فتحه سقف للادا ؟؟

**M o H a M e D** · 18-04-2015 03:47 PM

تتكلف كام تقريبا وحد يعرف حد من الاسكندرية يعملهالى نضيف

**Abo_Mazen** · 18-04-2015 04:16 PM

رأيي الشخصي ..ومن تجارب الآخرين ..مفيش حد في إسكندرية ولا غير إسكندرية هيعملها صح ..ليها مزاريب وليها مصارف مياه وقصة وحوار ..لو تلاقي سقف كامل بالفتحه فبريكه ..يبقى أحسن ..لو مفيش ..يبقى رأيي ..إخلع من الشوره دي ..هتفتح معاك في بارومة في السقف ومووايل..واللي عاملينها سواء في اللادا أو ال 128 عاملينها كده ..شغل بلدي مش على أصوله ..لإن ده مش الفبريكه بتاع العربيه أصلا ..إلا لو ليها سقف فبريكه تجيبه على بعضه أحسن ..شوف حاجه تانيه روش بيها العربيه أحسن من كده

**M o H a M e D** · 18-04-2015 04:57 PM

المشاركة الأصلية كتبت بواسطة m_m_sh_a

رأيي الشخصي ..ومن تجارب الآخرين ..مفيش حد في إسكندرية ولا غير إسكندرية هيعملها صح ..ليها مزاريب وليها مصارف مياه وقصة وحوار ..لو تلاقي سقف كامل بالفتحه فبريكه ..يبقى أحسن ..لو مفيش ..يبقى رأيي ..إخلع من الشوره دي ..هتفتح معاك في بارومة في السقف ومووايل..واللي عاملينها سواء في اللادا أو ال 128 عاملينها كده ..شغل بلدي مش على أصوله ..لإن ده مش الفبريكه بتاع العربيه أصلا ..إلا لو ليها سقف فبريكه تجيبه على بعضه أحسن ..شوف حاجه تانيه روش بيها العربيه أحسن من كده

فعلا كذا حد نصحنى وقالى نفس الكلام طيب لو عملت طارة سبور تنفع مع اللادا ولا لا

**Abo_Mazen** · 18-04-2015 06:21 PM

المشاركة الأصلية كتبت بواسطة m o h a m e d

فعلا كذا حد نصحنى وقالى نفس الكلام طيب لو عملت طارة سبور تنفع مع اللادا ولا لا

آه ..كده ماشي ..دي تنفع وشفتها كتييييييير قوي كمان ..وشكلها كمان بيبقى حلو..وخصوصا المتحلية بطبقة زي الخشب كده ..بس في ناس بتقول الطاره الصغيره مع تقل الدريكسيون بتاع اللادا بيغيظك ويحسسك بتقل الدريكسيون ..لو الحته دي مش فارقه معاك خلاص ..روش وحط طاره سبور ..وبعدين في حلية للشكمان بتتحط بتدي شكل جميل للشكمان ..بس بلاش ديفل ..وفيه كمان إسبويلر بيبقى شكله تحفه ..بس ما تجيبش العالي قوي ..في حاجه كده إرتفاعها وسط ورايقة وحلوة ..وياسلام بقى لو حتتين ملستيك بطول العربيه كده كلها ..وجرايد عريضه ..وخلي بالك الداير بتاع العجل بيدي شكل جميل للعربيه دي ..ولو تحط على القزاز الخلفي شماسه بليدات تبقى جميلة ..والطابلوه بقى ياخد فرش فرو كده ..بلاش تجلد الطابلوه ..طابلوه اللادا أصلا فقير وعايز عايزه تنفخه ..عشان كده الفرش الفرو بيخليه ينطق ..وتحط حلية فتيس ..مع الطاره الإسبور تبقى جامده ..