تجربتي ف مركز "المتحدة" لتغيير جوان وش السلندر لإسبرانزا 516

السلام عليكم ورحمة الله وبركاته

إلحاقاً للموضوعين السابقين http://www.nilemotors.net/Nile/463127-a516.html و http://www.nilemotors.net/Nile/463643-a.html قررت التوجه لمركز "المتحدة" لصيانة السيارات بناء ع تجارب أعضاء المنتدى ..
دخلت المركز يوم الخميس 16 ابريل حوالي الساعة 2 الضهر وإستقبلوني هناك وأول شئ عملناه هو كشف بالكومبيوتر وطبعاً الأخطاء اللى لقيناها ملهاش علاقة بمشكلة السخونة ... ولكن تحت ضوء الشمس لفت إنتباهنا وجود اثار بيضاء غالباً "ملح" من "تنشيع" مياه على يمين الموتور ف الجزء المتواجد فيه "جوان وش السلندر" وكانت دي العلامة الأكيدة اللى بتدل على إن الجوان ضرب بالفعل ..
قررنا نفتح الموتور ونعمل الجوان وتغيير "الريداتير" لإنه حسب كلام الفنيين هناك هو السبب الرئيسي ف المشكلة ...
بدأنا فك وش الموتور الساعة 4 العصر تقريباً ... ولما إنتهينا من الفك لقينا "الجوان" فى حالة صعبة وكان بالفعل ضارب خالص وشكله يسد النفس .... وبعد كده تم كشط وصنفرة الوش من أثار الجوان القديم وتم قياس درجة الإعوجاج وللأسف لقينا إن البلوك السفلي فيه إعوجاج وبالتالي مش هينفع نركب جوان "صاج" إلا إذا البلوك راح للخراط وعمل كشط وحوار هياخد 4 ايام عمل زيادة وتكلفة تصل إلى 1500 جنيه بمصنعيات المركز ...
قررت اللجوء للحل التقليدي وهو تركيب جوان "جنجريد" والمركز حسبه عليا بـ55 جنيه مع العلم إنه ف اى محل بـ35 بس مش مشكلة ... المهم إن اليوم الأول إنتهى بتركيب الجوان وقولتلهم ف المركز انى عاوز اكشف ع "طلمبة المياه" فبدأنا نفك الجنب اليمين من الموتور اللى طلع ف النهاية هو اصعب بكتير من عملية تغيير الجوان بمراحل ... و لقينا إن "طلمبة المياه" الفايظ بتاعها بينقط وكفائتها ف التقليب مش اوي ... ولقيت ان قاعدة الموتور اليمين جابت أخرها برضو ... وأولسيهات الكامة والكرنك بتجيب زيت ... وسير الكاتينة عليه زيت وشكله بصراحة مكانش عاجبني خالص ... وقررت انى اجيب كل قطع الغيار من بره المركز بمعرفتي انا والعربية باتت ف المركز ...
تاني يوم روحت "شركة الجيزة" ف شارع المطبعة ف فيصل قبل صلاة الجمعة واشتريت من عندهم الأتي :
ريداتير بـ350 جنيه
طلمبة مياه بـ150 جنيه
سير كاتينة بـ170 جنيه
قاعدة موتور يمين بـ135 جنيه
أولسيهات (2 كامة و 1 كرنك) بـ15 جنيه الواحد
جوان تاكيهات بـ35 جنيه
وطلعت بعد كده ع المركز وبدأنا الشغل بعد صلاة الجمعة مباشرة .... قفلنا وش الموتور بالكامل وبعد كده ركبنا الطلمبة والأولسيهات ولقيت إن (البلية المتحركة) بتاعة الكاتينة حالتها زفت خالص وقربت تتقطم خلاص وللأسف كنا فتحنا سير الكاتينة اللى اشتريته والمركز رفض يبيع ليا طقم بلي كاتينة من غير السير وعاوزين يحسبوه عليا بـ560 جنيه بدون ضمان .... المهم وصلنا لحل يرضى كل الاطراف وهو انهم جابوا بلية "مستعملة" من عندهم وحالتها كويسة وركبناها وتم تدارك الموقف .... وبعد ما خلصنا كل الشغل مكانش فاضل غير تركيب "الريداتير" ... وبالفعل ركبناه وبعد كده أثناء التجربة واحد من الصنايعية شد الخرطوم اللى بنطلع منه الهوا بتاع الريداتير وللأسف كسر "البوز" البلاستيك بتاع الريداتير اللى لسه راكب من دقايق .... انا بصراحة كتمت غيظي وقولت لما أشوف هيتصرفوا ازاي ف المصيبة دي .... جابوا مادة لحام كده قعدوا يلزقوها وبتاع وبعد كده جربناها ولقينا "تسريب" منها .... فبصراحة مدير المركز مشكوراااااا أداني حق الريداتير ومفتاح عربيته الخاصة وقالي أطلع هات واحد تاني ع حسابنا ... وبالفعل طلعت بعربيته جبت واحد تاني ورجعنا ركبناه وكل شئ تمام وكشفنا بالكومبيوتر وتمت العملية على خير ....
فاتورة المركز :
البلية المستعملة 100 جنيه
الجوان وشوية كاوتش وحاجات كده 90 جنيه
مصنعية جوان وش السلندر + فك وتركيب طلمبة المياه + فك وتركيب قاعدة الموتور + فك وتركيب الريداتير + فك وتركيب سير الكاتينة والبلية + كشف الكومبيوتر أكتر من مرة = بعد الخصم والجدال 450 جنيه
تقديري للمعاملة ف المركز = 8 من 10
مهارة الصنايعية = 9 من 10
أسعار المصنعيات وقطع الغيار ف المركز = 6 من 10

