رجاااااااااء انا فى أمس الحاجة للمساعدة

**amr fahmy 06** · 18-04-2015 06:45 PM

السلام عليكم
نوع السيارة :اوبل كورسا 95
المشكلة: الدينامو قطع
لحد كده الموضوع سهل جدا
رحت لواحد كهربائى وكان عنده الدينامو , قولتلو شيل وحط
فعلا شال وحط وهو بيوصل البطارية فى حاجة لمست معاه (تقريبا عكس الارضى والكهرباء)
المهم دور العربية مبتدورش (الرشاش مبيبخش بنزين ولا الموبينة بتطلع كهرباء)
بعد يوم كامل بيفر فى كل ضفيرة الكهرباء قالى ده كنترول
جبت الكنترول , وابتدى الرشاش يتشغل بس لسه الموبينة واقفة فجبت موبينة تانية ودارت العربية الحمد لله

التوابع بقى : 1- لمبة ال(chk) بتنور وتطفى معايا وانا ماشى
2-حاجات فى الكهربا مش شغالة زى الكاسيت والنور (سهلة)
3- المشكلة بقى , العربية بتسخن جاااامد !!!!!! بصيت على المروحة مش شغالة , عملتلها قفلة تشتغل علاطول مع الكونتاكت برضو بتسخن بس ببطء رغم ان المروحة شغالة علاطوووول حجنن واعرف سبب السخونة وبصيت على المياه مظبوطة

**Abo_Mazen** · 18-04-2015 08:34 PM

كهربائي كلب ..ده أولا ...
ثانيا ..الكنترول اللي حضرتك جبته على حسابك ولا دفع معاك فيه ؟؟؟
ثالثا بقى وده المهم ..واضح إن الكهربائي الحمار عمل حاجه غلط وفيه حاجه ملمسه وهي اللي بتسخن المكنه ...خلى بالك ..كابل الأرضي لو ضعيف المكنه تسخن ...لو في سلك كهربا لامس في البلوك يسخن المكنه ..خلى كهربائي نضيف يفنطلك الضفيره دي كلها تاني ويشوف العك اللي الحمار الكهربائي عمله عشان العمليه ما تدخلش معاك في مشكلة ميكانيكا وجوان وقصه

آسف على الألفاظ ..بس لو تعرف أنا عانيت قد إيه من غباء وجهل وتخلف وعند ميكانيكي ما بيفهمش ومش عايز يفهم ومش هيفهم ..هتعذرني ..أنا آسف على الألفاظ مره تانيه ..بس أصل أنا متغاظ قوي من اللي حصل معاك ده ..أصل كنت في موقفك ده في يوم من الأيام ..بس الحمد لله الموضوع ما وصلش معايا لكنترول عربيه

**memo_p910** · 19-04-2015 12:26 AM

أنا متعاطف معاك جدا
احنا في مصر اي حد بيشتغل اي حاجه مفيش اي ظوابط ولا مواصفات قياسيه يعني مثلا ممكن تلاقي حمار حقيقي بيشتغل كهربائي ممكن تلاقي دجال وشغال دكتور

اولا لازم الكهربائي ده يدفع تمن غباءه
ثانيا اطلع على حد متخصص في الاوبل لان كهربة العربيه دي مش سهله وعايزه حد حافظها