تكتكة فالعربية ياريت لو حد عندو تفسير

**احمد المتيم** · 19-04-2015 10:27 PM

السلام عليكم
معايا نيسان التيما 2008
المشكلة ان العربية لما بتبدأ تتحرك لقدام من غير مدوس بنزين بيظهر صوت تكتكة تزيد سرعتها مع سرعة العربية وتقل لما تقل سرعة العربية بحس انو تحت الكرسي وفعصاية الفتيس والدركسيون وحتى فدواسة البنزين ولما ازود بنزين يختفي الصوت وبعد متعدي سرعة 20 مثلا بيختفي الصوت
غيرت كرسي القير وكراسي المكنة وغيرت الكبالن وشيكت عالبلي العجل ومفيش فايدة
وساعات ميظهرش وخصوصا لما اوديها ورشة هههههه
مع العلم انو مبيظهرش نهائي لما برجع لورا
العربية اوتوماتيك وجير cvt
والصوت تقريبا جاي من تحت المكنة
ورحت لواحد شافها والحمد لله طلع الصوت وقال يمكن ويمكن ويمكن عرفت انو معندوش حل
ياريت لو حد قابلو حاجة زي كده يقولي

**Abo_Mazen** · 20-04-2015 02:26 PM

الصوت بيظهر وهي العربيه على وضع المور..أو على وضع الحياد ..ولا مرتبط بدوران العجل

**احمد المتيم** · 20-04-2015 03:18 PM

المشاركة الأصلية كتبت بواسطة m_m_sh_a

الصوت بيظهر وهي العربيه على وضع المور..أو على وضع الحياد ..ولا مرتبط بدوران العجل

اشكرك اولا على الرد قبل اي حاجة
لا يظهر على المور ولا على الرجوع للخلف
فقط عند السير للامام وبسرعة بطيئة ويختفي لما ادوس بنزين او تزيد سرعة العربية
وبحس بيه تحت رجلي وتحت الكرسي وبتزيد سرعة التكتكة مع زيادة سرعة العربية وبعد كده بتختفي
ولما تمشي بيها ربع ساعة ولا حاجة مبيجيش تاني الا لو ركنت العربية ساعة او اتنين

**Moe86** · 20-04-2015 05:01 PM

ظلطه فى العجل ؟ أو الافيز اللى ماسك الطاسات (لو عندك) ؟
أو جزء من الاكصدام الامامى او الخلفى سايب و بيخبط فى الارض/العجل

**Abo_Mazen** · 20-04-2015 06:23 PM

المشاركة الأصلية كتبت بواسطة احمد المتيم

اشكرك اولا على الرد قبل اي حاجة
لا يظهر على المور ولا على الرجوع للخلف
فقط عند السير للامام وبسرعة بطيئة ويختفي لما ادوس بنزين او تزيد سرعة العربية
وبحس بيه تحت رجلي وتحت الكرسي وبتزيد سرعة التكتكة مع زيادة سرعة العربية وبعد كده بتختفي
ولما تمشي بيها ربع ساعة ولا حاجة مبيجيش تاني الا لو ركنت العربية ساعة او اتنين

بص هقول لحضرتك على حاجه تعملها ..خلي العربيه بارده ..وإنزل كده ناحية العجل الشمال وتقوم لا مؤاخذه في الكلمة واكل العجله دي شلوت برجلك .بس شلوت عفي ..بس خلي بالك عشان رجلك ..وشوف هتسمع صوت حاجه بتشخلل ..أو في صوت حاجه زي ما تكون مفكوكه ..لو عايز تتأكد إعمل الموضوع ده تاني ..أو أقولك ..لما تسمع الصوت ده إعمل كده..إنك تضرب العجله برجلك جامد ..وشوف هتسمع صوت حاجه بتشخلل أو حاجه مفكوكه ..بس تكون العربيه مبطله وتكون في حته هاديه عشان تبقى مركز مع الصوت ..شوف وقولي

**احمد المتيم** · 20-04-2015 10:30 PM

المشاركة الأصلية كتبت بواسطة moe86

ظلطه فى العجل ؟ أو الافيز اللى ماسك الطاسات (لو عندك) ؟
أو جزء من الاكصدام الامامى او الخلفى سايب و بيخبط فى الارض/العجل

شكرا على اهتمامك بس انا مخليتش حاجة مربطهاش ومبصتش عليها لدرجة ان المواسير اللي ماشية فالعربية ربطهم بأفيز عشان اشيل احتمال ان حاجة مفكوكة او بيخبط

**احمد المتيم** · 20-04-2015 10:35 PM

المشاركة الأصلية كتبت بواسطة m_m_sh_a

بص هقول لحضرتك على حاجه تعملها ..خلي العربيه بارده ..وإنزل كده ناحية العجل الشمال وتقوم لا مؤاخذه في الكلمة واكل العجله دي شلوت برجلك .بس شلوت عفي ..بس خلي بالك عشان رجلك ..وشوف هتسمع صوت حاجه بتشخلل ..أو في صوت حاجه زي ما تكون مفكوكه ..لو عايز تتأكد إعمل الموضوع ده تاني ..أو أقولك ..لما تسمع الصوت ده إعمل كده..إنك تضرب العجله برجلك جامد ..وشوف هتسمع صوت حاجه بتشخلل أو حاجه مفكوكه ..بس تكون العربيه مبطله وتكون في حته هاديه عشان تبقى مركز مع الصوت ..شوف وقولي

انا رحت لورشتين النهردة واحد بيريح دماغو وبيقولي من جوه الفتيس وبيقول طرمبة الزيت بتاعة الجير او البلي وحسيت ان لسه شوية لحد مسلم بحاجة زي كده وخصوصا ان الفتيس السي في تي شبة ان تصليحو بتمن الجديد ... والثاني قال احتمال كبير من مكان التقاء الموتور مع اول الشكمان وده دليلو اللي قال عليه كده ان المكنة فال d بترجع لورا وفالمور او لور بتقفل فمبيجيش الصوت ... هروح بكرة ان شاء الله اكشف عالموضوع ده وربنا يجعل فيه الحل