أهم حاجه بقى ...المشكلة ولله الحمد إتحلت ؟؟؟؟؟طمنا إيه الأخبار ؟؟

اقتباس:

---

المشاركة الأصلية كتبت بواسطة m_m_sh_a

أهم حاجه بقى ...المشكلة ولله الحمد إتحلت ؟؟؟؟؟طمنا إيه الأخبار ؟؟

---

الحمدلله كله تمام :tumb::tumb:

اقتباس:

---

المشاركة الأصلية كتبت بواسطة mous6fa

الحمدلله كله تمام :tumb::tumb:

---

طيب مش تقول ..ولا إحنا معاك في الوحشه بس ؟؟..عموما الحمدلله وربنا يبارلك فيها يارب

االحمد لله ان المشكله اتحلت
ياريت تفاصيل
العربيه عامله كام الف لاءن كده الموتور حالته مش طبيعيه
واضح ان مالكها السابق كان مش بيصينها نهائي
تقيمي علي شرحك ووصفك
المتحده بالرغم من انهم غاليين شويه لكن الشغل من وصفك يستاهل الفلوس
وكنت هاتتعب لو عملت الشغل ده بره ومش هايكون مضمون في النهايه
خاصه خاصه
ان مواتير اسبرانزا مش من المواتير السهله والبسيطه في شغلها
لازم اللي يشتغل فيها يكون مختص وفاهم

اقتباس:

---

المشاركة الأصلية كتبت بواسطة hugan

االحمد لله ان المشكله اتحلت
ياريت تفاصيل
العربيه عامله كام الف لاءن كده الموتور حالته مش طبيعيه
واضح ان مالكها السابق كان مش بيصينها نهائي
تقيمي علي شرحك ووصفك
المتحده بالرغم من انهم غاليين شويه لكن الشغل من وصفك يستاهل الفلوس
وكنت هاتتعب لو عملت الشغل ده بره ومش هايكون مضمون في النهايه
خاصه خاصه
ان مواتير اسبرانزا مش من المواتير السهله والبسيطه في شغلها
لازم اللي يشتغل فيها يكون مختص وفاهم

