عن طريق بطاقة غير قابلة للتزوير زى الفيزا يعنى كدة

ونقطة ال5 % الى فى الموضوع

ان ممكن واحد يقلك انا هجمع اسهم شركة معينة علشان يبقى يا نصيب كبير فيها وليا نسبة فى التحكم فى الشركة

ويلفويشترى اسهم شركة معينة واحدة مع العلم ان كل المصرين هيبقى ليهم نسب فى كل الشركات

يعنى مثلا مش انا فى شركة النسيج وواحد فى شركة الاسمنت

لا هيبقى ليا فى الاتنين فى وقت واحد

المهم لو واحد جمع اسهم

اول ما يجى ويوصل لنسبة 5 % من اجمالى اسهم الشركة لازم يبلغ مش عارف جهاز اية كدة علشان يدولوا اذن باين يشترى اسهم تانى

ولو وصل ل 10 % وما بلغش هيبقى لازم يتنازل فورا عن الاسهم الى معاة وينزل 5 % تانى

**A_H_M_A_D** · 11-11-2008 01:06 PM

يعني خلاص حاتفرج و تبقى فل و مش حانعرف نودي الفلوس فين:wacko:

**H.ibrahim** · 11-11-2008 01:18 PM

عشم ابليس فى الجنة

**fady.bekatcho** · 11-11-2008 01:19 PM

مش للدرجة الى انت متخيلها دى على فكرة

لان زى قلت العائد هيبقى حوالى 500 او 700 جنية بس

لان حوالى 41 مليون واحد مشتركين معاك فى كل شركة فالربح مش هيبقى كبير اوى