اقتباس المشاركة الأصلية كتبت بواسطة mahmoud naguib مشاهدة المشاركة
وهي الحكومة حضرتك لي متحطش قوانين صارمة على كل مخالف
وترشق شرطة ف كل حتة بدل ما هما قاعدين مبيعملوش أي حاجة
أي حد يسرق أي صناديق زبالة يتنش 3 سنين سجن
أي حد يمشي مخالف يتنش غرامة وسجن
أي حد يركن صف تاني عربيته ميشوفهاش تاني
أي حد يتخانق يزعق يرمي زبالة غرامه وحبس !!
يلغوا الدعم تدريجيا ويزودوا المرتبات
يفرضوا غرامات وضرايب حقيقية ويساعدوا الفقراء
مشاريعهم تبقى بجد متبقاش وهم !
ياخدوا أطفال الشوارع يعملولهم أماكن إيواء ويعلموهم صنعة يكسبوا منها

كل حاجة بتبدأ من الحكومة والدولة لو في حكومة صارمة وقوانين قوية واللي يخالف يتحط عليه الكل هيمشي زي الألف !!
بس الحكومة أساسا يعني من مصلحتها الهرجلة والزحمة والحوادث والمشاكل والصراعات !
علشان المواطن الغلبان يتلهي فيها وينسى انه بيسرقوه !!

اللهم أخرجنا من هذه القرية الظالم أهلها
علي كدا مصر كلها حتبقي في السجن
مهو اخلاق الناس كلها زفت وكمان لازم يبقي لكل مواطن ظابط ماشي وراه علشان يطبق القانون علشان يمشي زي الالف
ضمير الانسان يا استاذي الفاضل هو اللي بيطبق القانون , غير كدا القانون عبارة عن حبر علي ورق واي حكومة في العالم مش حتقدر تعمل اللي سياتك بتقول عليه لازم يبقي في اخلاقيات عند الناس .
اما بقي الكلام اللي انا علمت عليه بالازرق في مداخلتك اللي فاتت , دا يثبت كلامي ان حضرتك بتعلق فشلك علي الحكومة علشان ترتاح .
والناس اللي مش عجبها كلامي وبتقول عليه فزلكه ,اكيد دي اول ناس بتكسر القوانين واول ناس بتمشي عكس واول الناس اللي بتركن صف تالت ولما تيجي تكلمهم تقلهم ابدأوا بنفسكم يقلك خلي الحكومة الاول تعمل قوانين تمشي علي الكل .
والنوعية دي هي سبب من اسباب تخلف البلد , لانها دايما تقلك اشمعنا انا
اجبلك من الاخر علشان تنجح في حياتك
ابعد عن طريق القطيع واصنع طريق خاص بيك , صدقني حتوصل