---

العربية وأنا داخل بيها مركز المتحدة كانت عملت 175000 كيلومتر بالتمام والكمال ... ولمّا فكينا الوش إكتشفنا إن الجوان اللى ضرب كان لسه معمول من مدة لا تتجاوز 7 شهور على أقصى تقدير أو بمعنى أخر إن المالك السابق عمل الجوان وبعد كده عرضها للبيع .... اما سبب المشكلة فغالبا بسبب الريداتير وطلمبة المياه اللى قالولي ف المركز انها "الاصلية" اللى راكبة من الزيرووو وانتهى عمرها الافتراضى خلاص ... المالك السابق وهو المالك من الزيرو بالمناسبة مهمل جدااااااا وفعلا أتضح إنه بخيل اوووي على العربية وبهدلها معاه ...
الصنايعية ف المركز فاهمين شغلهم كويس جداً وحافظين كل مسمار ف الموتور بتاع الاسبرانزا وحقيقي بذلوا مجهود غير عادي عشان الشغل ف عربيتي يخلص خلال 48 ساعة .... انا راضي بشكل كامل عن شغلهم وراضي عن قيمة المصنعية اللى طلبوها ولكن إعتراضي الوحيد هو غلاء قطع الغيار اللى ف المركز وكمان بعض الشخصيات هناك بتتعامل معاك ع اساس إنك راجل راكب "ملاكي" وبتغرف الفلوس من الشارع ومش تعبان فيها .... يعني ع سبيل المثال لقيت ان اكتر من شخص دخل بعربيته على قسم "التكييف" وكلهم غيروا "السربنتينة" أو "الريداتير" وكأن فى إتفاق مسبق إن اللى يدخل القسم ده يحاولوا بقدر الإمكان يقنعوه بتغييرهم وشرائهم من المركز حتى لو حالتهم جيدة ... ده اللى لاحظته للأسف ولكن ف النهاية برضو هما أحسن مليون مرة من اى صنايعي بره ... الشغل بتاع عربيتي كان ممكن ياخد ع الاقل اسبوع مع اى حد تاني وهياخد مصنعية مقاربة لمصنعية المركز ....
تجربتي هناك اقدر من خلالها انصح الجميع بالتعامل مع المركز ولكن حاول بقدر الامكان تجيب قطع الغيار بمعرفتك وكمان تكون الزيارة للمركز بخصوص مشكلة كبيرة ف العربية مش مشكلة تافهة زي التكييف او تغيير سيور او تربيط عفشة والحاجات اللى مش بتاخد وقت او مجهود ف اى ورشة عادية ...

اقتباس:

---

المشاركة الأصلية كتبت بواسطة mous6fa

العربية وأنا داخل بيها مركز المتحدة كانت عملت 175000 كيلومتر بالتمام والكمال ... ولمّا فكينا الوش إكتشفنا إن الجوان اللى ضرب كان لسه معمول من مدة لا تتجاوز 7 شهور على أقصى تقدير أو بمعنى أخر إن المالك السابق عمل الجوان وبعد كده عرضها للبيع .... اما سبب المشكلة فغالبا بسبب الريداتير وطلمبة المياه اللى قالولي ف المركز انها "الاصلية" اللى راكبة من الزيرووو وانتهى عمرها الافتراضى خلاص ... المالك السابق وهو المالك من الزيرو بالمناسبة مهمل جدااااااا وفعلا أتضح إنه بخيل اوووي على العربية وبهدلها معاه ...
الصنايعية ف المركز فاهمين شغلهم كويس جداً وحافظين كل مسمار ف الموتور بتاع الاسبرانزا وحقيقي بذلوا مجهود غير عادي عشان الشغل ف عربيتي يخلص خلال 48 ساعة .... انا راضي بشكل كامل عن شغلهم وراضي عن قيمة المصنعية اللى طلبوها ولكن إعتراضي الوحيد هو غلاء قطع الغيار اللى ف المركز وكمان بعض الشخصيات هناك بتتعامل معاك ع اساس إنك راجل راكب "ملاكي" وبتغرف الفلوس من الشارع ومش تعبان فيها .... يعني ع سبيل المثال لقيت ان اكتر من شخص دخل بعربيته على قسم "التكييف" وكلهم غيروا "السربنتينة" أو "الريداتير" وكأن فى إتفاق مسبق إن اللى يدخل القسم ده يحاولوا بقدر الإمكان يقنعوه بتغييرهم وشرائهم من المركز حتى لو حالتهم جيدة ... ده اللى لاحظته للأسف ولكن ف النهاية برضو هما أحسن مليون مرة من اى صنايعي بره ... الشغل بتاع عربيتي كان ممكن ياخد ع الاقل اسبوع مع اى حد تاني وهياخد مصنعية مقاربة لمصنعية المركز ....
تجربتي هناك اقدر من خلالها انصح الجميع بالتعامل مع المركز ولكن حاول بقدر الامكان تجيب قطع الغيار بمعرفتك وكمان تكون الزيارة للمركز بخصوص مشكلة كبيرة ف العربية مش مشكلة تافهة زي التكييف او تغيير سيور او تربيط عفشة والحاجات اللى مش بتاخد وقت او مجهود ف اى ورشة عادية ...

