الموضوع: بتقطع بنزين و مش عارف لها حل

يبا العداد بيخرف ,وشوف الفيش

بعد الفحص و البحث مع بتاع عدادات و ميكانيكي
تم الاجماع ان التنك فيه خبطه مخليه البنزين بيتجمع بعيد عن العوامه في الجناب
و مش عارف صح ولا اشتغاله

الرد ببساطه اشتغاله
انت مش مغير تانك ؟؟؟؟؟؟؟؟؟ هل القديم كان فيه خبطه بردك؟؟ ومن نفس الناحيه !!! وبمقدار قريب كدا !!!!!!!
اولا المشكله دي عشان تحلها كهربائي شاطر يكشف الاول ويعالج اللي يخصه من ناحية الطرمبه وتقسيم الفيش والكونترول والفيوزات والضفيره بتاعت العدادات
ثانيا لو الموضوع خرج من ايده هاتروح لبتاع عدادات شاطر بيشتغل في عدادات البنزين ( اقصد عنده خبره في انابير البنزين مش بتاع عدادات وخلاص) لان ممكن المشكله في العداد بيعلق بايظ .....الخ
ثالتا موضوع انها بتاكل بنزين( دا شغل ميكانيكي شاطر ) طبعا ومحتاج للكهربائي لو في زبط او شغل في الضفيره او الكونترول خاص بزبط الموتور واستهلاكها
وهل جربت تحط العربيه او تزبطها على الجهاز قريب ولا مافيهاش مشاكل ولخبطه او لعب في الضفيره او الكونترول
ولو عايز كهربائي شاطر يكشف قوللي وارشح لك واحد من الاخر بس في الجيزه

فيه لغز مش مهم العداد ليه العربية بتفصل وفيها بنزين طب هى بعد الفصل بتشتغل تانى لو كده شوف الكابل بتاع الطلمبه من اوله لاخره وشوف الفيش ونظفها باسبراى

السلام عليكم جميعا
اليكم خلاصه يوم كامل من الساعه 12 ظهرا لغاية 8 مساء في المشكله دي و الي حصل فيها

اولا رحت للميكانيكي الي ركب التانك اتأكد انه فعلا فيه خبطه
لقيته فعلا فيه خبطه من النص لدرجة ان الحزام الي راكب عليه التنك باين و فيه مسافه بينه و بين التنك مش اقل من 10 سم
المهم , فك العوامه و حاول يستعدل التانك بكذا طريقه لغاية ما فعلا اتعدل من كل ناحيه , و يمكن دي الحسنه الوحيده ان التانك صاج.
و بعدين ركبا العوامه , و بنجرب لقيت ان العربيه بمجرد ما دارت بمجرد ما التنك رجع تاني معووج بس المره دي مش بسبب خبطه انما بسبب قوة الشفط من التانك نفسه (كأنك بتشفط كيس بلاستيك)

صبي الميكانيكي سألني بعدها سؤال " انت نظفت الكاتالاستر بتاع العربيه؟ " و بما اني معرفش هو بيتكلم عن ايه فمكنش فيه رد.

لقيته نزل تحت العجله الي ورا يمين و فك جهاز ليه مش عارف اسمه او وظيفته او اي حاجه عنه الي الان . انا صورته و

الشيئ ده حير كل الناس في شارع دمشق , لان بعد فكه الميكانيكي قالي انه مسدود كليا و فعلا كان لما يهز فيه يطلع منه حاجه زي تفل الشاي بلون اسود و نزل منه ما لا يقل عن كيلو او اتنين بدون مبالغه

نزلت شارع دمشق معرفتش اعتر فيه لا جديد و لا استيراد و محدش اصلا كان عارف ايه ده او بتاع عربيه نوعها ايه.

المهم , بما ان مفيش منه جديد , تم تنضيفه بالهواء لمدة ساعتين لغايه ما نزل منه كل البواقي الي فيه و تم تركيبه تاني
مع تدوير العربيه , كانت المفجأه بالنسبه لي ان التنك رجع تاني علي طبيعته لوحده بدون رد بفعل الهوا الي دخل فيه الي المفروض انه عادل شفط البنزين

العداد قفز من فاضي و لمبه منوره الي نص تانك و لمبه مطفيه
الميكانيكي قالي انه كده الحمد لله المشكله اتحلت , بس لاني فعلا اتعقدت منها فقررت اسيب العربيه لغاية ما تقطع بنزين و اشوف هتعمل كام كليو متر و لو كده احاول اغيره و اجيب واحد جديد و لو اني مش عارف ايه ده اصلا او اجيبه جديد منين

ده خلاصه ما حدث , يا رب يكون الكلام ده مفيد لأي حد يقع في نفس مشكلتي و شكرا لكل من رد و ساعد , ربنا يكرمكم جميعا

و شكرا لكم