محتاج المساعدة فى شراء جنط حديد لادا 2107

**rockfire84** · 19-04-2015 02:40 PM

يا جماعة عربيتى لادا 2107 وعندى رفة فى الجنط الى راكب فى العربية ومحتاج اشترى واحد جديد بس اهم حاجة يكون كويس بس المشكلة انى اول مرة اشترى ومش عارف المقاس والسعر وموجود فين هل موجود فى المركز الروسى الدولى فى التوفيقية ولا فين ارجو المساعدة

**abokoko** · 20-04-2015 11:41 PM

حضرتك ذكرت اماكن البيع المعروفه
المقاس هما عارفينه كويس
13
اعتقد هتلاقي انواع متعددة
غالبا هتلاقي روسي واوروبي زى بولندى او يوغسلافي وهتلاقي امريكا اللاتينيه برازيلي او ارجنييني
عن نفسي لو لقيت الانواع دى هشتري برازيلي
على فكرة مؤخرا
فى شركة روسي بيشكروا فى منتجاتها بس مش عارف منزله جنوط او لا
اسمها - بلماج -

فى انتظار نقل تجربة حضرتك

**ahmscu** · 21-04-2015 02:19 AM

كل اللى فى التوفيقيه صينى ب 135 وحتى اللى فى المركز الروسى برضه صينى،انا لفيت كتير ،فيه واحد بيبيع مصرى فى التوفيقيه اسمه ميدو شبرا ب165 وفى روسى ب 175 فى شركة الرحاب فى امبابة ورا المطبعه

**rockfire84** · 21-04-2015 11:07 AM

المشاركة الأصلية كتبت بواسطة ahmscu

كل اللى فى التوفيقيه صينى ب 135 وحتى اللى فى المركز الروسى برضه صينى،انا لفيت كتير ،فيه واحد بيبيع مصرى فى التوفيقيه اسمه ميدو شبرا ب165 وفى روسى ب 175 فى شركة الرحاب فى امبابة ورا المطبعه

طيب انت اشتريت المصرى ولا الروسى هل المصرى كويس وفين ميدو شبرا بالتحديد
ومعلش حاجة تانى لو اشتريت من امبابة اروح المطبعة دى ازاى فى عربيات امبابة عند مترو البحوث ممنك تروح هناك

**rockfire84** · 26-04-2015 01:13 PM

المشاركة الأصلية كتبت بواسطة ahmscu

كل اللى فى التوفيقيه صينى ب 135 وحتى اللى فى المركز الروسى برضه صينى،انا لفيت كتير ،فيه واحد بيبيع مصرى فى التوفيقيه اسمه ميدو شبرا ب165 وفى روسى ب 175 فى شركة الرحاب فى امبابة ورا المطبعه

انت تقصد المطبعة الاميرية ولا فى مطبعة تانى وياريت لو فى نمرة تليفون

**ahmscu** · 26-04-2015 04:39 PM

انا جبت ال2 وال2 كويسين الصراحه محستش فرق كبير غير ان الروسى تقفيله انضف شويه،ميدو شبرا ادام سنترال رمسيس ومشهور هناك ،والتانى خلف المطبعه الاميرية وماعرفش المواصلات الصراحة لانى رحت بالعربية

**mossallem** · 26-04-2015 07:38 PM

السلام عليكم
ده رقم ابو رحاب اللي في امبابه
01005300201
37145871
العنوان مدينه العمال خلف المطبعه الاميريه بلوك 5 رقم 32 وبجوار الورشه الوطنيه للجيش
ولو حضرتك عايز تروحله من البحوث الافضل تتمشي لغايه كوبري الدقي وتركب عربيات امبابه نفق
وتنزل الاخر وتركب توكتوك وتقوله ورا المطبعه 3 ج وانت راجع توك توك للنفق واركب من هناك جيزه دقي بس الاول اتصل اساله وربنا معاك

**gomaaa** · 27-04-2015 08:16 PM

انا كان عندي جنطين اتعوجوت من طوبه ع الطريق ااسريع ... فالعربيه بقت ٣ جنط بشكل و ٢ بشكل تاني ! .. فهل ينفع ابيع ال٣ جنط القديمه ؟؟ في محلات بتشتريهم ؟؟ هما الي جايين مع العربيه من سنه ٩٤ .. روسي طبعا ... مع العلم ان فيهم حتت فيها صدأ من بره كده

**rockfire84** · 28-04-2015 12:59 PM

المشاركة الأصلية كتبت بواسطة mossallem

السلام عليكم
ده رقم ابو رحاب اللي في امبابه
01005300201
37145871
العنوان مدينه العمال خلف المطبعه الاميريه بلوك 5 رقم 32 وبجوار الورشه الوطنيه للجيش
ولو حضرتك عايز تروحله من البحوث الافضل تتمشي لغايه كوبري الدقي وتركب عربيات امبابه نفق
وتنزل الاخر وتركب توكتوك وتقوله ورا المطبعه 3 ج وانت راجع توك توك للنفق واركب من هناك جيزه دقي بس الاول اتصل اساله وربنا معاك

انا متشكر ليك جدا على المساعدة انا اشتريت الجنط بس عندى مشكلة مع باقة الجنوط العربية كانت مركونة فترة فحصل ن جنوط العربية بقت مصدية بس ماشية كويس مركب عليها كوتش جديد فهل ممكن امشى عليها عادى ولا دة ممكن يعمل مشكلة وهل الجنوط الحديد أحسن ولا جنوط اسبور احسن

**mossallem** · 28-04-2015 04:52 PM

المشاركة الأصلية كتبت بواسطة rockfire84

انا متشكر ليك جدا على المساعدة انا اشتريت الجنط بس عندى مشكلة مع باقة الجنوط العربية كانت مركونة فترة فحصل ن جنوط العربية بقت مصدية بس ماشية كويس مركب عليها كوتش جديد فهل ممكن امشى عليها عادى ولا دة ممكن يعمل مشكلة وهل الجنوط الحديد أحسن ولا جنوط اسبور احسن

السلام عليكم
اولا لا شكر علي واجب
ثانيا انا من رايي انك تروح لواحد بتاع كاوتشات بس تكون تعرفه او تثق فيه وتخليه يبصلك ع الجنوط
لو قالك حلوه يبقي خلاص
ولو قالك وحشه غيرها
ولو في مقدرتك انك تجيب سبور هاتهم شكلهم احلي طبعا
وربنا معاك