---

تمام كلام سليم
انا مابتعاملش مع المتحده
بس فكره انك لما تروح عندهم
ومش محتاج انك تلف علي محلات قطع الغيار
وممكن تشتري قطعه غيار ةتكتشف انها غير مطابقه
وروح رجعها وهات غيرها
ودوخه واشتغالات الصنايعيه بتساوي فلوس
يعني تقد تقول انهم بيقدمو خدمه جيده بمقابل عالي شويه

أنا كنت متردد إني أكتب الكلام اللى هكتبه ده بس بصراحة أنا متغاظ ولازم أكتبه :H_angry[1]::H_angry[1]:
بعد ما أستلمت العربية من المركز يوم الجمعة بليل ومشيت بيها طبيعي لمدة حوالي 4 ايام ... صباح اليوم الخامس نزلت بالعربية الشغل وكانت ماشية بشكل طبيعي خالص وبعد كده كنت بشوف مكان أركن فيه لما وصلت ... فجأة وانا بشوف مكان لقيت العربية بطّلت :duh:
احاول أدورّها مش عاوزة تلقط دوارة خالص ... المهم سبت العربية مكانها وطلعت ع الشغل ورجعتلها بعد ساعتين زمن كده عشان احاول معاها تاني وبرضو مفيش فايدة ولقيت زيت واقع تحت الموتور :duh:
جبت "ميكانيكي" من عندي ف الشغل يبص عليها وكانت المفاجأة ... وإحنا بنحاول ندورها ضربت مدفع دخان اسود من البوابة بتاعة الموتور :angry27: ... نزل يبص تحتها لقى "أولسيه الكرنك" اللى لسه متغير من ايام ضرب زيت ع الاخر ... فتحنا الغطا بتاع سير "الكاتينة" وكانت الصدمة :120146b
سير الكاتينة غرقان زيت وللأسف مرحّل (حصل ترحيل للتقسيمة من كتر تسريب الزيت ع السير) وهو ده سبب إنها وقفت ومش عاوزة تدور وضربت مدفع الدخان ... وبكل حسرة الميكانيكي قال ليا كده أكيد الموتور جاب صبابات وعوضك ع الله :120146b:120146b:120146b
أنا ساعتها حسيت انى هفقد الوعي بجد ... قعدت ف الشغل ف حالة صدمة حوالي ساعتين كده لحد ما قررت انى اجيب "ونش" وأطلع بالعربية ع مركز المتحدة ...
بالفعل جبت الونش ووصلنا للمركز ... وبدون الدخول ف تفاصيل كتير الصنايعية لقوا فعلا ان الاولسيهات اللى غيرناها كلها ضربت وسير الكاتينة مرحل بسبب الزيت اللى عليه ...
قالوا هنعمل تجربة نقطع بيها الشك باليقين ... هننضف اثار الزيت ونركب سير تاني ونظبط التقسيمة بتاعته ونجرب ... لو دارت العربية يبقى محصلش اضرار وربنا سترها معاك ... لو مفيش دوارة يبقى كده صبابات خلاص :120146b
حطيت ايدي ع قلبي وكانت اعصابي بايظة خالص وواقف جنبهم وهما بيظبطوا السير ... وحانت لحظة الحسم ودخلت أدور العربية .... وحصلت المعجزة الإلهية والموتور دار بشكل طبيعي جداً وكأن مفيش حاجة حصلت :biggrin2::biggrin2::biggrin2::biggrin2:
سجدت لله من كتر الفرح وقالولي الحمدلله ان السير كان مرحل حاجة بسيطة وماعملش اى اضرار ف الموتور ... وغيرنا الأولسيهات اللى ضربت وركبت سير كاتينة جديد وسير مجموعة وغسلنا الحوض بتاع الموتور كله والحمدلله العربية رجعت لطبيعتها تاني بفضل الله :biggrin2::biggrin2:
الحوار ده خسرت فيه الاتي :
سير كاتينة من المركز = 190 جنيه
سير مجموعة (بالضمان) = 98 جنيه
أولسيهات كامة وكرنك = 80 جنيه
مصنعيات = 230 جنيه

