السلام عليكم
عربيتي اسكورت زيتيك وعندي ساعة الحرارة بتاعه العربيه متغيره لساعة فيات درجه حرارة 90 ومش عارف الساعه دي ممكن تسبب مشكله للعربية ولا لا مع العلم أن المروحة بتشتغل عند نهايه حرف ال r
عرض للطباعة
السلام عليكم
عربيتي اسكورت زيتيك وعندي ساعة الحرارة بتاعه العربيه متغيره لساعة فيات درجه حرارة 90 ومش عارف الساعه دي ممكن تسبب مشكله للعربية ولا لا مع العلم أن المروحة بتشتغل عند نهايه حرف ال r
معظم عربياتنا متعدلة التعديل ده ، لكن اسمح لي اصحح لك المعلومة ، المتغير هو الثيرموستات مش ساعة الحرارة
السبب في كده ان بدون التعديل ده العربية بتاخد درجة الحرارة من الكونترول وفي الحالة دي المروحة بتشتغل عند حرف الـ l وبالتالي العربية بتكون سخنة جدا واساسا الجو عندنا حر ومش مستحمل ، من ناحية تانية التعديل ده تعديل بلدي غير مدروس برضه لأن مواتير الفورد مواتير حامية بتاخد منها احسن أداء وهي سخنة لكن لما المروحة تشتغل عند حرف الـ r الموتور بيكون بارد والعربية هتاكل بنزين .
انا عندي الفيستا لما الترموستات بتاعتها الاصليه بقت بتقطع فالميكانيكي نصحني اني اجيب ترموستات فيات و اعدلها و عملت كده فعلا المهم انك تجيب اعلي درجه حراره في ترموستات الفيات و هي الي بتفتح عند حراره 92 و ده مناسبه جدا لانها هتشغل المروحه عند اخر حرف m في امبير الحراره وده حراره مناسبه و بعد شويه حساس الترموستات بيقل فمكن تفتح متاخر شويه وكده تسخن العربيه كويس المهم تكون ترموستات ايطالي اصلي مش مضروب
ياجماعة انا عندي نفس المشكلة انا زيتك ١٦٠٠ عندي تلات حساسات حرارة واحد في الكوعة من تحت دا بيدي اشارة للمؤشر والتاني في الكوعة من فوق ودا الي فهمته انو حساس الحرارة والتالت في الخرطوم الي واصل للراديتير والاصلي كان بفيشة ٤ طرف بس باظ وسبب ان العربية ضربت جوان لان دا تقريبا المسؤل عن تشغيل المروحة المهم بعد الدوخة دي وجوان وهم اسود حطيت ارموستات فيات ٩٠ ودلوقت مظبوطة معايا الحرارة مش بتزيد عن حرف الn او اقل وثابتة حتي في السفر ومع التكيف ودا الي يهمني بس لما افتح الكبوت العربية سخنة(السخونة الطبيعية )والمية مش بتغلي ولا حاجة بس مشكلتي استهلاك البنزين عالي ودا من زمان الصراحة مش قادر احدد بس اهو الحمد لله اهون من حوار الحرارة دا واهي ماشية لحد ماتفرجً(الفورد زعلها وحش ووحش اوي ربنا يسترها)