دروس مستفادة :
الأولسيهات نوعها سئ جداً ومضروبة وكانت هتوديني ف داهية وللأسف محدش خلاص بقى عنده ضمير ف البلد الـ*** دي ... بالرغم من تفاهة سعرها (كان الواحد ب15 جنيه لما اشتريته بمعرفتي بره المركز) بس لما بتضرب ممكن تضيعلك الدنيا كلها ...

اقتباس:

---

المشاركة الأصلية كتبت بواسطة mous6fa

أنا كنت متردد إني أكتب الكلام اللى هكتبه ده بس بصراحة أنا متغاظ ولازم أكتبه :H_angry[1]::H_angry[1]:
بعد ما أستلمت العربية من المركز يوم الجمعة بليل ومشيت بيها طبيعي لمدة حوالي 4 ايام ... صباح اليوم الخامس نزلت بالعربية الشغل وكانت ماشية بشكل طبيعي خالص وبعد كده كنت بشوف مكان أركن فيه لما وصلت ... فجأة وانا بشوف مكان لقيت العربية بطّلت :duh:
احاول أدورّها مش عاوزة تلقط دوارة خالص ... المهم سبت العربية مكانها وطلعت ع الشغل ورجعتلها بعد ساعتين زمن كده عشان احاول معاها تاني وبرضو مفيش فايدة ولقيت زيت واقع تحت الموتور :duh:
جبت "ميكانيكي" من عندي ف الشغل يبص عليها وكانت المفاجأة ... وإحنا بنحاول ندورها ضربت مدفع دخان اسود من البوابة بتاعة الموتور :angry27: ... نزل يبص تحتها لقى "أولسيه الكرنك" اللى لسه متغير من ايام ضرب زيت ع الاخر ... فتحنا الغطا بتاع سير "الكاتينة" وكانت الصدمة :120146b
سير الكاتينة غرقان زيت وللأسف مرحّل (حصل ترحيل للتقسيمة من كتر تسريب الزيت ع السير) وهو ده سبب إنها وقفت ومش عاوزة تدور وضربت مدفع الدخان ... وبكل حسرة الميكانيكي قال ليا كده أكيد الموتور جاب صبابات وعوضك ع الله :120146b:120146b:120146b
أنا ساعتها حسيت انى هفقد الوعي بجد ... قعدت ف الشغل ف حالة صدمة حوالي ساعتين كده لحد ما قررت انى اجيب "ونش" وأطلع بالعربية ع مركز المتحدة ...
بالفعل جبت الونش ووصلنا للمركز ... وبدون الدخول ف تفاصيل كتير الصنايعية لقوا فعلا ان الاولسيهات اللى غيرناها كلها ضربت وسير الكاتينة مرحل بسبب الزيت اللى عليه ...
قالوا هنعمل تجربة نقطع بيها الشك باليقين ... هننضف اثار الزيت ونركب سير تاني ونظبط التقسيمة بتاعته ونجرب ... لو دارت العربية يبقى محصلش اضرار وربنا سترها معاك ... لو مفيش دوارة يبقى كده صبابات خلاص :120146b
حطيت ايدي ع قلبي وكانت اعصابي بايظة خالص وواقف جنبهم وهما بيظبطوا السير ... وحانت لحظة الحسم ودخلت أدور العربية .... وحصلت المعجزة الإلهية والموتور دار بشكل طبيعي جداً وكأن مفيش حاجة حصلت :biggrin2::biggrin2::biggrin2::biggrin2:
سجدت لله من كتر الفرح وقالولي الحمدلله ان السير كان مرحل حاجة بسيطة وماعملش اى اضرار ف الموتور ... وغيرنا الأولسيهات اللى ضربت وركبت سير كاتينة جديد وسير مجموعة وغسلنا الحوض بتاع الموتور كله والحمدلله العربية رجعت لطبيعتها تاني بفضل الله :biggrin2::biggrin2:
الحوار ده خسرت فيه الاتي :
سير كاتينة من المركز = 190 جنيه
سير مجموعة (بالضمان) = 98 جنيه
أولسيهات كامة وكرنك = 80 جنيه
مصنعيات = 230 جنيه

دروس مستفادة :
الأولسيهات نوعها سئ جداً ومضروبة وكانت هتوديني ف داهية وللأسف محدش خلاص بقى عنده ضمير ف البلد الـ*** دي ... بالرغم من تفاهة سعرها (كان الواحد ب15 جنيه لما اشتريته بمعرفتي بره المركز) بس لما بتضرب ممكن تضيعلك الدنيا كلها ...

---

واضح إن السير بتاع التقسيمه ما أتقطعش ..ده فوت ..وده اللي خلى ال tuning أو التناغم ما بين الكرنك وعمود الكامه تقريبا متحافظ عليه وعشان كده ولله الحمد الصباب عندك محصلوش حاجه ..حصلي موقف زي كده في العربيه ال 128 اللي كانت معايا ..العربيه ال 128 سير التقسيمه من تحت مش متغطي ..وكنت مره مروح بليل على طريق دولي والدنيا مطرت مطر السنين ..وواضح طبعا إن السير شرب مياه لما إتكرع ..المهم بعديها بتلات أيام تقريبا وأنا ماشي في الشارع لقيت برضه العربيه بطلت ..المهم عشان مطولش لما السير إتفك عن طريق الميكانيكي لقينه في سنه مفوته..وإتغير السير والعربيه ولله الحمد إشتغلت ..كنت زيك برضه كده ..واقف جنب الميكانيكي وحاطط إيدي على قلبي ..ونفس إحساسك بالضبط لما العربيه دارت .. ..عموما الحمدلله ..قدر الله وما شاء الله فعل ..

اقتباس:

---

المشاركة الأصلية كتبت بواسطة m_m_sh_a

واضح إن السير بتاع التقسيمه ما أتقطعش ..ده فوت ..وده اللي خلى ال tuning أو التناغم ما بين الكرنك وعمود الكامه تقريبا متحافظ عليه وعشان كده ولله الحمد الصباب عندك محصلوش حاجه ..حصلي موقف زي كده في العربيه ال 128 اللي كانت معايا ..العربيه ال 128 سير التقسيمه من تحت مش متغطي ..وكنت مره مروح بليل على طريق دولي والدنيا مطرت مطر السنين ..وواضح طبعا إن السير شرب مياه لما إتكرع ..المهم بعديها بتلات أيام تقريبا وأنا ماشي في الشارع لقيت برضه العربيه بطلت ..المهم عشان مطولش لما السير إتفك عن طريق الميكانيكي لقينه في سنه مفوته..وإتغير السير والعربيه ولله الحمد إشتغلت ..كنت زيك برضه كده ..واقف جنب الميكانيكي وحاطط إيدي على قلبي ..ونفس إحساسك بالضبط لما العربيه دارت .. ..عموما الحمدلله ..قدر الله وما شاء الله فعل ..

---

الحمدلله ع كل شئ ... السير كان لسه راكب جديد يوم "الجمعة" بعد ما خلصنا شغل جوان وش السلندر ... بس لما غرق زيت حصل اللى حصل والحمدلله ربنا سترها معايا

شكرراً على مشاركه التجربه
ربنا يملالك العربيه بركه

خد بالك جوان الجرنجريد مش هيعيش

اقتباس:

---

المشاركة الأصلية كتبت بواسطة mecha

خد بالك جوان الجرنجريد مش هيعيش

---

ليه طيب كده ..؟؟؟؟!!!!!!!!!

الجرنجريد ميستحملش حراره غازات الحريق يشقق ,ومعاهم ميه طالع نازل.

اقتباس:

---

المشاركة الأصلية كتبت بواسطة mecha

الجرنجريد ميستحملش حراره غازات الحريق يشقق ,ومعاهم ميه طالع نازل.

---

يعني الجوان ده هيضرب تاني ولا إيه ؟؟؟؟؟!!!!!!!!!!!!!

اقتباس:

---

المشاركة الأصلية كتبت بواسطة mous6fa

السلام عليكم ورحمة الله وبركاته

إلحاقاً للموضوعين السابقين http://www.nilemotors.net/nile/463127-a516.html و http://www.nilemotors.net/nile/463643-a.html قررت التوجه لمركز "المتحدة" لصيانة السيارات بناء ع تجارب أعضاء المنتدى ..
دخلت المركز يوم الخميس 16 ابريل حوالي الساعة 2 الضهر وإستقبلوني هناك وأول شئ عملناه هو كشف بالكومبيوتر وطبعاً الأخطاء اللى لقيناها ملهاش علاقة بمشكلة السخونة ... ولكن تحت ضوء الشمس لفت إنتباهنا وجود اثار بيضاء غالباً "ملح" من "تنشيع" مياه على يمين الموتور ف الجزء المتواجد فيه "جوان وش السلندر" وكانت دي العلامة الأكيدة اللى بتدل على إن الجوان ضرب بالفعل ..
قررنا نفتح الموتور ونعمل الجوان وتغيير "الريداتير" لإنه حسب كلام الفنيين هناك هو السبب الرئيسي ف المشكلة ...
بدأنا فك وش الموتور الساعة 4 العصر تقريباً ... ولما إنتهينا من الفك لقينا "الجوان" فى حالة صعبة وكان بالفعل ضارب خالص وشكله يسد النفس .... وبعد كده تم كشط وصنفرة الوش من أثار الجوان القديم وتم قياس درجة الإعوجاج وللأسف لقينا إن البلوك السفلي فيه إعوجاج وبالتالي مش هينفع نركب جوان "صاج" إلا إذا البلوك راح للخراط وعمل كشط وحوار هياخد 4 ايام عمل زيادة وتكلفة تصل إلى 1500 جنيه بمصنعيات المركز ...
قررت اللجوء للحل التقليدي وهو تركيب جوان "جنجريد" والمركز حسبه عليا بـ55 جنيه مع العلم إنه ف اى محل بـ35 بس مش مشكلة ... المهم إن اليوم الأول إنتهى بتركيب الجوان وقولتلهم ف المركز انى عاوز اكشف ع "طلمبة المياه" فبدأنا نفك الجنب اليمين من الموتور اللى طلع ف النهاية هو اصعب بكتير من عملية تغيير الجوان بمراحل ... و لقينا إن "طلمبة المياه" الفايظ بتاعها بينقط وكفائتها ف التقليب مش اوي ... ولقيت ان قاعدة الموتور اليمين جابت أخرها برضو ... وأولسيهات الكامة والكرنك بتجيب زيت ... وسير الكاتينة عليه زيت وشكله بصراحة مكانش عاجبني خالص ... وقررت انى اجيب كل قطع الغيار من بره المركز بمعرفتي انا والعربية باتت ف المركز ...
تاني يوم روحت "شركة الجيزة" ف شارع المطبعة ف فيصل قبل صلاة الجمعة واشتريت من عندهم الأتي :
ريداتير بـ350 جنيه
طلمبة مياه بـ150 جنيه
سير كاتينة بـ170 جنيه
قاعدة موتور يمين بـ135 جنيه
أولسيهات (2 كامة و 1 كرنك) بـ15 جنيه الواحد
جوان تاكيهات بـ35 جنيه
وطلعت بعد كده ع المركز وبدأنا الشغل بعد صلاة الجمعة مباشرة .... قفلنا وش الموتور بالكامل وبعد كده ركبنا الطلمبة والأولسيهات ولقيت إن (البلية المتحركة) بتاعة الكاتينة حالتها زفت خالص وقربت تتقطم خلاص وللأسف كنا فتحنا سير الكاتينة اللى اشتريته والمركز رفض يبيع ليا طقم بلي كاتينة من غير السير وعاوزين يحسبوه عليا بـ560 جنيه بدون ضمان .... المهم وصلنا لحل يرضى كل الاطراف وهو انهم جابوا بلية "مستعملة" من عندهم وحالتها كويسة وركبناها وتم تدارك الموقف .... وبعد ما خلصنا كل الشغل مكانش فاضل غير تركيب "الريداتير" ... وبالفعل ركبناه وبعد كده أثناء التجربة واحد من الصنايعية شد الخرطوم اللى بنطلع منه الهوا بتاع الريداتير وللأسف كسر "البوز" البلاستيك بتاع الريداتير اللى لسه راكب من دقايق .... انا بصراحة كتمت غيظي وقولت لما أشوف هيتصرفوا ازاي ف المصيبة دي .... جابوا مادة لحام كده قعدوا يلزقوها وبتاع وبعد كده جربناها ولقينا "تسريب" منها .... فبصراحة مدير المركز مشكوراااااا أداني حق الريداتير ومفتاح عربيته الخاصة وقالي أطلع هات واحد تاني ع حسابنا ... وبالفعل طلعت بعربيته جبت واحد تاني ورجعنا ركبناه وكل شئ تمام وكشفنا بالكومبيوتر وتمت العملية على خير ....
فاتورة المركز :
البلية المستعملة 100 جنيه
الجوان وشوية كاوتش وحاجات كده 90 جنيه
مصنعية جوان وش السلندر + فك وتركيب طلمبة المياه + فك وتركيب قاعدة الموتور + فك وتركيب الريداتير + فك وتركيب سير الكاتينة والبلية + كشف الكومبيوتر أكتر من مرة = بعد الخصم والجدال 450 جنيه
تقديري للمعاملة ف المركز = 8 من 10
مهارة الصنايعية = 9 من 10
أسعار المصنعيات وقطع الغيار ف المركز = 6 من 10

---

السلام عليكم

في مبدأ انا دايما ماشي علية مع الصنايعية وخاصة في اي مركز صيانة وهو انك تشتري منهم كل قطع الغيار لسببين , اولا هتريح بالك من الذهاب والعودة و المواصلات لشرائهم , والثاني انك بتحسس الصنايعي اللي شغال في عربيتك انه خدم صاحب المركز وباعلوا بضاعة وطبعا بيركبها كويس جدا ( لان الصنيعية بتاخد عمولة على اي قطعة غيار بيبعها ) ....
يعني شويت فلوس زيادة ( غالبا بتكون بنسبة 10% ) لكن بتريح دماغك من مشاكل كتير بعد كدة , ولو حصل معاك اي مشكلة بتقدر ترجعلوا تاني وبيقوم باللازم على حساب المركز .

عندي لحضرتك سؤال هام

انا كان معي عربية بي واي دي f3 ولظروف عندي بعتها , والان متوفر معي 45 الف جنية واريد ان اشتري اسبرانزا 516 ولقيت الاتي :
سعر 2006 و 2007 ماشي من 100 الى 160 الف في حدود من 38الى 42 الف جنية .
سعر 2008 و ماشي من 60 الى 100 الف في حدود من 41 الى 45 الف جنية .
سعر 2009 وماشي من 60 الى 100 الف في حدود من 43 الى 50 الف جنية.

ارجو من حضرتك ان تقول لي اية رايك في هذه الاسعار التي وجدتها
ايضا ما هو افضل موديل في السبرانزا 516

تحياتي وتقديري

م / محمد السيد